ცერუია

[შესაძლოა ნაწარმოებია ფუძიდან, რომელიც ნიშნავს ბალზამს]

მეფე დავითის და ან ნახევარდა. იოაბის, აბიშაისა და ასაჰელის დედა. ცერუიას დას, აბიგაილს „ნახაშის ასული“ ეწოდება, თავად ცერუიას კი — არა (2სმ. 17:25). ცერუია და მისი და აბიგაილი იესეს ვაჟების დებად არიან მოხსენიებული (1მტ. 2:16). შესაძლოა, ისინი იესეს ცოლის ქალიშვილები იყვნენ ნახაშთან პირველი ქორწინებიდან და აქედან გამომდინარე, დავითის ნახევარდები (იხ. აბიგაილი №2; ნახაში №2). როგორც ჩანს, ცერუია დავითზე საკმაოდ უფროსი იყო, რადგან მისი ვაჟები თითქმის დავითის ტოლები იყვნენ. ცერუია ძირითადად თავის სამ ვაჟთან ერთად მოიხსენიება; სამივენი დავითის ძლიერი მეომრები იყვნენ (2სმ. 2:13, 18; 16:9). მათ მამაზე მხოლოდ ის არის ნათქვამი, რომ ბეთლემში იყო დასაფლავებული (2სმ. 2:32).