თიბნი

ისრაელის ათტომიანი სამეფოს ტახტის მაძიებელი. დაახლ. ძვ. წ. 951 წელს ისრაელის მეხუთე მეფის, ზიმრის შვიდდღიანი მეფობის დასრულების შემდეგ თიბნი მეფობის ერთ-ერთი პრეტენდენტი გახდა. ხალხი ორად გაიყო — ზოგს თიბნის გამეფება უნდოდა, ზოგს კი — ომრის. ოთხი წლის შემდეგ (ამ პერიოდში, სავარაუდოდ, ქვეყანაში შიდა ომი მიმდინარეობდა) ეს საკითხი ომრის სასარგებლოდ გადაწყდა, თიბნი კი დაიღუპა. თიბნი გინათის ვაჟი იყო (1მფ. 16:15, 21—23).