იეჰოვას მოწმეების 1998 წლის საოლქო კონგრესი „ღვთისმოსაწონი ცხოვრება“
1 ყოველწლიურად იეჰოვას დღევანდელი თაყვანისმცემლები მთელ მსოფლიოში მოუთმენლად ელიან საოლქო კონგრესებს, რომლებსაც მრავალნი ესწრებიან. ამგვარად ისინი ბაძავენ ძველ ისრაელში მცხოვრებ იეჰოვას ერთგულ მსახურებს, რომლებიც მხიარულად მღეროდნენ 121-ე ფსალმუნში ჩაწერილ სიტყვებს, როდესაც იეჰოვას თაყვანსაცემად მიდიოდნენ იერუსალიმში. ამ ფსალმუნის პირველ მუხლში ვკითხულობთ: „გავიხარე როცა მითხრეს: უფლის სახლში წავიდეთ“. ამგვარი ღონისძიებები უფრო მეტად ცხადყოფს, რომ ესაიას 2:2, 3-ში ჩაწერილი სიტყვები სრულდება.
2 წელს სიხარულის განსაკუთრებული მიზეზი გვაქვს, რადგან მსოფლიოს მრავალი ქვეყნიდან ათასობით დელეგატი დაესწრება შედარებით დიდ კონგრესებს, რაც მათ საერთაშორისო ელფერს მიანიჭებს. ბევრ კონგრესს დაესწრებიან ოჯახებისა და მეგობრების მოსანახულებლად დაბრუნებული მისიონერები. ამიტომ კონგრესის თავისებურებას განსაზღვრავს პროგრამაში ჩართული სხვა ქვეყნებში მსახურებისას მომხდარი შემთხვევები და სამეფოს შესახებ ქადაგების წინსვლის მაჩვენებელი ანგარიშები.
3 რა თქმა უნდა, საერთაშორისო კონგრესებზე დასწრებას მხოლოდ მიწვეული კრებები შეძლებენ. მნიშვნელოვანია, ყველას სწორი თვალსაზრისი ჰქონდეს ამ შეზღუდვებთან დაკავშირებით, რათა ყველა კონგრესი ორგანიზებულად ჩატარდეს. პროგრამის ცალკეული ნაწილები და ანგარიშები, ასევე მისიონერების დასწრება, ყველა საოლქო კონგრესს საერთაშორისო ელფერს მიანიჭებს.
4 რადგან ვემზადებით 1998 წლის საოლქო კონგრესისთვის „ღვთისმოსაწონი ცხოვრება“, გვსურს განვიხილოთ ზოგიერთი საკითხი, რომლებიც დაგეხმარებათ კონგრესისთვის სასტუმროს ნომრების დაჯავშნაში. თქვენი თანამშრომლობა ცხადყოფს, რომ მადლიერნი ხართ ყოველივესთვის, რაც თქვენთვის გაკეთდა.
5 სასტუმროს ნომრების დაჯავშნა: სამსახურებრივ შეხვედრაზე ამ დანართის განხილვის შემდეგ, კრება გაეცნობა კონგრესზე დანიშვნის წერილს. შემოთავაზებული საცხოვრებელი ადგილების სია გამოკრული იქნება კრების განცხადებების დაფაზე შეხვედრის დამთავრების შემდეგ. უხუცესებმა ან სხვებმა არ უნდა დაჯავშნონ ნომრები სასტუმროში, სანამ სამსახურებრივ შეხვედრაზე წაკითხული არ იქნება კონგრესზე დანიშვნის წერილი. შემოთავაზებული ადგილების პირველ სიაში აღნიშნულია ყველა სასტუმრო, სადაც შეიძლება დარჩენა მოახლოებული კონგრესის პერიოდში. მხოლოდ იმ შემთხვევაში, თუ ეს სასტუმროები შევსებულია, დაემატება ახალი სასტუმროები და სიის შესწორებული ვარიანტი გაეგზავნება კრებას. თუ შესაძლებელია, გამოიყენეთ შემოთავაზებული ადგილების პირველი სია და რაც შეიძლება სწრაფად დაჯავშნეთ ადგილები.
