აღმოვფხვრათ სიბინძურე გულიდან და გონებიდან

იეჰოვა სიბინძურისა და უწესრიგობისაკენ არ მოუწოდებს ადამიანებს. დედამიწა უნდა ყოფილიყო სამოთხე, როგორც სისუფთავის, წესრიგისა და სილამაზის სახლი. ღმერთს არ ჰქონდა განზრახული, რომ დედამიწა გადაქცეულიყო ნაგავსაყრელად (დაბადება 2:8, 9).

ადამიანებმა, იმის შემდეგ, რაც უარყვეს ღმერთის ხელმძღვანელობა, იწყეს თავიანთი მსოფლიო ნორმების ჩამოყალიბება. მათ არ გააჩნდათ ღვთიური სიბრძნე და საკმაო გამოცდილება, ამიტომაც მოუხდათ სწავლა შეცდომებისა და ექსპერიმენტების გზით. ამქვეყნიური ისტორია ადასტურებს ბიბლიურ ჭეშმარიტებას: ადამიანებს არ შეუძლიათ თავიანთი თავის წარმატებით მართვა; ათასწლეულების განმავლობაში „კაცი კაცზე მძლავრობდა თავისდა საზიანოდ“ (ეკლესიასტე 8:9; იერემია 10:23). ადამიანთა ცუდი მმართველობის შედეგია — ყველა სახის დაბინძურების დღევანდელი პრობლემა.

მივიღოთ ღმერთის თვალსაზრისი

ადამიანები, რომელთაც სურთ ასიამოვნონ ღმერთს, მთელი ძალით ცდილობენ დაიცვან შემოქმედის ნორმები სისუფთავესთან დაკავშირებით. მაგალითად, იეჰოვას მოწმეები შეხვდნენ ერთ სირთულეს, როდესაც 1991 წელს პრაღაში (ჩეხოსლოვაკია)a ინიშნებოდა საერთაშორისო კონგრესი. მას უნდა დასწრებოდა დიდძალი ხალხი, დაახლოვებით 75 000 ადამიანი, რომელსაც ადვილად დაიტევდა სტრახოვის სახელობის სტადიონი. მაგრამ სტადიონი უკვე ხუთი წლის გამოუყენებელი იყო და მას ხავსი მოკიდებოდა. 1 500 მოწმემ 65 000-ზე მეტი საათი მოანდომა სტადიონის განახლებას. ამ ღონისძიების შედეგად, კონგრესის დღეებში სტადიონი გადაქცეული იყო ჭეშმარიტი ღმერთის, იეჰოვასადმი თაყვანისმცემლობის ღირსეულ ადგილად.

სხვებისაგან განსხვავებით, რა აღძრავს იეჰოვას მოწმეებს დააფასონ სისუფთავე და წესრიგი? მადლიერება იმ ბიბლიური რჩევის გამო, რომ ქრისტიანებმა უნდა აღმოფხვრან ისეთი უარყოფითი თვისებები, როგორიცაა ეგოიზმი, უყურუდღებობა, სიხარბე და სიყვარულის ნაკლებობა. „გაიძრეთ ძველი ადამიანი მისი საქმეებითურთ“, — ამბობს ბიბლია, — „და შეიმოსეთ ახალი, რომელიც შემეცნებაში განახლებულია მისი შემქმნელის ხატისამებრ“. სისუფთავის, წესრიგისა და სილამაზისადმი მოყვარულ ადამიანში ადგილი არა აქვს დაბინძურებისაკენ მიდრეკილებებს (კოლასელთა 3:9, 10; 2 კორინთელთა 7:1; ფილიპელთა 4:8; ტიტე 2:14).

როგორც ახალ პიროვნებას, ქრისტიანს აწუხებს გარემოს დაბინძურება. ის არც ხელისუფლების მიერ დაბინძურების წინააღმდეგ მიმართულ კანონებს არღვევს. ახალი პიროვნება ეხმარება მას გაექცეს გამფლანგველ, ეგოისტურ და ზარმაც დამოკიდებულებას, რომელსაც უწესრიგობამდის მიჰყავს საქმე. როცა პატივს სცემს სხვათა საკუთრებას, ის გამორიცხავს კედლების შეთითხნას, როგორც ხელოვნების ერთ-ერთ სახეობას ან უწყინარ გართობას. ახალი პიროვნება მოითხოვს, რომ სახლი, მანქანა, ტანსაცმელი და სხეული იყოს სუფთა. (შეადარე იაკობი 1:21.)

რაც შეეხება იმ ადამიანებს, რომელთაც არ სურთ შეიმოსონ ახალი პიროვნებით, განა შეუძლიათ კი დაადანაშაულონ ღმერთი იმის გამო, რომ ის არ დაუშვებს ასეთმა პიროვნებებმა იცხოვრონ მომავალ სამოთხეში? არა, ვისმეს რომ გაუჩნდეს აზრი დაარღვიოს სისუფთავე, ამით იგი დაემუქრება პლანეტა დედამიწის — აღდგენილი სამოთხის სილამაზეს. სამართლიანია სიყვარულით აღსავსე ღმერთის გადაწყვეტილება „მოსპოს დედამიწის მომსპობნი“ (გამოცხადება 11:18; 21:8).

აქტიური მონაწილეობა?

მაგრამ ნიშნავს კი ეს იმას, რომ ქრისტიანებმა მონაწილეობა უნდა მიიღონ დაბინძურების წინააღმდეგ ბრძოლაში?

