ᲡᲘᲓᲘᲛᲘᲡ ᲕᲔᲚᲘ

ველი, რომელიც წმინდა წერილებში უკავშირდება მარილოვან (მკვდარ) ზღვას (დბ. 14:3). აქ აბრაამის დროს სოდომის, გომორის, ადმის, ცებოიმისა და ცოარის აჯანყებული მეფეები შეებრძოლნენ ელამის მეფე ქედარლაომერს და მის სამ მოკავშირეს. ბრძოლისას სოდომისა და გომორის მეფეები დამარცხდნენ და უკუიქცნენ, და როდესაც მტერს გაურბოდნენ, გზად მათი მებრძოლებიდან ზოგი ჩავარდა ფისიან ორმოებში, რომლებითაც სავსე იყო იქაურობა (დბ. 14:4, 8—10).

ზოგის აზრით, სიდიმის ველი მდებარეობს ლისანის ნახევარკუნძულის სამხრეთ ნაწილში, მკვდარი ზღვის იმ მონაკვეთში, რომელიც ყურეს წააგავს. ისინი ვარაუდობენ, რომ ერთ დროს ეს იყო ნაყოფიერი ველი, რომელიც მოგვიანებით დაიფარა წყლით, რისი მიზეზიც შესაძლოა ყოფილიყო სეისმური აქტივობა ან ტოპოგრაფიული ცვლილებები, რომლებიც ღვთის მიერ სოდომის, გომორისა და მთელი იმ მხარის განადგურებას მოჰყვა (დბ. 19:24, 25). პერიოდულად, აქ წყლის ზედაპირზე წყალმარჩხ ადგილებში კვლავაც ტივტივებს ხოლმე ფისი (იხ. ᲛᲐᲠᲘᲚᲝᲕᲐᲜᲘ ᲖᲦᲕᲐ).