6 თუ თქვენ მიერ არჩეულ სასტუმროში ყველა ადგილი დაკავებულია, შეეცადეთ, სხვა სასტუმროში დაჯავშნოთ ნომერი. თუ სიაში მოცემულ ყველა სასტუმროში დარეკეთ, მაგრამ არსად აღმოჩნდა თავისუფალი ადგილი, ამის შესახებ თქვენი კრების მდივანს აცნობეთ. ის დაუკავშირდება დაბინავების განყოფილებას იმ ტელეფონის ნომრით, რომელიც შემოთავაზებული საცხოვრებელი ადგილების სიის თავშია მოცემული. კრებას გაეგზავნება სიის შესწორებული ვარიანტი, რომელშიც დამატებული იქნება სასტუმროები. გთხოვთ, დაელოდოთ ახალ სიას და არ დაჯავშნოთ ნომრები იმ სასტუმროებში, რომლებიც სიაში არ იქნება. სახანძრო უშიშროების წესები რომ დაიცვათ, საჭიროა საქმე ისე მოაგვაროთ, რომ ერთ ოთახში ოთხ პიროვნებაზე მეტი არ იმყოფებოდეს. თუ სასტუმროში არის ოთახები, რომლებიც ოთხზე მეტ პიროვნებაზეა გათვალისწინებული, ეს აღნიშნული იქნება შემოთავაზებული საცხოვრებელი ადგილების სიაში. როდესაც ადგილს ჯავშნით, ყოველთვის იკითხეთ თქვენი რეგისტრაციის ნომერი.
7 სასტუმროებში გარკვეული თანხის გაგზავნა: სასტუმროში ადგილი რომ გარანტირებული გქონდეთ, აუცილებელია გარკვეული რაოდენობის თანხის გაგზავნა. თუ დეპოზიტი არ აქვს მიღებული, სასტუმროს უფლება აქვს, სხვას მისცეს თქვენი ოთახი. ადგილის დაჯავშნიდან ათი დღის განმავლობაში თითოეული ოთახისთვის უნდა შეიტანოთ ერთი ღამის გათევის საფასური. თანხა შეგიძლიათ გადაიხადოთ საკრედიტო ბარათით, ჩეკით ან გააგზავნოთ ფოსტით. ნუ გაგზავნით ნაღდ თანხას. თუ ჩეკს ან ფოსტით ფულს გზავნით, აღნიშნეთ თქვენი რეგისტრაციის ნომერი და დაახლოებით ორ კვირაში დაუკავშირდით სასტუმროს, რათა გაიგოთ, მიღებულია თუ არა თანხა.
8 ჯავშნის შეცვლა ან ნომრების დაჯავშნა რამდენიმე სასტუმროში: კონგრესამდე დაბინავების განყოფილება სიაში მოცემულ ყველა სასტუმროში რეკავს და იგებს, რამდენი ოთახია დაჯავშნილი ჩვენი დელეგატების მიერ. რადგან მრავალ დასა და ძმას ესაჭიროება ოთახები, გთხოვთ, დაჯავშნილი ნომერი აღარ შეცვალოთ, იმ შემთხვევაშიც კი, თუ შემდგომ სიაში აღმოჩნდება თქვენთვის უფრო სასურველი ან ტერიტორიულად უფრო ხელსაყრელი სასტუმრო. ის იმიტომ დაამატეს, რომ ჯერ კიდევ არიან დები და ძმები, რომლებსაც ოთახები სჭირდებათ. სასტუმროს დამატების მიზანი არ ყოფილა ის, რომ პირობები გაეუმჯობესებინათ მათთვის, ვისაც უკვე დაჯავშნილი აქვთ ნომრები. აგრეთვე გთხოვთ, სასტუმროში მხოლოდ ის ოთახები დაჯავშნოთ, რომლებსაც ნამდვილად გამოიყენებთ კონგრესის პერიოდში. ნუ დაჯავშნით ნომრებს სხვა დელეგატებისთვის, სანამ არ გთხოვენ. არასამართლიანია ნომრების დაჯავშნა ორ ან რამდენიმე სასტუმროში. ეს ზედმეტ სამუშაოს უქმნის დაბინავების განყოფილებასა და სასტუმროებს.
