სიმონელები

[სიმონისგან, სიმონის]

იაკობის მეორე ვაჟის, სიმონის შთამომავლები. უდაბნოში ორმოცწლიანი ხეტიალის შემდეგ სიმონელთა შორის ოცი წლიდან ზემოთ ლაშქარში გამსვლელი 22 200 მამაკაცი აღირიცხა. იმ დროს ისრაელის 12 ტომს შორის ისინი ყველაზე ცოტანი იყვნენ. სიმონელები ხუთ ძირითად საგვარეულოდ — ნემუელთა, იამინელთა, იაქინელთა, ზერახელთა და შაულელთა საგვარეულოებად იყოფოდნენ (რც. 25:14; 26:1, 2, 12—14; იეს. 21:4; 1მტ. 27:16). თუ ისრაელების მეორედ აღრიცხვის დროს სიმონის მეექვსე ვაჟის, ოჰადის შთამომავლები არსებობდნენ, ალბათ, იმდენად ცოტანი იყვნენ, რომ მათი ცალკე საგვარეულოდ მოხსენიება საჭიროდ არ ჩათვალეს (დბ. 46:10; გმ. 6:15).