მინდა, ბიბლიის შესწავლა მქონდეს!
1 მრავალს გამოუთქვამს სურვილი, რომ ჰქონდეს ბიბლიის შესწავლა და არც ტყუილუბრალოდ. ბიბლიის შესწავლისას ჩვენ ვაღწევთ ახალი მოწაფეების მომზადების მიზანს (მათ. 28:19, 20). მიუხედავად ამისა, შეიძლება თვეები ან წლებიც კი გავიდა იმ სიხარულის გარეშე, რომელიც ჭეშმარიტების სხვებისთვის სწავლებას მოაქვს. ამასთან დაკავშირებით რა შეგვიძლია გავაკეთოთ ნოემბერში? რადგან ამ თვეში „შემეცნებას“ გავავრცელებთ, შეგვიძლია შევეცადოთ, დავიწყოთ ახალი ბიბლიის შესწავლები.
2 გამოყავი ერთი ან ორი შაბათ-კვირა. ყველას მოვუწოდებთ, დრო გამოყონ ამ თვეში, რათა მთელი ყურადღება ახალი ბიბლიის შესწავლის დაწყებაზე გადაიტანონ. წიგნის შესწავლის ჩამტარებლებმა უნდა აირჩიონ ერთი ან რამდენიმე შაბათ-კვირა სპეციალურად ამ მიზნისთვის და შემდეგ ორგანიზება გაუწიონ თავიანთ ჯგუფებს, რომ ერთობლივი მცდელობით გააკეთონ განმეორებითი მონახულებები.
3 სამქადაგებლო მსახურების ყოველ შეხვედრაზე მოიტანე განმეორებითი მონახულებების შესახებ ჩანაწერები. შემდეგ ყველას მიაკითხე, ვინც ინტერესი გამოავლინა, ლიტერატურა აიღო ან შეხვედრებს დაესწრო. თითოეული მონახულებისას შეეცადე, რომ შესწავლა დაიწყო.
4 აჩვენე ბიბლიის შესწავლა. სამქადაგებლო მსახურების შეხვედრებზე კარგად მომზადებული ინსცენირებები უნდა მოეწყოს, თუ როგორ დავიწყოთ შესწავლა განმეორებითი მონახულებისას. შენ შეგიძლია თქვა: „მრავალს აქვს ბიბლია, მაგრამ მათ არც კი იციან, რომ ის შეიცავს პასუხებს ისეთ მნიშვნელოვან კითხვებზე, რომლებსაც ყოველდღიურად ვხვდებით. [აჩვენე წიგნის „შემეცნება“ შინაარსი და წაიკითხე მე-3, მე-5, მე-6, მე-8 და მე-9 თავების სათაურები]. კვირაში სადღაც ერთი საათის განმავლობაში ამ წიგნის საშუალებით თქვენ გაიგებთ ბიბლიის ძირითად საკითხებს სულ რამდენიმე თვის განმავლობაში. თუ თქვენ აირჩევდით ერთ-ერთ თემას, მე დიდი სიამოვნებით გიჩვენებდით, თუ როგორ ტარდება შესწავლა“. თუ პიროვნება ყოყმანობს, რადგან მას ძალიან დატვირთული გრაფიკი აქვს, აუხსენი, რომ ჩვენ აგრეთვე გვაქვს შემოკლებული პროგრამა. წარუდგინე ბროშურა „რას მოითხოვს“ და შესთავაზე, კვირაში ერთხელ, დაახლოებით 15–30 წუთის განმავლობაში თითო მცირე მოცულობის გაკვეთილი განიხილოთ.
5 თუ ერთიანად შევეცდებით ახალი შესწავლების დაწყებას და ლოცვით ვთხოვთ იეჰოვას, აკურთხოს ჩვენი მცდელობა, შეგვიძლია დარწმუნებული ვიყოთ, რომ დავიწყებთ ახალ შესწავლებს! (1 იოან. 5:14, 15). თუ გსურს ბიბლიის შესწავლა გქონდეს, მაშინ იქნებ ახლა შეძლო მისი დაწყება.