მცდარი სწავლებების ჯაჭვი

„ფრთხილად იყავით“, — ასეთ სიტყვებს სწერდა ახ. წ. პირველი საუკუნის მეორე ნახევარში მოციქული პავლე ქრისტიანებს. რის შესახებ აფრთხილებდა ის თანამორწმუნეებს? „შეიძლება ვინმემ გაგიტაცოთ ფილოსოფიითა და ფუჭი ცდუნებით, რომლებიც ეთანხმება ადამიანთა ადათ-წესებს“ (კოლოსელები 2:8).

პავლეს გაფრთხილების მიუხედავად, ახ. წ. მეორე საუკუნის შუა წლებიდან ზოგი ქრისტიანი თავისი რელიგიური შეხედულებების ასახსნელად ანტიკურ ფილოსოფოსებს დაესესხა. რატომ? მათ სურდათ, რომის იმპერიის განათლებული საზოგადოებისთვის მისაღები ყოფილიყვნენ და შესაბამისად უფრო მეტი ადამიანი მოქცეულიყო მათ რწმენაზე.

მათგან ერთ-ერთი ყველაზე ცნობილი ქრისტიანი, იუსტინე წამებული მიიჩნევდა, რომ იესო დედამიწაზე მოსვლამდე გაცილებით ადრე ეჩვენა ბერძენ ფილოსოფოსებს. იუსტინესა და მის თანამოაზრეთა შეხედულებით, სწორედ ფილოსოფიისა და მითოლოგიის წყალობით გახდა ქრისტიანობა საყოველთაო რელიგია.

იუსტინე წამებულის შეხედულებებმა დიდად შეუწყო ხელი ახალმოქცეულთა რიცხობრივ ზრდას. მაგრამ, ერთ არასწორ სწავლებას სხვა მცდარი სწავლებები მოჰყვა, რამაც „ქრისტიანული“ დოქტრინების მრავალფეროვნება წარმოშვა. შემდეგ სტატიებში სხვადასხვა წყაროებიდან მოყვანილი აზრები ფარდას ახდის ამ მცდარ შეხედულებებს და დაგვანახვებს, სინამდვილეში რას გვასწავლის ბიბლია.

[სურათის საავტორო უფლებები 3 გვერდზე]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence