შეხვედრებზე დასწრებაში დაეხმარეთ სხვებს
1 „ყველა ჩვენს მეგობარს სამეზობლოში. . . ვისაც შეხვედრებზე დასწრება სურს, გულთბილად ვიწვევთ“. მას შემდეგ, რაც ეს განცხადება გამოჩნდა 1880 წლის „სიონის საგუშაგო კოშკის“ ნოემბრის გამოცემაში, იეჰოვას მოწმეები გულმოდგინედ იწვევდნენ ადამიანებს, რათა ერთად შეკრებილიყვნენ ბიბლიური დასწავლების მისაღებად (გამოცხ. 22:17). ეს ჭეშმარიტი თაყვანისმცემლობის მნიშვნელოვანი ნაწილია.
2 დასწრება ძალიან მნიშვნელოვანია. კრებასთან ურთიერთობას კურთხევები მოაქვს. ჩვენ უკეთესად ვეცნობით ჩვენს სასწაულებრივ ღმერთს, იეჰოვას. კრებაში ვიკრიბებით იმისათვის, რომ იეჰოვასგან ‘ვიყოთ დამოძღვრილნი’ (ეს. 54:13). მისი ორგანიზაცია უზრუნველგვყოფს ბიბლიური სწავლების უწყვეტი პროგრამით, რომელიც გვაახლოებს მასთან და გვეხმარება, ცხოვრებაში გამოვიყენოთ „ღვთის ყოველი ნება“ (საქ. 20:27; ლუკ. 12:42). შეხვედრებზე ღვთის სიტყვის სწავლების ხელოვნებას ეუფლება თითოეული. ბიბლიური შეხსენებები გვეხმარება, გავიხაროთ კარგი ურთიერთობით სხვებთან და თვით იეჰოვასთან. მათთან ურთიერთობა, ვისაც ღმერთი უყვარს, განამტკიცებს ჩვენს რწმენას (რომ. 1:11, 12).
3 მიიწვიე. შესწავლის დაწყებიდანვე ბიბლიის ყოველი შემსწავლელი მიიწვიე შეხვედრებზე. მიეცი მოსაწვევი ბარათი. გაუზიარე შენთვის გამამხნევებელი აზრი ბოლო შეხვედრიდან და განიხილე ის, რაც მომავალ შეხვედრაზე იქნება განხილული, რათა ინტერესი აღუძრა მას. აღწერე, როგორ გამოიყურება სამეფო დარბაზი და დარწმუნდი, რომ მიაგნებს მას.
4 თუ შემსწავლელი მაშინვე არ იწყებს შეხვედრებზე დასწრებას, განაგრძე მისი მოწვევა. ყოველკვირეულად რამდენიმე წუთი გამოყავი, რომ აუხსნა, როგორ ფუნქციონირებს ჩვენი ორგანიზაცია. გამოიყენე ბროშურა „იეჰოვას მოწმეები — გაერთიანებულად ასრულებენ ღვთის ნებას“ და ვიდეოფილმი „იეჰოვას მოწმეები — ორგანიზაცია ამ სახელწოდებით“, რათა გააცნო მას, თუ ვინ ვართ ჩვენ და რას წარმოადგენს ჩვენი შეხვედრები. მიიყვანე სხვა მაუწყებლებიც, რომ გააცნო შემსწავლელს. ლოცვაში მადლობა გადაუხადე იეჰოვას მისი ორგანიზაციისთვის და მოიხსენიე, რომ შემსწავლელსაც ესაჭიროება ამ ორგანიზაციასთან ურთიერთობა.
5 ნუ დააყოვნებ ახალი დაინტერესებულებისთვის დახმარების გაწევას იმისათვის, რომ შეიკრიბონ ჩვენთან ერთად. იეჰოვასადმი მადლიერების ზრდასათან ერთად, ისინი აღძრული იქნებიან, ნასწავლი ცხოვრებაში გამოიყენონ და გახდნენ ღვთის ერთიანი ორგანიზაციის წევრები (1 კორ. 14:25).