ᲡᲘᲥᲐᲠᲘ

ქალაქი სამარიაში და ადგილი, სადაც მდებარეობდა იაკობის წყარო. ის იყო შექემთან ახლოს, „იმ მინდვრის მახლობლად, რომელიც იაკობმა თავის ვაჟს, იოსებს, მისცა“ (ინ. 4:5, 6; შდრ. იეს. 24:32). სინა-სირიული კოდექსი „სიქარის“ ნაცვლად მოიხსენიებს „სიქემს“. თუმცაღა სანდო ბერძნულ მანუსკრიპტებში ვხვდებით „სიქარს“. ადრეული მწერლებიდან ზოგი ერთმანეთისგან განასხვავებდა შექემსა და სიქარს, ზოგი კი — არა. ბოლოდროინდელმა გათხრებმა ზოგიერთები იმ დასკვნამდე მიიყვანა, რომ სიქარი, შესაძლოა გაიგივებული იყოს სოფელ ასკართან, რომელიც იაკობის წყაროდან ჩრდ.-ჩრდ.-აღმ.-ით 700 მ-ში, ხოლო შექემიდან ჩრდ.-აღმ.-ით დაახლ. 1 კმ-ში მდებარეობს.