ჩვენს მოყვასს კეთილი ცნობის მოსმენა ესაჭიროება
1 ღვთის სურვილია, „რომ ყველა ადამიანი გადარჩეს და მიაღწიოს ჭეშმარიტების შემეცნებას“ (1 ტიმ. 2:4). ‘ყველაში’ ჩვენი მოყვასი იგულისხმება. მას, რომ კეთილი ცნობა მივაწვდინოთ, საჭიროა სხვადასხვაგვარი მიდგომა. აგრეთვე უნდა ვიფიქროთ, თუ რა საკითხი შეიძლება აინტერესებდეს თითოეულ ადამიანს (1 კორ. 9:19–23). იეჰოვას ორგანიზაცია უზრუნველგვყოფს საშუალებებით, რომლებიც დაგვეხმარება შევეხოთ მათ გულებს, ვინც ‘საუკუნო სიცოცხლის მიმართ სწორადაა განწყობილი’ (საქ. 13:48, აქ). მოდი ვნახოთ, თუ როგორ შეგვიძლია სხვადასხვა ბროშურის შეთავაზება ივლისსა და აგვისტოში, რომ ჩვენი მოყვასის სულიერი მოთხოვნილებები დავაკმაყოფილოთ.
2 ბროშურების შეთავაზება. ქვემოთ მოცემულ სიაში მოძებნი რჩევებს, რომლებიც შეიძლება დამხმარე იყოს გარკვეული ბროშურების შეთავაზებისას. თითოეულ შეთავაზებაში შედის 1) დამაფიქრებელი შეკითხვა საუბრის დასაწყებად, 2) რაიმე აზრი, რომლის მოძებნაც ბროშურაში შეიძლება და 3) სათანადო მუხლი, რომლის წაკითხვაც მსჯელობის დროს შეიძლება. შეთავაზება შეგიძლია პიროვნების პასუხის შესაბამისად შენი სიტყვებით შეავსო. უმეტესი ბროშურის შეთავაზების დაწვრილებით მეთოდებს მონახავ „ჩვენი სამეფო მსახურების“ წინა ნომრებში.
„ნამდვილად ზრუნავს თუ არა ღმერთი ჩვენზე?“
როგორ ფიქრობთ, რა იმედი არსებობს იმ ხალხის დასახმარებლად, რომლებიც ძალადობისგან იტანჯებიან? (გვ. 27, 28, აბზ. 23–27; ეს. 65:17, 18; km 07.97, გვ. 4).
„რა არის სიცოცხლის აზრი — როგორ შეგიძლია მისი პოვნა?“
რატომაა დღეს მრავალი ადამიანი ცხოვრებით უკმაყოფილო? (გვ. 29, 30, აბზ. 2, 25, 26; ფსალმ. 144:16; km 07.96, გვ. 4).
„მარადიულად იხარე სიცოცხლით დედამიწაზე!“
გიფიქრიათ ოდესმე, თუ რას აკეთებს იესო ქრისტე ახლა? (სურათები 41, 42; გამოცხ. 11:15; km 08.96, გვ. 8).
„მთავრობა რომელიც დაამყარებს სამოთხეს.“
გსურთ, გაიგოთ იმ სამეფოზე, რომლის შესახებ ლოცვასაც იესო გვასწავლიდა? (გვ. 3; მათ. 6:9, 10; km 08.96, გვ. 8).
„როდესაც გიკვდება საყვარელი ადამიანი“
გიფიქრიათ ოდესმე, როგორ ანუგეშოთ ის, ვისაც საყვარელი ადამიანი მოუკვდა? (გვ. 26, აბზ. 2–5; იოან. 5:28, 29; km 07.97, გვ. 4).
„უნდა გწამდეს სამება?“
დამოკიდებულია ჩვენი მომავალი ღვთის ჭეშმარიტი ბუნების ცოდნაზე? (გვ. 3, აბზ. 3, 7, 8; იოან. 17:3).
3 სხვა ბროშურები: 1998 წლის თებერვლის „ჩვენი სამეფო მსახურების“ დანართში მოცემულია სხვა პუბლიკაციები, მათ შორის ბროშურები, რომლებიც სპეციალურად განკუთვნილია ბუდისტებისთვის, ინდუსებისთვის, იუდეველებისა და მუსულმანებისთვის დასამოწმებლად. სადაც კი შესაფერისი სიტუაციაა, შეიძლება ამ ბროშურების შეთავაზება. შეთავაზებები შეგიძლია გაიმეორო ამ დანართიდან (გვ. 4–6) და ბროშურიდან „როგორ დავიწყოთ და გავაგრძელოთ ბიბლიურ თემაზე საუბარი“ (გვ. 13–16) და ჩამოაყალიბო მოკლე შეთავაზებები ხალხის ინტერესის აღსაძვრელად.
4 კიდევ ერთი ბროშურა მომზადდა განათლებული ხალხის დასახმარებლად, რომლებმაც ცოტა რამ იციან ბიბლიის შესახებ. ბროშურის მიზანია, აღძრას ისინი ჩაიხედონ ღვთის სიტყვაში. სადაც შესაძლებელია, შეგიძლია შესთავაზო შემდეგნაირად:
„წიგნი ყველასთვის“
ეთანხმებით იმ აზრს, რომ მრავალმხრივი განათლების შეძენა მოიცავს ბიბლიის შესახებ გარკვეული შემეცნების მიღებასაც? (გვ. 3, აბზ. 1–3 და გვ. 30, აბზ. 2; ეკლ. 12:9, 10).
5 ბიბლიის შესწავლისთვის გამიზნული ბროშურა: ჩვენი მსახურების მიზანი ყოველთვის — პირველი თუ განმეორებითი მიკითხებისას — უნდა იყოს ბიბლიის შესწავლის დაწყება. ბიბლიის საშინაო შესწავლის დაწყებისა და წარმართვისთვის გვაქვს შემდეგი მარტივი ბროშურა:
„რას მოითხოვს ღმერთი ჩვენგან?“
იცოდით, რომ 16 კვირის მანძილზე კვირაში 30 წუთის ან ამაზე ნაკლები დროის განმავლობაში, შეგიძლიათ ძირითადი ბიბლიური ცოდნის შეძენა? (გაკვეთილი 2, აბზ, 6; 2 ტიმ. 3:16, 17).
6 იესომ თვალსაჩინო მაგალითით გულმოწყალე სამარიელის შესახებ აშკარად დაგვანახვა, რომ ნამდვილი მოყვასი არის ის, ვინც ავლენს სიყვარულსა და სიკეთეს გასაჭირში მყოფთა დასახმარებლად (ლუკ. 10:27–37). ჩვენი მოყვასი სულიერ გასაჭირში იმყოფება. მას კეთილი ცნობის მოსმენა ესაჭიროება. მოდი პასუხისმგებლობა ვიკისროთ, რომ მას კეთილი ცნობა ვაუწყოთ. ამგვარად დავამტკიცებთ, რომ იესო ქრისტეს ნამდვილი მოწაფეები ვართ (მათ. 24:14; გალ. 5:14).