ბიბლიის შესწავლების დაწყება ბროშურით „რას მოითხოვს“
1 მსოფლიო ანგარიშებიდან ჩანს, რომ ბროშურა „რას მოითხოვს ღმერთი ჩვენგან?“ შესანიშნავი საშუალებაა ჭეშმარიტების სასწავლებლად. ყოველკვირეულად ამ ბროშურით ათასობით ბიბლიის შესწავლა იწყება. შენც წარმატებით იყენებ ამ ბროშურას ბიბლიის შესწავლების დაწყებასა და ჩატარებაში?
2 თუმცა ბევრი ბროშურას ადვილად ავრცელებს, ბიბლიის შესწავლას ყველა ვერ იწყებს. რა მეთოდებს იყენებენ სხვები, რომ ეფექტურად დაიწყონ ბიბლიის შესწავლები ბროშურით „რას მოითხოვს“? ქვემოთ მოცემულია რამდენიმე სასარგებლო რჩევა.
3 აჩვენე, როგორ ტარდება შესწავლა. როცა პირველად ან განმეორებით ვაკითხავთ ვინმეს, ნაცვლად იმისა, რომ მობინადრეს უბრალოდ შევთავაზოთ ბიბლიის შესწავლა, შეგვიძლია ვაჩვენოთ, თუ როგორ ტარდება ის. ამით მობინადრე დაინახავს, რომ სიტყვა შესწავლა არ არის საიდუმლოებით მოცული და მას ყველანაირი შიში გაუქრება. როგორც კი ვისწავლით ამის ჩვენებას, დავინახავთ, რომ შესწავლის დაწყება მარტივი შესავლით შეიძლება.
4 მნიშვნელოვანია მომზადება. ჩვენი ენთუზიაზმი ბიბლიის შესწავლების დაწყების საკითხში უშუალო კავშირშია იმასთან, თუ რამდენად კარგად ვართ მომზადებულები. წინასწარ მომზადება დაგვეხმარება ნებისმიერი ყოყმანის დაძლევაში, რომელიც შეიძლება გაგვიჩნდეს ბიბლიის შესწავლების დაწყებაში. შეთავაზებების რამდენჯერმე გამეორებით უფრო გაგვიადვილდება საუბარი და აზრებს გამოვთქვამთ ბუნებრივად და ჩვენი სიტყვებით. ეს არა მარტო ჩვენ მოგვიხსნის დაძაბულობას, არამედ მობინადრეც თავისუფლად იგრძნობს თავს.
5 მომზადებისას, კარგია, თუ დაინიშნავ დროს და გაიგებ შენი შეთავაზების ხანგრძლივობას, რომ მობინადრეს უთხრა, რამდენ ხანს გაგიგრძელდება შესწავლის ჩვენება. ერთი ჩვენი ძმა ჯერ ეცნობა მობინადრეს, შემდეგ კი ეუბნება: „მინდოდა თქვენთვის მეჩვენებინა, როგორ ვატარებთ ბიბლიის უფასო შესწავლას. ეს მთლიანობაში ხუთ წუთს წაიღებს. გაქვთ დრო?“ ამ ბროშურის 1-ლი გაკვეთილის ჩვენებას დაახლოებით ხუთი წუთი სჭირდება. რა თქმა უნდა, ამ დროის განმავლობაში მხოლოდ შერჩეული მუხლები შეგიძლია წაიკითხო, მაგრამ როცა პირველ გაკვეთილს დაასრულებ რამდენიმე წუთში, ეს ნიშნავს, რომ მობინადრეს პირველი შესწავლა ჩაუტარდა. შემდეგ უთხარი მას, რომ, როცა მიხვალ მე-2 გაკვეთილის შესწავლა, 15 წუთს გასტანს.
6 შემდეგი შეთავაზება ეფექტური იყო.
