განსწავლულნი ვართ იეჰოვას მიერ
1 ღვთიური ხელმძღვანელობით ახლა 233 ქვეყანაში ტარდება საერთაშორისო საგანმანათლებლო პროგრამა, რომელსაც ამ წუთისოფელში ვერაფერი შეედრება. ჩვენი დიდებული მოძღვარი, იეჰოვა, გვასწავლის, როგორ მივიღოთ სარგებლობა უკვე დღეს, რადგან ის განათლებას ხომ მარადიული სიცოცხლისთვის გვაძლევს (ეს. 30:20; 48:17).
2 ღვთიური განათლების სკოლები. დაუფიქრდი იეჰოვას ხალხის სასარგებლოდ ორგანიზებულ სკოლებს, რომლებიც ახლაა მოქმედებაში. თეოკრატიული სამსახურის სკოლა, რომელიც დაახლოებით 87 000 კრებაში ყოველკვირეულად ტარდება, მილიონობით მაუწყებელს ამზადებს კეთილი ცნობის ეფექტურ მსახურებად. ჩაწერილი ხარ შენც ამ სკოლაში? ხარ იმ ათასებს შორის, რომლებიც ორკვირიან პიონერული მსახურების სკოლას დაესწრნენ? შეიძლება პიონერულ მსახურებაში საათების რაოდენობის შემცირებულმა ნორმამ საშუალება მისცეს ბევრს, პიონერული მსახურების დასაწყებად და ამ სკოლაზე დასასწრებად. ორთვიანი სამსახურებრივი დახელოვნების სკოლა, რომელიც ახლა მსოფლიოს ძირითად ენებზე ტარდება, დაუქორწინებელ უხუცესებსა და სამსახურებრივ თანაშემწეებს უფრო მეტი თეოკრატიული პასუხისმგებლობებისთვის ამზადებს. დროგამოშვებით, ყველა უხუცესი და სამსახურებრივი თანაშემწე სამეფო მსახურების სკოლაში სპეციალიზებულ სწავლებას ღებულობს.
3 პატერსონში (ნიუ-იორკი), საზოგადოება „საგუშაგო კოშკის“ საგანმანათლებლო ცენტრში, სამი განსაკუთრებული სკოლა არის, რომლებიც განსაკუთრებულ თეოკრატიულ სწავლებას იძლევა. საზოგადოება „საგუშაგო კოშკის“ ბიბლიური სკოლა „გალაადის“ ხუთთვიანი კურსი უცხოეთში მისიონერული მსახურებისთვის ამზადებს სტუდენტებს. მსოფლიოში საზოგადოების ფილიალების კომიტეტების წევრები ფილიალის ორგანიზაციასთან დაკავშირებით ორთვიან კურსს ესწრებიან. 1999 წლის მაისში ახალი ორთვიანი კურსი დაიწყო მიმომსვლელი ზედამხედველებისთვის, რომელშიც შეერთებული შტატებიდან და კანადიდან 48 სტუდენტია. ღვთის მიერ ორგანიზებულ ამ სკოლებიდან, იეჰოვას ყველა მსახური ღებულობს, საბოლოო ჯამში, შესანიშნავ სწავლებას და სარგებლობას.
4 რა მიზნით განისწავლებიან? ხელმძღვანელი საბჭოს ერთ-ერთმა წევრმა თქვა: „დღევანდელი საგანმანათლებლო პროგრამა გამიზნულია ყველგან იეჰოვას ხალხის მოწიფულობამდე მისაყვანად, რაზეც იგავნის 1:1–4-შია საუბარი“. კვლავაც მოგვცეს იეჰოვამ „სწავლულთა ენა“ (ეს. 50:4).