შეკითხვების ყუთი

◼ რა შემთხვევებში შეიძლება დაევალოს მომსახურეს სხვა კრებაში საჯარო მოხსენებით გამოსვლა?

ბიბლიის თანახმად, „სიტყვისა და სწავლების“ პასუხისმგებლობა კრებაში უხუცესებს აკისრიათ (1 ტიმ. 5:17; 3:2). სადაც შესაძლებელია, საჯარო მოხსენებებით ისინი უნდა გამოდიოდნენ. თუ არ არიან საკმარისი უხუცესები, სხვა კრებიდან მოწვეული მომხსენებლების ჩათვლით, უხუცესთა საბჭოს შეუძლია მომსახურეებს დაავალოს საჯარო მოხსენების წარმოთქმა თავიანთ კრებაში.

ჩვეულებრივ, სხვა კრებებში საჯარო მოხსენებით მხოლოდ უხუცესები უნდა გამოდიოდნენ. მაგრამ, თუ საკმარისი უხუცესები არ არიან, შეიძლება ახლომდებარე კრებიდან მომსახურეებს სთხოვონ საჯარო მოხსენების წარმოთქმა, რათა საჯარო შეხვედრა რეგულარულად ტარდებოდეს. როცა თავმჯდომარე ზედამხედველი იღებს ასეთ თხოვნას და კრების უხუცესთა საბჭო ფიქრობს, რომ მომსახურე კარგად გაართმევს თავს ამ დავალებას, მას შეიძლება დაევალოს სხვა კრებაში მოხსენებით გამოსვლა. მაგრამ სხვა შემთხვევებში მხოლოდ უხუცესებს უნდა დაევალოთ სხვა კრებაში მოხსენების წარმოთქმა. იქ, სადაც შეუძლებელია ყოველი კვირისთვის მომხსენებლის მოძებნა, შეიძლება წაკითხულ იქნეს ორგანიზაციის მიერ მოწოდებული საჯარო მოხსენების გეგმები და დამსწრეებს შეუძლიათ ნახონ ბიბლიური მუხლები და განიხილონ ერთად. ასეთი სახით, ყველა შეძლებს საჯარო შეხვედრით გათვალისწინებული სულიერი საზრდოს მიღებას იმის მიუხედავად, არიან თუ არა მომხსენებლები.