„ყოველი კეთილი საქმისათვის განმზადებული“
1 დღეს იეჰოვას ხალხი კურთხეულია მდიდარი უხვი სულიერი საკვებით (ეს. 25:6). უამრავი ბიბლიური მასალა გვაქვს პირადი და ოჯახური შესწავლისთვის, კრების შეხვედრებსა და კონგრესებზე. მაგრამ ვიღებთ ყოველივე აქედან სრულ სარგებლობას, რათა გავხდეთ ‘სრულყოფილები, ყოველი კეთილი საქმისათვის განმზადებული?’ (2 ტიმ. 3:17).
2 მხოლოდ დაფიქრდი 1998 წლის სულიერ მენიუზე, რომლის ნახევარიც უკვე ვიგემეთ! კრების ყოველკვირეულ შეხვედრებზე განვიხილავთ ქრისტიანულ-ბერძნული წერილების 23 წიგნის ზოგიერთ საკითხს და გარკვეულ ინფორმაციას რამდენიმე პუბლიკაციიდან. განვიხილავთ აგრეთვე „შემეცნების“ ერთ მესამედს, თითქმის მთლიანად „ოჯახურ ბედნიერებასა“ და „ყველაზე დიდებული ადამიანის“ დარჩენილ ნაწილს. ვსაზრდოობთ აგრეთვე „ჩვენი სამეფო მსახურების“ 12 ნომრიდან, „საგუშაგო კოშკის“ 52 შესასწავლი სტატიიდან და თითქმის ამდენივე საჯარო მოხსენებიდან ბიბლიის სხვადასხვა საკითხზე. ყოველივე ამას ემატება კონგრესის მდიდარი პროგრამები. რა უხვი კარგი სულიერი საკვებია ხელმისაწვდომი ჩვენთვის!
3 დააფასე იეჰოვას ღონისძიებები. სრული სარგებლობის მისაღებად უნდა გვესმოდეს, თუ რატომ გვამარაგებს იეჰოვა სულიერად ასე უხვად. ასეთი საზრდოს მიღება ჩვენს რწმენას ზრდის და იეჰოვასთან ჩვენს ურთიერთობას აძლიერებს (1 ტიმ. 4:6). მაგრამ სულიერი საზრდო მხოლოდ ჩვენ განსასწავლად არ მზადდება. ის აღგვძრავს, გავუზიაროთ სხვებს ჭეშმარიტება, და გვამზადებს, ეს გავაკეთოთ, როგორც კეთილი ცნობის წარმატებულმა მსახურებმა (2 ტიმ. 4:5).
4 მოდი არ უგულებელვყოთ ჩვენი სულიერი მოთხოვნილებები, არამედ ყოველთვის განვავითაროთ სურვილი მდიდარი და ნოყიერი სულიერი საზრდოსადმი იეჰოვას სუფრიდან (მათ. 5:3, აქ; 1 პეტ. 2:2). სრული სარგებლობისთვის საჭიროა საკმარისი დროის გამოყოფა ისეთი მნიშვნელოვანი საკითხებისთვის, როგორიცაა რეგულარულად ბიბლიის პირადი და ოჯახური შესწავლა, აგრეთვე კრების შეხვედრებზე დასწრება (ეფეს. 5:15, 16). ბედნიერების მომტანი ჯილდოები ასე მოქცევისთვის თანხმობაში იქნება გამამხნევებელ შთაგონებასთან, რომელიც პავლემ ერთგულ ებრაელ ქრისტიანებს მისწერა და რომელიც ებრაელთა მე-13 თავის მე-20, 21-ე მუხლებშია ჩაწერილი.