თათენაი

დარიოს I-ის (ჰისტასპესი) მმართველობის დროს სპარსეთის სამთავროს მდინარისგაღმელი გამგებელი. როდესაც იუდეველებმა დარიოსის მეფობის მეორე წელს (ძვ. წ. 520 წელი) ტაძრის აღდგენა განაახლეს, თათენაი თავის თანამოაზრეებთან ერთად ჩავიდა იერუსალიმში იმის გასარკვევად, თუ რატომ განახლდა მშენებლობა. იუდეველებმა მტკიცებულებად მოიყვანეს კიროსის თავდაპირველი ბრძანება, რის შემდეგაც თათენაიმ მისწერა დარიოსს და ჰკითხა, მართლა ჰქონდა თუ არა კიროსს ბრძანება გამოცემული. საპასუხო წერილიდან ირკვეოდა, რომ კიროსს თავის დროზე მართლა ჰქონდა გაცემული ტაძრის აღდგენის ბრძანება. მასში აგრეთვე ნათქვამი იყო, რომ თათენაის ხელი არ უნდა შეეშალა იუდეველებისთვის, პირიქით, მატერიალური დახმარება უნდა გაეწია. თათენაი ასეც მოიქცა (ეზრ. 4:24—6:13).