9 შექმნილა სხვაგვარი პრობლემებიც. მაგალითად, ზოგმა დელეგატმა დაჯავშნა ადგილი სასტუმროში, მოილაპარაკა იმაზე, თუ რამდენ ხანს დარჩებოდა და რამდენს გადაიხდიდა, მაგრამ გაურკვეველი მიზეზების გამო, ვერ შეძლო სასტუმროში მისვლა. ამგვარად, ერთ სასტუმროში არ მოვიდა 14 ადამიანი. სასტუმროს ადმინისტრატორი მათ 23 საათამდე ელოდა, იმ იმედით, რომ მალე გამოჩნდებოდნენ. წარმოიდგინეთ, რამდენად არასასიამოვნო სიტუაციაა. კონგრესის პერიოდში ჩვენი ცხოვრებისთვის ყველაზე ხელსაყრელი ადგილების მონახვას ძმებმა დიდი დრო და ენერგია მოახმარეს. ზოგს სურდა, ამ ნომრებით ესარგებლა, მაგრამ ვერ შეძლეს, რადგან ისინი სხვებისთვის იყო დაკავებული. როგორი შთაბეჭდილება შეექმნებოდა ჩვენზე სასტუმროს ადმინისტრაციას? ჩვენი სურვილია, ყოველმხრივ მივყვეთ მათეს 5:37-ში ჩაწერილ ბიბლიურ პრინციპს.
10 რა უნდა გააკეთო, თუ სასტუმროში ადგილი დაჯავშნე, მაგრამ გაუთვალისწინებელი გარემოების გამო არ შეგიძლია მისვლა? რაც შეიძლება მალე უნდა შეატყობინო სასტუმროს ადმინისტრაციასა და კონგრესის დაბინავების განყოფილებას, რომ ვერ გამოიყენებ შემოთავაზებულ ადგილს. ეს საშუალებას მისცემს დაბინავების განყოფილებას, სხვა დელეგატს შესთავაზოს ეს ადგილი და ამით სამომავლოდ კარგი დამოკიდებულება შეინარჩუნოს სასტუმროს ადმინისტრაციასთან.
11 თუ კონგრესის პერიოდში პრობლემა წამოგეჭრებათ სასტუმროსთან დაკავშირებით, გთხოვთ, შეატყობინოთ ამის შესახებ დაბინავების ადგილობრივ განყოფილებას კონგრესზე. ნებისმიერი სიძნელისთვის, რომელიც კონგრესამდე ან კონგრესის შემდეგ შეიძლება გქონდეთ, შეგიძლიათ მიმართოთ დაბინავების განყოფილებას იმ მისამართისა და ტელეფონის გამოყენებით, რომელიც მოცემულია შემოთავაზებული ბინების სიის თავში.
12 ისარგებლეთ მხოლოდ იმ სასტუმროებით, რომლებიც საზოგადოების მიერ შემოთავაზებული საცხოვრებელი ადგილების სიაშია მოცემული: საზოგადოება ცდილობს, რომ კონგრესები ჩვენი დებისა და ძმებისთვის ხელსაყრელ ადგილებში ჩატარდეს. თუმცა ეს ბევრ დასა და ძმას აძლევს საშუალებას, სახლიდანვე მივიდნენ კონგრესზე, ზოგს სასტუმროთი სარგებლობა მაინც უწევს. საზოგადოება ცდილობს, რომ ოთახები იქირაოს სასტუმროებში, რომლებიც ახლოსაა იმ ადგილებთან, სადაც 1998 წლის კონგრესი ჩატარდება. ყოველწლიურად მოვუწოდებთ ძმებს, რომ ადგილები საზოგადოების მიერ შემოთავაზებული საცხოვრებელი ადგილების სიაში მოცემულ სასტუმროებში დაჯავშნონ. რას მივაღწევთ, თუ ამ რჩევას გავითვალისწინებთ?
