სტეფანასი

[ნაწარმოებია ფუძიდან, რომელიც ნიშნავს გვირგვინს]

ერთ-ერთი პირველი ქრისტიანი კორინთის კრებაში (საბერძნეთის სამხრეთ ნაწილში მდებარე აქაიის პროვინცია). სტეფანასის ოჯახს, რომელიც თავად პავლემ მონათლა, მოციქული აქაიის „პირველ ნაყოფს“ უწოდებს (1კრ. 1:16; 16:15). ხუთიოდე წლის შემდეგ, დაახლოებით ახ. წ. 55 წლისთვის, სტეფანასი ორ სხვა კორინთელ ძმასთან ერთად პავლეს ეფესოში ესტუმრა. პავლემ შესაძლოა მათგან შეიტყო, თუ რა სავალალო მდგომარეობა იყო კორინთში, რის შესახებაც იგი კორინთელებისთვის მიწერილ პირველ წერილში საუბრობს (1კრ. 1:11; 5:1; 11:18). სავარაუდოდ, პავლეს წერილი კორინთში სწორედ მათ ჩაიტანეს (1კრ. 16:17).