როგორ მონაწილეობს მთელი ოჯახი — მსახურებაში
1 იმაზე კარგი არაფერია, როცა ხედავ, რომ ცოლ-ქმარი ან მშობლები და შვილები თანამშრომლობენ ქრისტიანულ მსახურებაში და საჯაროდ ადიდებენ იეჰოვას სახელს? (ფსალმ. 148:12, 13). ყველა ოჯახს უნდა ჰქონდეს კარგი განრიგი სამქადაგებლო მსახურებაში რეგულარული მონაწილეობისთვის. თქვენ გაქვთ დაგეგმილი დღე, რომ ყოველკვირა იმსახუროთ? თუ დიახ, მაშინ ოჯახის თითოეულ წევრს ზუსტად ეცოდინება, რა დაგეგმონ, და სრული მონაწილეობის საშუალება მიეცემათ (იგავ. 21:5ა).
2 შეგიძლიათ მსახურებისთვის დანიშნულ დღემდე მოამზადოთ სხვადასხვა შესავალი, რომლის გამოყენებასაც თქვენი ოჯახი აპირებს? ასეთი პრაქტიკული შეხვედრა შეიძლება ძალიან სასარგებლო იყოს და ოჯახს ნამდვილი თანამშრომლობის სული ჩაუნერგოს. როგორი დამაჯილდოებელია, როცა სამქადაგებლო მსახურება მთელი ოჯახის საქმეა და ყველა კარგადაა მომზადებული!
3 ერთი მიმომსვლელი ზედამხედველი მთელ ოჯახთან თანამშრომლობდა ჟურნალების გავრცელებისას. კარდაკარ მსახურების დროს ოჯახიდან ერთ-ერთმა ქალიშვილმა ჰკითხა: „რამდენ ხანს ვიქნებით მსახურებაში ერთად?“ შემდეგ აუხსნა, რომ მამასთანაც აპირებდა თანამშრომლობას. აშკარა იყო, რომ ის და მამამისი ნამდვილად სიამოვნებით მსახურობდნენ ერთად. რა შესანიშნავი სული აქვს ამ ოჯახს!
4 ზოგ ოჯახს საშუალება ეძლევა, დამხმარე პიონერებად იმსახურონ წელიწადში ერთი თვე. შეიძლება ოჯახიდან ერთმა მაინც იმსახუროს დამხმარე პიონერად უწყვეტად ან პიონერული მსახურებაც კი დაიწყოს. კარგი ორგანიზაციითა და თანამშრომლობით ოჯახის თითოეულ წევრს შეუძლია უფრო მეტი მონაწილეობა მიიღოს მსახურებაში, თუ მხარს დაუჭერენ ოჯახის იმ წევრს, რომელიც პიონერად მსახურობს. უფრო მეტი მსახურება და კარგი შემთხვევები აუცილებლად კურთხევებს მოუტანს ოჯახს (მალ. 3:10).
5 კეთილი ცნობის ქადაგებაში მთელი ოჯახით მონაწილეობა თითოეულ წევრს დაეხმარება, დაუახლოვდნენ ერთმანეთს და შეინარჩუნონ გულმოდგინება, ნაყოფიერება და სიხარული იეჰოვას მსახურებაში! (შეადარეთ ფილიპელთა 2:1, 2).