ახალგაზრდებო — რა არის თქვენი სულიერი მიზნები?
1 იეჰოვამ იცის, თუ რამდენად აუცილებელია სამუშაო და მისაწვდომი მიზნები ბედნიერების მისაღებად (იხილე დაბადება 1:28; 2:15, 19). დღეს იეჰოვამ თავის ხალხს დაავალა, რომ იქადაგოს და ასწავლოს. ჩვენი საბოლოო მიზანიც სამოთხეში მარადიული სიცოცხლის მიღწევაა. მანამდე ჩვენ გვესაჭიროება პროგრესული სულიერი მიზნების დასახვა, თუ გვსურს, მოვერიდოთ ჩვენი ენერგიებისა და შესაძლებლობების არასწორად წარმართვას (1 კორ. 9:26).
2 რეალური მიზნები ახალგაზრდებისთვის. ახალგაზრდებს თეოკრატიული მიზნები უნდა ჰქონდეთ, რომელთა მიღწევაც შესაძლებელია მათი ინდივიდუალური უნარიანობით (1 ტიმ. 4:15). ზოგმა მცირეწლოვანმა იმას მიაღწია, რომ კითხვის სწავლამდე ზეპირად ამბობს ბიბლიის წიგნების სახელებს. ოჯახური შესწავლის მეშვეობით ბავშვები სწავლობენ შეხვედრებისთვის მომზადებას ისე, რომ ისინი აღწევენ აზრიანი კომენტარის მიცემისა და თეოკრატიული სამსახურის სკოლაში ჩაწერის მიზანს. როდესაც შვილები მიჰყვებიან სამქადაგებლო მსახურებაში მშობლებს, ისინი სწავლობენ დამოწმებაში მონაწილეობის მიღებას, რამდენადაც წინ მიიწევენ მიზნისთვის, გახდნენ მოუნათლავი მაუწყებლები. მშობლები უნდა ეხმარებოდნენ შვილებს მიძღვნისა და ნათლობის მიზნის დასახვაში.
3 თუ მოზარდი ხარ, რა არის შენი სულიერი მიზნები? „გახსოვდეს შენი გამჩენი“ ახლა იმით, რომ კონცენტრირებას ცხოვრებაში ნამდვილად მნიშვნელოვან მიზნებზე მოახდენ (ეკ. 12:1; ფსალმ. 70:17). რატომ არ იქნებოდი დამხმარე პიონერი იმ თვეების განმავლობაში, როდესაც სკოლის არდადეგები გექნება? გიფიქრია სრული დროით მსახურებაზე, მაგალითად სრული დროით პიონერობაზე? რა შეიძლება ითქვას ახალი ენის სწავლაზე, რათა მომავალში შეძლო დაეხმარო უცხოენოვან ჯგუფს ან კრებას შენს ტერიტორიაზე, ან სხვაგან? მრავალს, ამჯერად ბეთელში, მიმომსვლელ ზედამხედველად თუ მისიონერად მსახურს სპეციალური სრული დროით მსახურება ჯერ კიდევ სკოლაში ყოფნისას ჰქონდათ მიზნად დასახული. რატომ არ გააკეთებდი შენც იმავეს?
4 სანამ მცირეწლოვანი ხარ ეცადე, იესოს მაგალითს მიბაძო. როდესაც მცირეწლოვანი იყო, 12 წლის, თავისუფლად საუბრობდა სულიერ საკითხებზე (ლუკ. 2:42–49, 52). როდესაც პირადად დაისახავ სასარგებლო მიზნებს, მაგალითად: პირადი შესწავლა, ბიბლიის ყოველდღიურად კითხვა და რეგულარულად მოწიფულ ქრისტიანებთან თანამშრომლობა შეხვედრებისა და მსახურების დროს, დაგეხმარება იესოს მსგავსად ღვთის სამეფოს შესახებ სხვების სწავლების ხელობის შეძენაში.