13 იზოგება ძმებისა და დების თანხები: როცა სასტუმროები ორგანიზაციასთან თანამშრომლობენ, ძმებს შედარებით იაფი უჯდებათ ოთახების დაქირავება. იმის ნაცვლად, რომ თანხა სასტუმროში დავხარჯოთ, იგი შეიძლება მოვახმაროთ ჩვენი დებისა და ძმების ოჯახებსა და სამეფოს საქმეს. მაშინაც კი, თუ ფინანსური მდგომარეობა ნებას გვრთავს, უფრო ძვირფასი ოთახი დავიქირაოთ, უნდა დავაფასოთ დაბინავების განყოფილების მცდელობა და ვისარგებლოთ იმ სასტუმროებით, რომლებიც შემოთავაზებული საცხოვრებელი ადგილების სიაშია მოცემული. სხვებზე ზრუნვის ეს სულისკვეთება გამოხატულია 1 იოანეს 3:17-ში და პრინციპად უდევს 1 კორინთელთა 10:24-ს.
14 გამოხატავს საზოგადოების მითითებებისადმი მორჩილებას: ამას ჩვენთვის დიდი მნიშვნელობა უნდა ჰქონდეს. ებრაელთა 13:17-ში ვკითხულობთ: „მოუსმინეთ თქვენს წინამძღოლებს და დაემორჩილეთ მათ, ვინაიდან ისინი ფხიზლობენ თქვენს სულებზე, როგორც პასუხისმგებელნი, რათა აკეთებდნენ ამას სიხარულით და არ კვნესოდნენ, რადგან ეს სასარგებლო არ არის თქვენთვის“. ამ საკითხში თანამშრომლობა ყოველწლიურად მხოლოდ ორი-სამი დღით მოგვეთხოვება. მაშინაც კი, თუ სხვა არჩევანი გვაქვს, ჩვენი კარგი მაგალითი, როგორც ძმები შენიშნავენ, ხელს უწყობს სიყვარულს, ერთიანობისა და ურთიერთმხარდაჭერას (იხილე 1 კორინთელთა 16:16; ფილიპელთა 2:1–4).
15 განსაკუთრებული საჭიროებები: ხანდაზმულებს, უძლურებს, სრული დროით მსახურებს ან სხვებს შეიძლება დასჭირდეთ დახმარება კონგრესზე დასასწრებად. ნათესავებს, უხუცესებსა და სხვებს, რომლებმაც იციან მათი განსაკუთრებული პირადი მდგომარეობები, შეუძლიათ სიყვარულით მიიღონ აუცილებელი ზომები ისე, რომ ოჯახისა და კრების ეს ვალდებულებები არ დაეკისროს კონგრესის ორგანიზატორებს (შეადარე 1 ტიმოთე 5:4).
