ᲪᲔᲑᲝᲘᲛᲘ

ადგილი, რომელიც ქანაანელთა ტერიტორიის ერთ-ერთ საზღვრად არის მოხსენიებული (დბ. 10:19). ცებოიმი იყო იმ ხუთ ქალაქ-სახელმწიფოთაგან ერთ-ერთი, რომელიც აუჯანყდა ქედარლაომერს, 12 წელი რომ ბატონობდა მათზე. ქედარლაომერისა და მისი სამი მოკავშირის წინააღმდეგ ბრძოლაში ცებოიმის მეფე შემებერთან ერთად გაერთიანებული ძალებით გამოვიდნენ სოდომის, გომორის, ადმისა და ბელის (ცოარის) მეფეები, თუმცაღა ისინი დამარცხდნენ სიდიმის ველზე. გამარჯვებულებმა ტყვედ ჩაიგდეს ლოტი, მაგრამ აბრაამი დაედევნა მათ და დაამარცხა დამპყრობლები (დბ. 14:1—16). მოგვიანებით, ცებოიმი აღმოჩნდა ბოროტებით გამორჩეულ იმ ქალაქებს შორის, რომლებიც იეჰოვამ სოდომსა და გომორთან ერთად გაანადგურა (დბ. 19:24, 25; კნ. 29:22, 23; ოს. 11:8). ცებოიმის ზუსტი ადგილმდებარეობა უცნობია. მრავალი მეცნიერის აზრით, ადგილი, სადაც ეს ქალაქი მდებარეობდა, მკვდარი ზღვის წყალქვეშაა მოქცეული. თუმცა ამ ბოლო დროს ზოგმა მკვლევარმა გამოთქვა მოსაზრება, რომ ცებოიმის ნანგრევების ხილვა შესაძლებელია მკვდარი ზღვის სამხრეთ-აღმოსავლეთით არსებული ერთ-ერთი ხეობის გასწვრივ.