◼ «გვინდოდა თქვენთვის გვეჩვენებინა ბიბლიის ძალიან მარტივი, მაგრამ დაჩქარებული საშინაო შესწავლა, რომელიც ტარდება ბროშურით „რას მოითხოვს ღმერთი ჩვენგან?“. მრავალმა დაინახა, რომ 16 კვირაში, კვირაში დაახლოებით 15 წუთი, ამ მნიშვნელოვან ბიბლიურ საკითხებზე დამაკმაყოფილებელი ბიბლიური პასუხები გაიგო». მოკლედ აჩვენე სარჩევი. გადაშალე 1-ლ გაკვეთილზე და უთხარი: «ხუთ წუთს თუ დაგვითმობდით, გაჩვენებდით, როგორ მიმდინარეობს შესწავლა. 1-ლი გაკვეთილის სათაურია «როგორ შეგიძლია გაიგო, რას მოითხოვს ღმერთი“ ». შემდეგ წაიკითხე სამივე კითხვა და ახსენი, რას ნიშნავს ფრჩხილებში ჩასმული რიცხვები. წაიკითხე პირველი აბზაცი და მობინადრეს დაეხმარე პასუხის მოძებნაში. მე-2 აბზაცი შეგიძლია მას წააკითხო. შემდეგ უთხარი: „ამ ინფორმაციაზე დაყრდნობით, როგორ უპასუხებდით ამ კითხვას? [ისევ წაიკითხე კითხვა და ადროვე მობინადრეს, გიპასუხოს]. როგორც შენიშნეთ, ყოველ აბზაცში მოცემულია ბიბლიური მუხლები. ისინი ჩვენს ყურადღებას ბიბლიური პასუხისკენ მიმართავენ. მაგალითად, წავიკითხოთ მე-2 ტიმოთეს 3:16, 17 და ვნახოთ, როგორ ეთანხმება ის თქვენს პასუხს ბიბლიის ავტორთან დაკავშირებით“. როცა წაიკითხავთ მე-3 აბზაცს, გაარჩევთ კითხვას და ამოიკითხავთ იოანეს 17:3-ს, მობინადრეს ყურადღება მიაქცევინე ცოდნაზე, რომელიც მან მიიღო 1-ლი გაკვეთილის განხილვით. შემდეგ გადაშალე მე-2 გაკვეთილზე და წაიკითხე ბოლო კითხვა — „რომელი ორი საშუალებით შეგვიძლია შევიცნოთ ღმერთი?“. შემდეგ ჰკითხე: „როდის გექნებოდათ დაახლოებით 15 წუთი, რომ გაგვერჩია მე-2 გაკვეთილი და გაგვეგო პასუხი?“
7 მნიშვნელოვანია, რომ განხილვა უბრალოდ წარმართო და როცა შესაძლებელია, შეაქო მობინადრე. მეორე შეხვედრაზე მოლაპარაკებისას, ნაცვლად იმისა, რომ შეეკითხო, სურს თუ არა გაგრძელება, უბრალოდ უთხარი, რომ შემდეგი გაკვეთილიც ამგვარად ჩატარდება. უთხარი, რომ მოუთმენლად ელი მასთან კვლავ შეხვედრას. ზოგმა მაუწყებელმა შესთავაზა გაკვეთილის შესწავლა ტელეფონით, როცა შეხვედრის დაგეგმვა ძნელი იყო. შენ აგრეთვე შეგიძლია უთხრა შემსწავლელს, რომ ბროშურა ისეთ ადგილზე შეინახოს, რომ მომდევნო შეხვედრისას ადვილი იყოს მისი მოძებნა.
8 იყავი გადაწყვეტილებით აღსავსე. თუმცა მომზადება წარმატების საწინდარია, ჩვენ გადაწყვეტილებით აღსავსენი უნდა ვიყოთ, რომ დავიწყოთ ბიბლიის შესწავლა. ასწავლო ვინმეს ერთი გაკვეთილი რამდენიმე წუთში, შეიძლება რთული იყოს, ამიტომ იმდენჯერ გაიმეორე შეთავაზებები, რამდენიც საჭიროა, რომ თავისუფლად შეგეძლოს აჩვენო, როგორ ტარდება შესწავლა. შეეცადე აჩვენო შესწავლის ჩატარება ყველას, ვისაც ხვდები კარდაკარ, არაფორმალურად და ტელეფონით ქადაგების დროს. თუ გიჭირს ბიბლიის შესწავლის დაწყება, გულს ნუ გაიტეხ. ბიბლიის შესწავლების დაწყებაში რომ წარმატებული იყო, საჭიროა იყო გადაწყვეტილებით აღსავსე და გქონდეს გულითადი სურვილი, ჭეშმარიტება ჩაუნერგო სხვებს (გალ. 6:9).
9 ზემოხსენებული რჩევების გამოყენებით შენც გექნება შესაძლებლობა, დაიწყო და ჩაატარო ბიბლიის შასწავლები „რას მოითხოვს“ ბროშურით და ამგვარად დაეხმარო სხვებს, დაადგნენ სიცოცხლის გზას (მათ. 7:14).