რეხუმი

1. იგი ერთ-ერთი პირველი მოიხსენიება ზერუბაბელთან და იეშუასთან ერთად ბაბილონის ტყვეობიდან იერუსალიმში დაბრუნებულთა სიაში (ეზრ. 2:1, 2). ნეემიას 7:7-ში მისი სახელი წერია როგორც ნეხუმი.

2. მღვდელი, რომელიც ზერუბაბელთან ერთად დაბრუნებულთა შორის მოიხსენიება (ნემ. 12:1, 3). ებრაულ ასოთა მცირედი გადანაცვლებით მისი სახელიდან ნეემიას 12:15-სა და სხვა ბიბლიურ მუხლებში მოხსენიებული სახელი „ხარიმი“ მიიღება (იხ. ხარიმი №1).

3. „სამეფოს უმაღლესი მოხელე“ (სპარსეთის იმპერია), რომელიც სავარაუდოდ სამარიაში ცხოვრობდა. ის ერთ-ერთი იყო მათ შორის, ვინც თავის თავზე აიღო მეფე არტაქსერქსესთვის წერილის მიწერა. ამ წერილში ისინი იერუსალიმის აღდგენით დაკავებულ იუდეველებს ბრალს სდებდნენ, რომ ბოროტი ზრახვები ჰქონდათ. ამ წერილის საპასუხოდ მეფემ უფლება მისცა რეხუმსა და მის თანამოაზრეებს, რომ იერუსალიმში წასულიყვნენ და ძალით შეეწყვეტინებინათ იუდეველებისთვის მუშაობა (ეზრ. 4:8—24). თუმცა ანგიამ და ზაქარიამ მალევე შეაგულიანეს იუდეველები, რომ განეგრძოთ აღდგენითი სამუშაოები. მას შემდეგ, რაც სპარსელებმა განიხილეს კიროსის მიერ თავის დროზე გაცემული ბრძანება, იუდეველებს უფლება მიეცათ, რომ კანონიერად გაეგრძელებინათ მშენებლობა (ეზრ. 5:1—6:13).

4. ბანის ძე; ლევიანი, რომელიც იერუსალიმის გალავნის აღდგენაში მონაწილეობდა (ნემ. 3:17).

5. ბაბილონში გადასახლებიდან დაბრუნების შემდეგ მცხოვრები ერთ-ერთი საგვარეულოს წინამძღოლი. მან ან ამ საგვარეულოს წარმომადგენელმა ბეჭდის დასმით დაადასტურა ნეემიას გამგებლობის დროს დადებული ერთგულების შეთანხმება (ნემ. 10:1, 14, 25).