16 მათთვის, ვისაც ამგვარ დახმარებას ვერ გაუწევენ, ბლანკში „განაცხადი განსაკუთრებული საჭიროებისას ბინით დაკმაყოფილების შესახებ“ აღნიშნულია თვისებები, რომლებიც უნდა გააჩნდეთ მათ, ვინც ბლანკს ავსებს. ამგვარი დახმარება გათვალისწინებულია სანიმუშო ყოფაქცევის მაუწყებლებისთვის, ასევე მათთვის, ვისაც ზრდილობიანი შვილები ჰყავთ და კრების სამსახურებრივი კომიტეტიც რეკომენდაციას უწევს. ბლანკის „განაცხადი განსაკუთრებული საჭიროებისას ბინით დაკმაყოფილების შესახებ“ შევსებამდე ყურადღებით წაიკითხე ბლანკის ბოლოში მოცემული ინფორმაცია. ეს ბარათები რაც შეიძლება მალე უნდა გაეგზავნოს დაბინავების განყოფილებას. გთხოვთ, გამოიყენოთ კონგრესის მისამართი, რომელიც მოცემულია ბლანკის „განაცხადი განსაკუთრებული საჭიროებისას ბინით დაკმაყოფილების შესახებ“ მეორე გვერდზე.
17 სხვა კონგრესზე დასწრება: თითოეული კრება დანიშნულია ტერიტორიულად უახლოეს კონგრესზე. ყოველ კონგრესზე განაწილებული მაუწყებლების რაოდენობის მიხედვით, საზოგადოება დაახლოებით ადგენს დამსწრეთა რიცხვს, რათა ორგანიზება გაუწიოს საკმარის დასასხდომს, ბინას, ლიტერატურას და ასე შემდეგ. თუ სხვა კონგრესზე დასწრებას გეგმავთ, დაგჭირდებათ დაბინავებასთან დაკავშირებული ინფორმაცია. კრების მდივანს შეუძლია მოგცეთ იმ კონგრესის მთავარი განყოფილების მისამართი, რომელსაც დაესწრებით. მისამართის მონახვა შეგიძლიათ ბლანკის „განაცხადი განსაკუთრებული საჭიროებისას ბინით დაკმაყოფილების შესახებ“ მეორე გვერდზე. შემოთავაზებული ბინების მიმდინარე სიის ან დამატებითი ინფორმაციის შესახებ თქვენს სათხოვართან ერთად გაგზავნეთ მარკიანი კონვერტი, რომელზეც მითითებული გექნებათ თქვენი მისამართი. თუ ქალაქში ერთზე მეტი კონგრესი ტარდება, მიუთითეთ იმ კონგრესის თარიღი, რომელსაც დაესწრებით.
18 დასკვნა: სასტუმროს მომსახურეთა მიერ გამოთქმული შეხედულებები ცხადყოფს, რომ თქვენ, ძმებო და დებო, ქებას იმსახურებთ ღვთისმოსაწონი თვისებების გამოვლენის გამო. ერთ-ერთი სასტუმროს ადმინისტრაციამ აღნიშნა, რომ იეჰოვას მოწმეები „ყველაზე სასიამოვნო და საუკეთესო ყოფაქცევის ხალხია მათ შორის, ვისთვისაც გვიმასპინძლია“. სხვა სასტუმროს დირექტორმა თქვა: „არ შემეძლო მადლობა არ გადამეხადა თქვენთვის სასტუმროს თანამშრომელთა სახელით. თქვენი დელეგატები ქებას იმსახურებენ. ისინი ყველაზე სასიამოვნო და თავაზიანი ადამიანები არიან, რომელთა მომსახურებაც სიამოვნებას გვანიჭებს. თქვენს მოქმედებაში ნამდვილად ირეკლება თქვენი ორგანიზაციის სახე და ადამიანებისადმი გულითადი დამოკიდებულება. კვლავ მოუთმენლად გელით ჩვენს სასტუმროში“. გასულ წელს ერთი და სასტუმროში ადგილს ჯავშნიდა. „მაშინვე ვხვდები, როცა ტელეფონით იეჰოვას მოწმეს ვესაუბრები. თქვენ ყოველთვის თბილი და თავაზიანი ხართ. თუმცა ბაპტისტი ვარ, თქვენ ყოველთვის კარგ შთაბეჭდილებას ახდენთ ჩემზე და ქებას იმსახურებთ“, — უთხრა მას კლერკმა, რომელიც შეკვეთებს იღებდა. ნუთუ გამამხნევებელი არ არის ამგვარი კომენტარები? იმ დებისა და ძმების საქციელი, რომლებმაც ამგვარი შეფასება დაიმსახურეს, ნამდვილად ახარებს იეჰოვას გულს.
