ქადაგებისას გამოავლინე გამჭრიახობა

¹ გამჭრიახობა მოითხოვს, რომ გვესმოდეს იმ ადამიანებისა, რომლებსაც ვუქადაგებთ. რატომ? იმიტომ რომ, ჩვენი წარმატება ადამიანთა გულების ჩაწვდომაში დამოკიდებულია ჩვენს უნარზე, ისე გადავცეთ ცნობა სამეფოს შესახებ, რომ მიიზიდოს ისინი. იანვრის თვეში ჩვენ შევთავაზებთ წიგნს — „ყველაზე დიდებული ადამიანი“ (რუს.). მომდევნო რჩევები დამხმარე აღმოჩნდება შენთვის.

² თუ აირჩიე წიგნის შეთავაზება, შეგიძლია მისი ყურადღება გაამახვილო 133-ე თავში მოცემულ ილუსტრაციაზე და თქვა:

◼ „ეს ილუსტრაცია მხატვრის წარმოდგენითი ასახვაა, თუ რას ასწავლის ბიბლია დედამიწის მიმართ ღვთის განზრახვის შესახებ და რა იქნება შესრულებული სამეფოს მიერ იესო ქრისტეს ხელმძღვანელობით. როგორ ფიქრობთ, რა მოგეთხოვებათ თქვენ და თქვენს ოჯახს, რომ დედამიწაზე სამოთხეში იცხოვროთ? (საშუალება მიეცი, გიპასუხოს). ბიბლია გვიჩვენებს, რომ ჭეშმარიტი მშვიდობა და უსაფრთხოება მალე რეალობა იქნება მთელ დედამიწაზე და რომ სამოთხე აღორძინდება (წაიკითხე ფსალმუნი 36:10, 11). ეს წიგნი გაგაცნობთ იესო ქრისტეს ცხოვრებასა და მსახურებას. ყურადღება მიაქციეთ, რატომ არის ეს შემეცნება ასე მნიშვნელოვანი“. წაიკითხე იოანე 17:3. „მე მსურს, რომ დაგიტოვოთ ამ წიგნის ეგზემპლარი“. თუ კეთილგანწყობილი პასუხი და შესაფერისი მომენტია, შეგიძლია მოკლედ აუხსნა, როგორ ხდება შესაწირავის გაღება ამ საქმეზე.

³ ან შეგიძლია, ამის მსგავსად თქვა:

◼ „მთელ დედამიწაზე მილიონობით ადამიანს ძლიერ სურს ბედნიერება, რომელიც, თითქოს, გაურბის მათ მიუხედავად იმისა, რომ დიდ ძალისხმევას ახმარენ მის პოვნას. მრავალი სიცოცხლეს უყურებს, როგორც მცირე ხნით არსებობას, ბავშვების აღზრდას და უცაბედად დატეხილ სიკვდილამდე მომავალში საუკეთესოზე დაიმედებას. მაგრამ ბიბლია გვიჩვენებს, რომ ბედნიერება უფრო მეტს ნიშნავს“. შემდეგ ჩართე რამდენიმე აზრი 35-ე გაკვეთილიდან სათაურით „ვინ არის ჭეშმარიტად ბედნიერი“ და მოკლედ აჩვენე, რომ ღვთის განზრახვაა შექმნას ახალი ქვეყნიერება, სამოთხე. შეკითხვაზე: „რას ფიქრობთ მომავლის ამ იმედის შესახებ?“ კომენტარი მიაცემინე მობინადრეს. საშუალება მიეცი, გიპასუხოს და თუ ინტერესს ავლენს, შესთავაზე წიგნი. თუ შესაფერისი მომენტია, აუხსენი შესაწირავის ღონისძიება.

⁴ საუბარი შეგიძლია დაიწყო მიმდინარე გადაუჭრელი სოციალური პრობლემების შესახებ ახალი ამბებით და შემდეგ შეეკითხო:

◼ „ფიქრობთ თუ არა, რომ ოდესმე მსოფლიო ლიდერები შეძლებენ გადაჭრან ეს პრობლემები? (საშუალება მიეცი, გიპასუხოს და მობინადრეს პასუხი შეუქე). ყოველი ჩვენგანი დააფასებდა ცხოვრებას ქვეყნიერებაზე, სადაც ასეთი პრობლემები არ იქნება. ეს რეალური გახდება ღვთის მთავრობის მმართველობის დროს, რის შესახებაც ვლოცულობთ“. წაიკითხე ესაია 32:17, 18 რომ ანახო, როგორ დამყარდება საბოლოოდ მშვიდობა და უსაფრთხოება. აუხსენი, რომ წიგნი „ყველაზე დიდებული ადამიანი“ გვთავაზობს ბიბლიურ მტკიცებას, რომ ღვთის დანაპირები დედამიწისთვის ახლო მომავალში ჭეშმარიტად განხორციელდება ქრისტეს მმართველობით. თუ პიროვნება მადლიერია ინფორმაციისთვის, შესთავაზე წიგნი.

⁵ თუ გსურს, მოკლე შეთავაზება გააკეთო ტრაქტატით — „გადარჩება კი ეს ქვეყნიერება“ — შეგიძლია შესთავაზო ტრაქტატი და ჰკითხო:

◼ „რა დაემართება პლანეტა დედამიწას? ეს მრავალს აინტერესებს. რას ფიქრობთ ამის შესახებ?“ მობინადრეს პასუხი მოუწონე და შემდეგ წაუკითხე მე-2 გვერდზე მოცემული შესავალი.

⁶ კარგი გამჭრიახობა უნარიანს გაგვხდის, განვასხვავოთ იმ ხალხის ინტერესები და მოთხოვნილებები, რომლებსაც ვხვდებით. იგავნის 16:23 გვარწმუნებს ამაში, როცა ამბობს: „ბრძენის გული მის პირს გონიერს ხდის და მის ბაგეებს ცოდნას ჰმატებს“.