ბირთვული საშიშროება საბედნიეროდ აღარ არსებობს
ღმერთს არ სურს, რომ ადამიანები პათოლოგიური შიშით მოცულები ცხოვრობდნენ. ‘ბედნიერი ღმერთის’ სურვილია, რომ ისინი სიამოვნებას განიცდიდნენ მშვიდობიანი და უსაფრთხო ცხოვრებით, მოკლედ რომ ვთქვათ, იყვნენ ბედნიერები (1 ტიმოთე 1:11, აქ). ნათელია, რომ ეს სავსებით შეუძლებელია იმ ქვეყნიერებაში, სადაც გაბატონებულია ბირთვული საშიშროება.
„მშვიდობისა და უსაფრთხოების“ გაყალბება
ნათელი უნდა იყოს, რომ ბირთვული საშიშროება ჯერ კიდევ არსებობს. პოლიტიკური, ეკონომიკური და სოციალური უწესრიგობის მიუხედავად, ხალხები კვლავ ოპტიმიზმით არიან გამსჭვალულები. მას შემდეგ, რაც გაერომ 1986 წელი გამოაცხადა მშვიდობის წლად, ნათელი გახდა მისი მისწრაფება, რომ შეამციროს საშიშროება.
ჟურნალი, „ატომური მეცნიერების ბიულეტენი“ (ინგლ.), ბოლო ათწლეულის განმავლობაში ყურადღებას აქცევს „საშინელი სამსჯავროს დღის საათს“ (ეს არის მეთოდი იმისათვის, რომ ადამიანებმა დაანახონ შესაძლო ბირთვული ომი), რომლის ისარი თერთმეტ საათსა და ორმოცდაჩვიდმეტი წუთიდან გადასწიეს უკან, თერთმეტ საათსა და ორმოცდასამ წუთზე. სტოკჰოლმის საერთაშორისო მშვიდობის კვლევითმა ინსტიტუტმა 1989 წელს აღნიშნა, რომ „კონფლიქტების მშვიდობიანად გადაწყვეტის იმედის საფუძველი დღეს უფრო მეტად არსებობს, ვიდრე სხვა წლებში, მეორე მსოფლიო ომის დამთავრების შემდეგ“.
უკანასკნელ წლებში, გაერთიანებული ერების ორგანიზაციის ავტორიტეტი ამაღლდა, რადგან ცდილობდა პლანეტის „ცხელ წერტილებში“ კონფლიქტების მოგვარებას. ცხადია, რომ ამ ორგანიზაციის წარმატება არ არის აბსოლუტური, მაგრამ მან განამტკიცა საერთო ოპტიმიზმი. როგორც ჩანს, მომავალი მოიტანს შემდგომ მიღწევებს. „მშვიდობისა და უსაფრთხოების“ შესახებ ლაპარაკი, შესაძლოა უფრო ხმამაღალი და ინტენსიური გახდეს. ამან შეიძლება ნდობაც მოიპოვოს.
მაგრამ გაფრთხილდი! ბიბლიაში ნათქვამია: «როცა იტყვიან: „მშვიდობა და უსაფრთხოება“, მაშინ მოულოდნელად დაატყდებათ თავს განადგურება, როგორც ფეხმძიმეს მშობიარობის ტკივილები, და ვერ დააღწევენ თავს». ამგვარად, ლაპარაკი ‘მშვიდობისა და უსაფრთხოების’ შესახებ, არის დროის დაწყების ნიშანი, რომ ღმერთმა ‘მოსპოს დედამიწის მომსპობნი’ [ისინი ვინც, აბინძურებენ, რადიოაქტიური ნარჩენებით ან სხვაგვარად] (1 თესალონიკელთა 5:3, 4; გამოცხადება 11:18).