19 საზოგადოება ბევრ წერილს ღებულობს ძმებისა და დებისგან, რომლებიც მადლიერებას გამოხატავენ ყოველივესთვის, რაც მათთვის გაკეთდა. ილინოისში მცხოვრებმა ოჯახმა განაცხადა: „გვსურს, იცოდეთ, რომ მადლიერნი ვართ საოლქო კონგრესისთვის. ვხვდებით, რომ იგი შემთხვევით კი არ ჩატარდა, არამედ ძმების მიერ გაწეული დიდი შრომის შედეგი იყო. ამას ვწერთ, რათა მადლობა გადაგიხადოთ“. მიჩიგანელმა დამ საზოგადოებას მისწერა: „მინდა გულითადი მადლიერება გამოვხატო ყველა ძმის მიმართ, რომლებმაც დაბინავების საკითხები მოაგვარეს. მე და ჩემი მეუღლე მადლიერნი ვართ, რომ გადასახადი შემცირებული იყო, რადგან პიონერული მსახურება რომ შევძლო, მე არ ვმუშაობ და ორივენი ერთი ადამიანის შემოსავლით ვცხოვრობთ. თქვენ მიერ გატარებული ღონისძიებები გვეხმარება, უფრო მეტი სარგებლობა მივიღოთ კონგრესიდან“.
20 ყველასთვის ნათელია, რომ იეჰოვა მხარს უჭერს ყოველწლიური კონგრესების ღონისძიებებს. რამდენადაც ძმების უმეტესობის გამგზავრება საოლქო კონგრესებზე მოითხოვს ოთახებს, შეგვიძლია დარწმუნებული ვიყოთ, რომ იეჰოვა ამ მოთხოვნილებებსაც სათანადოდ დააკმაყოფილებს. ‘მცირედში ერთგულების’ დამტკიცება საშუალებას გვაძლევს, მივიღოთ ის დიდი კურთხევები, რომლებიც ელოდება მათ, ვინც იეჰოვას უყვარს (ლუკა 16:10).
[ჩარჩო 3 გვერდზე]
სასტუმროში ნომრების დაჯავშნა
1. დარეკეთ სასტუმროში სამუშაო საათებში.
2. კლერკს, რომელიც შეკვეთებს იღებს, გამოართვით თქვენი რეგისტრაციის ნომერი.
3. გაგზავნეთ გარკვეული თანხა სასტუმროში. ჩეკზე ან ფულზე, რომელსაც ფოსტით გზავნით, მიუთითეთ თქვენი რეგისტრაციის ნომერი. ნუ გაგზავნით ნაღდ თანხას.
4. თუ ჩეკს ან ფულს გზავნით ფოსტით, ორ კვირაში დაუკავშირდით სასტუმროს, რათა დარწმუნდეთ, რომ თქვენი თანხა მიიღეს.
[ჩარჩო 4 გვერდზე]
შესასრულებელი:
◼ დაჯავშნეთ ნომერი იანვარში.
◼ აცნობეთ, რომ როგორც იეჰოვას მოწმე ან როგორც დელეგატი ესწრებით საზოგადოება „საგუშაგო კოშკის“ კონგრესს.
◼ ნომრის დაჯავშნიდან რაც შეიძლება მალე გაგზავნეთ გარკვეული თანხა.
◼ დაჯავშნეთ მხოლოდ ის ოთახი (ოთახები), რომელსაც პირადად თქვენ გამოიყენებთ.
◼ ნუ შეცვლით ჯავშანს.
[ჩარჩო 5 გვერდზე]
პროგრამის განრიგი
პარასკევი და შაბათი
9:30–17:00
კვირა
9:30–16:00