უეჭველია, დაბინძურება საზიანოა ჯანმრთელობისა და საზოგადოებრივი უსაფრთხოებისათვის. იეჰოვა სათანადო სახით ზრუნავს ამ კითხვებზე, როგორც ჩვენ ამას ვხედავთ ისრაელი ერისათვის მიცემული კანონებიდან (გამოსვლა 21:28–34; მეორე რჯული 22:8; 23:12–14). მაგრამ ღმერთი არასოდეს მიუთითებდა მათ დაერწმუნებინათ სხვა ხალხები, დაეცვათ საზოგადოებრივი უსაფრთხოების წესები; ამის შესახებ არც პირველი საუკუნის ქრისტიანებისთვის იყო რაიმე ნათქვამი.

დღეს გარემოს საკითხები ძალიან ადვილად შეიძლება გახდეს პოლიტიკური მსჯელობის საგანი. არსებითად, ზოგიერთი პოლიტიკური პარტია ჩამოყალიბდა გარემოს პრობლემების გადაწყვეტის მიზნით. ხოლო ქრისტიანი, რომელიც გამოდის რომელიმე პოლიტიკური პარტიის მხარეზე, ის მეტად აღარ არის ნეიტრალური. იესომ კი თავისი მოწაფეების შესახებ თქვა: „ისინი არაამქვეყნიურნი არიან, როგორც მე ვარ არაამქვეყნიური“. ქრისტიანი, რომელიც არ აფასებს ამ მოთხოვნილებას თავს საფრთხეში იგდებს. ის არ უნდა დადგეს „წუთისოფლის მთავართა [გვერდიგვერდ], რომელნიც წარმავალნი არიან“ (იოანე 17:16; 1 კორინთელთა 2:6).

იესო არ ცდილობდა თავისი დროის ყველა სოციალური პრობლემის გალაწყვეტას და მას არ უთქვამს თავისი მოწაფეებისათვის გაეკეთებინათ ეს, არამედ უთხრა: „ამიტომ წადით და გახადეთ მოწაფეებად ყველა ხალხი, მონათლეთ. . . ასწავლეთ მათ ყოველივეს დაცვა, რაც მე გამცნეთ“. იესოს არ გაუცია არავითარი განკარგულება გარემოსთან დაკავშირებით (მათე 28:19, 20).

როცა განმარტა, თუ რა უნდა იყოს ქრისტიანის ცხოვრებაში მთავარი, ქრისტემ თქვა: „უწინარეს ეძიეთ ღმერთის სასუფეველი და მისი სიმართლე“ (მათე 6:33). როცა იეჰოვა მესიანური სასუფევლის მეშვეობით სისრულეში მოიყვანს თავის სამართლიან პრინციპებს მსოფლიო მასშტაბით, ყველას სასიკეთოდ გადაწყდება გარემოს პრობლემები.

ასე რომ, იეჰოვას მოწმეები იცავენ გაწონასწორებულ შეხედულებას. რომაელთა 13:1–7 მუხლების თანახმად, მათთვის აუცილებელია კეთილსინდისიერად დაემორჩილონ სახელმწიფო კანონებს, რომელიც რეგულირებას უწევს გარემოს საკითხებს. ამრიგად, სიყვარული ახლობლის მიმართ აღძრავს მათ დააფასონ როგორც საზოგადოებრივი, ასევე პირადი საკუთრება. ისინი არ ანაგვიანებენ გარემოს. მაგრამ გასაგებია, რომ მათ არ ეძლევათ მითითებები სათავეში ჩაუდგნენ ამქვეყნიურ ღონისძიებებს, რომელიც მიმართულია დაბინძურების წინააღმდეგ. ისინი სამართლიანად უთმობენ პირველ ადგილს სამქადაგებლო საქმიანობას და ესმით, რომ სწორედ ეს არის სიკეთის კეთების წარუვალი საშუალება.

სულიერი გაწმენდა

ისრაელები არაერთხელ იყვნენ გაფრთხილებულნი იმის შესახებ, თუ რა შედეგი მოჰყვებოდა, როცა ისინი დედამიწას დააბინძურებდნენ სისხლის დაღვრით, უზნეო ცხოვრებით ან წმინდა საგნების დაუფასებლობით (რიცხვნი 35:33; იერემია 3:1, 2; მალაქია 1:7, 8). ყურადსაღებია ის, რომ ისინი სწორედ სულიერი და არა ფიზიკური დაბინძურების გამო გასამართლდნენ, რომელშიც შეიძლებოდა მათი დადანაშაულებაb.

ამიტომ, დღეს ქრისტიანი უმთავრესად ცდილობს გაექცეს ს უ ლი ე რ დაბინძურებას ან უწმინდურობას. იგი ამას იმით აკეთებს, რომ იმოსება „ახალ კაცად“, რომელიც წმინდავს გულისა და გონების ბინძური მიდრეკილებებისაგან. ოთხ მილიონზე მეტი მოწმე სარგებლობს ამ სულიერი გაწმენდით, როცა აღწევს რელიგიურ და ზნეობრივ სიწმინდეს და ასევე შესამჩნევ ფიზიკურ სისუფთავეს (ეფესელთა 4:22–24).

დღეს სულიერი მოსავლის ამღები კომპანიის დროა. მთელ დედამიწაზე სათანადო დროს დადგება ფიზიკური მოსავლის ამღები კომპანია. იმ დროს ჩვენი სახლი არ გადაიქცევა მსოფლიო სანაგვედ, არამედ გარს შემოიკრებს დაუბინძურებელ საზოგადოებას, რომლის ღირსიც ის არის (ეკლესიასტე 3:1).

[სქოლიოები]