ყურადღება მიაქციე იმას, რომ ბიბლია არ ამბობს, თითქოს ხალხები თავად მიაღწევენ ‘მშვიდობასა და უსაფრთხოებას’. აშკარაა, რომ ისინი ილაპარაკებენ რაღაც უჩვეულოდ, რითაც გამოხატავენ ოპტიმიზმსა და თავდაჯერებულობას, რასაც აქამდე არ გრძნობდნენ. წინანდელთან შედარებით მშვიდობისა და უსაფრთხოების მიღწევის შესაძლებლობა მოეჩვენებათ უფრო ახლოს. კვლავ არსებული ბირთვული საშიშროების მიუხედავად, ერები დამშვიდებულნი იქნებიან უსაფრთხოების ცრუ გრძნობით.
თუმცა, ჭეშმარიტი ქრისტიანები არ მოტყუვდებიან. ისინი ადამიანთა მიერ დამყარებულ მშვიდობასა და უსაფრთხოებას კი არ მოელიან ცხოველი ინტერესით, არამედ რაღაც უფრო უკეთესს!
მშვიდობა და უსაფრთხოება — სინამდვილეა
ჭეშმარიტ მშვიდობასა და უსაფრთხოებას მხოლოდ იეჰოვა დაამყარებს, რადგან ფსალმუნის 4:9-ში წერია: „მშვიდად დავწვები და დავიძინებ, რადგან შენ, უფალო, მხოლოდ შენ მამყოფებ უშიშრად“. ნებისმიერი ლაპარაკი „მშვიდობისა და უსაფრთხოების“ შესახებ, რომელიც იეჰოვას სამეფოს ორგანიზაციასთან არ არის დაკავშირებული, სიყალბეა. მას არ შეუძლია მიაღწიოს დიდი ხნის მანძილზე არსებობას.
სანახევროდ მიღებული ზომები არ არის დამახასიათებელი ღმერთის სამეფოსთვის, რომელსაც იესო ხელმძღვანელობს. ღმერთის მთავრობა გააკეთებს უფრო მეტს, და არა მხოლოდ ბირთვული იარაღის რაოდენობას შეამცირებს; ის სრულიად მოახდენს ბირთვული და ნებისმიერი სახეობის საბრძოლო იარაღის ლიკვიდაციას. ფსალმუნის 45:10 გვპირდება: „შეწყვეტს [ღმერთი] ომებს დედამიწის კიდით-კიდემდე, მშვილდს შემუსრავს და შუბს დაამსხვრევს, [საომარ] ეტლებს დაბუგავს ცეცხლით“.
ასევე, წარსულს ჩაჰბარდება ბირთვული საშიშროება, რომელიც გამოწვეულია ატომური რეაქტორების უწესივრო ფუნქციონირებით ან რადიოაქტიური ნარჩენებით. სხვა მხრივ, ტყუილი იქნებოდა შემდეგი სიტყვები: „ყველა თავისი ვაზის და ლეღვის ქვეშ იჯდება და არავინ იქნება დამაფრთხობელი; რადგან ცაბაოთ უფლის ბაგე ლაპარაკობს ამას“. ღმერთს არ შეუძლია მოიტყუოს. ჩვენ არავითარი საფუძველი არა გვაქვს, რომ ეჭვი შევიტანოთ მის სიტყვებში (მიქა 4:4; ტიტე 1:2).
შეძლებ თუ არა გაიხარო ისეთ ქვეყნიერებაში ცხოვრებით, სადაც აღარასოდეს იარსებებს ბირთვული საშიშროება? — დიახ, შენ შეძლებ, რადგან ღმერთის სიტყვა ნათლად გვთავაზობს მოთხოვნებს. მათი შესწავლისა და მათ თანახმად ცხოვრების საშუალებით შეძლებ ერთ მშვენიერ დღეს გქონდეს უდიდესი სიხარული, რომ შვებით ამოისუნთქო და თქვა: „ბირთვული საშიშროება — აღარ არსებობს!“
[სურათი მე-7 გვერდზე]
მშვიდობა იმეფებს ღმერთის ახალ ქვეყნიერებაში აღარ იქნება ბირთვული საშიშროება.
[საავტორო უფლება]
M. Thonig/H. Armstrong Roberts
[საავტორო უფლება მე-6 გვერდზე]
U.S. National Archives photo