ონისიფორე

[სარგებლის მომტანი]

ქრისტიანი, რომელსაც პავლე ტიმოთესთვის მიწერილ მეორე წერილში მოიხსენიებს (2ტმ. 4:19). მცირე აზიაში მცხოვრები სხვა ქრისტიანებისგან განსხვავებით, რომელთაც ზურგი აქციეს პავლეს, ონისიფორე ერთგულად ედგა მოციქულს მხარში და რომში ყოფნისას მის მოსაძებნად სიცოცხლეც კი ჩაიგდო საფრთხეში. მას არ რცხვენოდა პავლეს ბორკილების და, როგორც ეფესოში, ისე რომში, კარგ სამსახურს უწევდა მას. პავლე ძალიან აფასებდა ონისიფორეს ერთგულების გამო და ლოცულობდა, რომ მას და მის სახლეულობას იეჰოვასგან წყალობა მიეღოთ (2ტმ. 1:15—18).

ის, რომ პავლე ონისიფორეს ოჯახს უთვლის მოკითხვას და არა თავად ონისიფორეს (2ტმ. 4:19), მაინცდამაინც იმას არ ნიშნავს, რომ ონისიფორე იმ დროისთვის აღარ იყო ცოცხალი, თუმცა ამის ხელაღებით უარყოფა შეუძლებელია. გამორიცხული არ არის, რომ ონისიფორეს იმ პერიოდში უბრალოდ სხვაგან უწევდა ყოფნა ან პავლემ მხოლოდ საერთო მოკითხვა გადასცა მის ღვთისმოშიშ ოჯახის წევრებს და მათში თავად ონისიფორეც იგულისხმა.