მშობლებო — ჩაუნერგეთ შვილებს კარგი ჩვევები
1 კარგი ჩვევები დაბადებიდან არ დაგვყვება და არც შემთხვევით ჩნდება. გარდა ამისა, ბავშვებში კარგი ჩვევების ჩანერგვას დრო სჭირდება. „ჩანერგვა“ თანდათანობით გადაცემას ნიშნავს. მშობლებისგან მოითხოვება, რომ განსაზღვრონ მოქმედებათა თანამიმდევრობა, რათა ‘აღზარდონ [შვილები] უფლის მოძღვრებითა და დარიგებით’ (ეფეს. 6:4).
2 დაიწყეთ ჩვილობიდანვე. პატარებს სწავლისა და ახალი რამის კეთების გასაოცარი უნარი აქვთ. მაშინ როცა სრულასაკოვნებს ხშირად უძნელდებათ ახალი ენის სწავლა, სკოლამდელი ასაკის ბავშვებს ერთდროულად ორი ან სამი ენის შესწავლა შეუძლიათ. ნუ იფიქრებთ, რომ კარგი ჩვევების განსავითარებლად თქვენი შვილი ჯერ ძალიან პატარაა. თუ ბიბლიური ჭეშმარიტების სწავლებას ადრეული ასაკიდანვე იწყებთ და განაგრძობთ, რამდენიმე წლის შემდეგ ბავშვს ექნება საკმარისი ცოდნა, რომელსაც შეუძლია მისი „დაბრძენება სახსნელად“ (2 ტიმ. 3:15).
3 ჩვევად აქციეთ სამქადაგებლო მსახურება. ერთ-ერთი კარგი ჩვევა, რომელიც ბავშვს ზრდის პერიოდში უნდა ჩაენერგოს, ღვთის სამეფოს შესახებ კეთილი ცნობის რეგულარულად ქადაგებაა. მრავალი მშობელი ამას იმით იწყებს, რომ ბავშვები პატარაობიდანვე კარდაკარ მსახურებაში მიჰყავთ. დამოწმების საქმეში მშობლების რეგულარული მონაწილეობა თავიანთ ბავშვებს დაეხმარება, დააფასონ მსახურება და გულმოდგინედ მიიღონ მონაწილეობა მასში. მშობლებს შეუძლიათ აჩვენონ ბავშვებს, თუ როგორ დაამოწმონ სხვადასხვა სახის მსახურების დროს.
4 ბავშვებს აგრეთვე თეოკრატიული სამსახურის სკოლა ეხმარება. ეს მათ სწავლის კარგი უნარისა და გააზრებულად კითხვის ჩვევის განვითარებაში უწყობს ხელს. ისინი სწავლობენ, თუ როგორ ისაუბრონ ბიბლიის შესახებ, გააკეთონ განმეორებითი მონახულებები და ჩაატარონ ბიბლიური შესწავლები. ასეთმა სწავლებამ ისინი შეიძლება პიონერობისკენ და მსახურებაში განსაკუთრებული უპირატესობების მიღწევისკენ აღძრას. მრავალი ბეთელელი და მისიონერი გულთბილად იხსენებს სკოლაში გატარებულ დღეებს და მიიჩნევს, რომ ეს მათ კარგი ჩვევების ჩამოყალიბებაში დაეხმარა.
5 ყოველი ჩვენგანი თიხის მსგავსია დიდი მექოთნის, იეჰოვას, ხელში (ეს. 64:7). ახალი თიხა უფრო იოლად ექვემდებარება ფორმირებას. რაც უფრო მშრალია ის, მით უფრო რთულია მისთვის ფორმის მიცემა. ადამიანებიც ასევე არიან. ბავშვობაში ისინი უფრო მორჩილნი არიან. რაც უფრო პატარაა ბავშვი, მით უფრო უკეთესია შედეგი. ბავშვობის წლები კარგად ან ცუდად ფორმირების წლებია. როგორც მზრუნველმა მშობელმა, ადრეული პერიოდიდანვე დაიწყე შენს შვილებში ქრისტიანულ მსახურებასთან დაკავშირებული კარგი ჩვევების ჩანერგვა.