სარგებლობა მიიღე თეოკრატიული სამსახურის სკოლიდან 1996 წელს (მე-2 ნაწილი)
1 საზოგადოების ერთ-ერთი ფილიალი, 1943 წელს თეოკრატიული სამსახურის სკოლის გახსნიდან მცირე დროის შემდეგ, იუწყებოდა: „ამ დიდებულმა ღონისძიებამ დროის მცირე მონაკვეთში მიაღწია იმას, რომ მრავალ ისეთ ძმას დაეხმარა, რომლებსაც ვერც კი წარმოედგინათ, ოდესმე თუ შესძლებდნენ საჯაროდ საუბარს ან თუ გახდებოდნენ საკმაოდ უნარიანები სცენაზე გამოსვლისთვის და მით უფრო უნარიანები საველე მსახურებისას“. სკოლა კვლავაც ბრწყინვალე აღზრდით უზრუნველგვყოფს, რომელიც ყველა ჩვენგანს ესაჭიროება.
2 ბიბლიის კითხვა: სკოლა მხოლოდ მომხსენებლისთვის არ წარმოადგენს სასარგებლოს. ფაქტიურად, ყოველ ჩვენგანს აქვს დავალება — ბიბლიის ყოველკვირეული კითხვა. სკოლის პროგრამა გვიჩვენებს, ბიბლის რომელი თავებია წასაკითხი ყოველ კვირას. საღვთო წერილის მრავალი ადგილი შეგვახსენებს, რომ განსაკუთრებით მნიშვნელოვანია ბიბლიის ყოველდღიურად კითხვა (იესო 1:8; ფსალმ. 1:2; საქ. 17:11). ბიბლიის კითხვა აუცილებელია კარგი სულიერი ჯანმრთელობისთვის; ის კვებავს გულსა და გონებას. თუ ჩვენ ყოველდღიურად, სულ მცირე, ხუთი წუთით მაინც ვკითხულობთ ბიბლიას, ეს გვეხმარება, რომ ზუსტად მივყვეთ ბიბლიის კითხვის სკოლის პროგრამას. წლის ბოლოს ღვთის სიტყვიდან ჩვენ უკვე წაკითხული გვექნება 150 თავზე მეტი. თუ ყოველთვის თან გვაქვს ბიბლია, შევძლებთ, ყოველდღიურად წავიკითხოთ მისი, თუნდაც, მცირე ნაწილი.
3 დამმოძღვრავი მოხსენება: ძმების განსაკუთრებით ერთგული, გულმოდგინე მსახურებისთვის აღსაძვრელად მომხსენებელს, რომელიც დამმოძღვრავ მოხსენებას წარმოთქვამს, ესაჭიროება კარგი სასწავლო მეთოდების გამოყენება, რომ გადასცეს აზრი და გააძლიეროს მადლიერების გრძნობა, როგორც იეჰოვას მიმართ, ასევე მისი სიტყვისა და ორგანიზაციის მიმართ. უხუცესები და სამსახურებრივი თანაშემწეები შეძლებენ ამის გაკეთებას, თუ კარგად მოემზადებიან, თავიანთ მოხსენებას მითითებული თემის ირგვლივ ააგებენ, ისაუბრებენ დამაჯერებლად და მასალას ცოცხლად გადასცემენ (ებრ. 4:12). ძალიან მნიშვნელოვანია, რომ მომხსენებელი მისთვის განკუთვნილ დროში ჩაეტიოს. წიგნში, „თაყვანისცემაში გაერთიანებულნი“, საკმაოდ მრავლადაა მოცემული ბიბლიური მუხლები და გვთავაზობს ბიბლიის მთელ რიგ წამახალისებელ მასალას, რომელიც სულიერად სასარგებლოა ჩვენთვის.
4 ბიბლიის მნიშვნელოვანი აზრები: ძმებმა, რომლებსაც ეს დავალება ეძლევათ, უნდა მონიშნონ განსაკუთრებული მუხლები, რომლებიც შეიძლება პრაქტიკულად გამოიყენონ კრების საკეთილდღეოდ. ეს კი მოითხოვს მითითებული მუხლების კითხვას, მათზე ფიქრს და მონიშნული მუხლების გამოკვლევას, რათა ნაპოვნი იქნეს საკითხები, რომლებიც ნათელს მოჰფენს ამ მუხლების მნიშვნელობას. ყოველი წლის 15 დეკემბრის „საგუშაგო კოშკის“ გამოცემაში მოთავსებულია ინდექსი, რომელიც მიუთითებს, თუ სად არის დამატებითი ინფორმაცია. ძმები, რომლებიც ამ ნაწილს წარმოგვიდგენენ, გამჭრიახნი უნდა იყვნენ და უნდა მოერიდონ უადგილო მასალის დამატებას. არ უნდა მოამზადონ იმაზე უფრო მეტი მასალა, რაც გონივრულად შეიძლება ჩაეტიოს 6 წუთში.
5 ყოველ ჩვენგანს შეუძლია სარგებლობა მიიღოს თეოკრატიული სამსახურის სკოლიდან. ეს დაგვეხმარება საუბრისა და სწავლების უნარის განვითარებაში. თუ სრულიად გამოვიყენებთ ამ შემოთავაზებულ უზრუნველყოფას, ეს ჭეშმარიტად დაგვეხმარება, ‘ჩვენი წარმატება ყველასათვის ცხადი’ გავხადოთ (1 ტიმ. 4:15).