რექაბი
[მეეტლე].
1. ბენიამინელი, ბეეროთელი რიმონის ვაჟი. რექაბმა და მისმა ძმამ, ბაანამ, მოთარეშე რაზმების მეთაურებმა, მოკლეს იშ-ბოშეთი, საულის ვაჟი და მემკვიდრე, და მისი თავი მეფე დავითს მიართვეს იმ იმედით, რომ მეფის გულს მოიგებდნენ. მაგრამ დავითმა უდანაშაულო კაცის მკვლელობისთვის ორივენი სიკვდილით დაასჯევინა (2სმ. 4:2, 5—12).
2. კენიელი, იეჰუს მხარდამჭერი იეჰონადაბის მამა ან წინაპარი; რექაბელთა წინაპარი (1მტ. 2:55; 2მფ. 10:15, 23; იერ. 35:6, 8, 14, 16, 18, 19; იხ. რექაბელები).
3. მამა ან წინაპარი მალქიასი, რომელიც ნეემიას იერუსალიმის კარიბჭის აღდგენაში ეხმარებოდა (ნემ. 3:14). თუ აქ №2 რექაბი იგულისხმება, მაშინ მალქიას მოხსენიება იმის დასტურია, რომ იერემიას 35:19-ში რექაბელებზე ჩაწერილი წინასწარმეტყველება შესრულდა.