შეფატია

[იეჰოვა ასამართლებს].

1. ერთ-ერთი ბენიამინელი მეომარი, რომელმაც საული მიატოვა და დავითთან მივიდა ციკლაგში. ხარიფელი (1მტ. 12:1, 2, 5).

2. დავითის მეხუთე ვაჟი. დავითს ის ხებრონში მეფობის (ძვ. წ. 1077—1070) დროს შეეძინა აბიტალისგან (2სმ. 3:2, 4; 1მტ. 3:1, 3).

3. სიმონელთა წინამძღოლი დავითის მეფობის დროს; მააქას ვაჟი (1მტ. 27:16, 22).

4. იეჰოშაფატის ვაჟი, რომელსაც მამამისმა დიდძალი ძღვენი და გამაგრებული ქალაქები უბოძა და რომელიც მოგვიანებით უფროსმა ძმამ, იეჰორამმა სიცოცხლეს გამოასალმა (2მტ. 21:2—4).

5. იუდას ერთ-ერთი მთავარი, რომელმაც სხვა მთავრებთან ერთად მეფე ციდკიასგან იერემიას მოკვლის ნებართვა მიიღო და წინასწარმეტყველი ჭაში ჩააგდებინა. მათანიას ვაჟი (იერ. 38:1—6, 10).

6. ისრაელის ერთ-ერთი საგვარეულოს მამამთავარი, რომლის საგვარეულოდან 372 კაცი ძვ. წ. 537 წელს იერუსალიმში ზერუბაბელთან ერთად დაბრუნდა, კიდევ 80 კაცი კი ძვ. წ. 468 წელს ზებადიას მეთაურობით ეზრასთან ერთად დაბრუნდა (ეზრ. 2:1, 2, 4; 8:1, 8; ნემ. 7:9).

7. „სოლომონის მსახურთა ძეების“ საგვარეულო, რომელიც ბაბილონიდან ზერუბაბელთან ერთად დაბრუნდა იერუსალიმში (ეზრ. 2:1, 2, 55, 57; ნემ. 7:59).

8. ბენიამინელი, რომლის ერთ-ერთი შთამომავალი ბაბილონის ტყვეობის შემდეგ იერუსალიმში დასახლდა (1მტ. 9:7, 8).

9. იუდას შთამომავალი ფერეცის ხაზით. მისი ერთ-ერთი შთამომავალი ნეემიას გამგებლობის დროს იერუსალიმში სახლობდა (ნემ. 11:1, 2, 4).