შემსწავლელების ყურადღება მიმართე ჩვენი სახელით წოდებული ორგანიზაციისკენ
1 „ამ ცნობას ქადაგებენ 200-ზე მეტ ენაზე. ამ ცნობას ისმენენ 210-ზე მეტ ქვეყანაში. ეს ცნობა პირადად გადაეცემა ადამიანებს, სადაც კი შეიძლება მათი ნახვა. ეს ყველაფერი არის უდიდესი ქადაგების კამპანიის ნაწილი, რომლის მსგავსი ქვეყნიერებას არასდროს სცოდნია, ცნობა, რომელიც მთელ დედამიწაზე აერთიანებს მილიონებს. ას წელზე მეტია იეჰოვას მოწმეები ორგანიზებას უწევენ ამ საქმის შესრულებას!“
2 ამ სიტყვებით იწყება ვიდეოფილმი „იეჰოვას მოწმეები — ორგანიზაცია ამ სახელწოდებით“. ის გვპასუხობს მომდევნო კითხვებზე: ვინ არიან სინამდვილეში იეჰოვას მოწმეები? როგორ არის ორგანიზებული მათი საქმიანობა? როგორ წარიმართება? როგორ ფინანსდება? ეს ჩააგონებს მაყურებლებს, რომ „იეჰოვას მოწმეები მთელი მსოფლიოს მასშტაბით არიან კვალიფიცირებულნი როგორც ორგანიზაცია, რათა დაეხმარონ მოყვასს ბიბლიისადმი რწმენის განვითარებაში“ და მოუწოდებს მათ, თვითონ იხილონ ჩვენი სახელით წოდებული ორგანიზაცია. ამ ვიდეოფილმის ყურების შემდეგ ბიბლიის შემსწავლელ ქალს სიხარულისა და მადლიერების ცრემლები წასკდა და თქვა: „როგორ შეიძლება ვინმემ ვერ დაინახოს, რომ ეს არის ჭეშმარიტი ღვთის, იეჰოვას, ორგანიზაცია?“ (შეადარე 1 კორინთელთა 14:24, 25).
3 სხვა ქალი დიდი ხნის განმავლობაში დროგამოშვებით სწავლობდა ბიბლიას, მაგრამ ვერ იჯერებდა, რომ სამების მოძღვრება ცრუ იყო. შემდეგ მას და მის ქმარს აჩვენეს ჩვენი ვიდეოფილმი. მათზე დიდი შთაბეჭდილება მოახდინა წარმოდგენილმა და იმავე საღამოს ორჯერ უყურეს. შემდეგ შესწავლაზე ცოლმა გამოთქვა სურვილი, გამხდარიყო მოწმე. მან თქვა, რომ კონცენტრირებას ახდენდა სამების შესახებ რწმენაზე და ვეღარ ხედავდა ჩვენს ორგანიზაციასა და მასში მყოფ ხალხს. ვიდეოფილმიდან იგი მიხვდა, რომ იპოვა ღვთის ჭეშმარიტი ორგანიზაცია. მას დაუყოვნებლივ სურდა, დაეწყო კარდაკარ ქადაგება. იმის შემდეგ, რაც აუხსნეს, რა აუცილებელი ნაბიჯების გადადგმა იყო საჭირო, რათა გამხდარიყო მოუნათლავი მაუწყებელი, მან თქვა: „მზად ვარ დაუყოვნებლივ გავაკეთო ყველაფერი ეს“. მან დატოვა თავისი ეკლესია, დაიწყო სამქადაგებლო მსახურებაში მონაწილეობა და დახელოვნებულად ხსნიდა სამების მოძღვრების სიცრუეს.
4 კარგად აღიარებული ფაქტია, რომ ბიბლიის შემსწავლელები უკეთეს სულიერ წინსვლას აკეთებენ და უფრო სწრაფად მწიფდებიან სულიერად, როცა აღიარებენ იეჰოვას ორგანიზაციას და უკავშირდებიან მას. საყურადღებოა, რომ იმის შემდეგ, რაც 3 000 პიროვნება მოინათლა, „ისინი გამუდმებით მკვიდრდებოდნენ მოციქულთა მოძღვრებაში, ზიარებაში [‘ურთიერთობაში’, აქ სქოლიო]“ (საქ. 2:42, აფ). მნიშვნელოვანია, დავეხმაროთ შემსწავლელებს ამავეს გაკეთებაში. როგორ შევძლებთ?
5 შენს თავზე აიღე პასუხისმგებლობა. მოწაფის ყოველმა მომამზადებელმა უნდა შეიგნოს, რომ თავისი პასუხისმგებლობაა ბიბლიის შემსწავლელის ყურადღება მიმართოს ღვთის ორგანიზაციისკენ (1 ტიმ. 4:16). ყოველი შესასწავლი ნაწილი მიჩნეული უნდა იყოს, როგორც საფეხური ზემოთ, იმ ბედნიერი დღისკენ, როცა ახალი მორწმუნე იეჰოვაზე მიძღვნას წყალში მონათვლით დაასიმბოლოებს. ერთ-ერთი შეკითხვა მისადმი ნათლობის ცერემონიისას, შემდეგია: „გესმის თუ არა, რომ შენი მიძღვნა და ნათლობა მიუთითებს, რომ ხარ იეჰოვას ერთ-ერთი მოწმე, რომელიც კავშირშია ორგანიზაციასთან, რომელსაც ღვთის სული ხელმძღვანელობს?“ მაშასადამე, მნიშვნელოვანია, მიხვდეს, რომ ვერ ემსახურება ღმერთს ჭეშმარიტ ქრისტიანულ კრებასთან აქტიური ურთიერთობის გარეშე (მათ. 24:45–47; იოან. 6:68; 2 კორ. 5:20).
6 განაგრძე, გაანათლო შემსწავლელი ადგილობრივი კრებისა და იეჰოვას მოწმეების საერთაშორისო ორგანიზაციის შესახებ. გააკეთე ეს ბიბლიის ყოველი შესწავლისას, პირველი გაკვეთილიდან დაწყებული. თავიდანვე მიიწვიე შემსწავლელი შეხვედრებზე და განაგრძე ამის კეთება (გამოცხ. 22:17).
7 გამოიყენე შემოთავაზებული დამხმარე საშუალებები. ჩვენი საუკეთესო პუბლიკაციები ბიბლიის საშინაო შესწავლების ჩასატარებლად არის ბროშურა — „რას მოითხოვს ღმერთი ჩვენგან?“ — და წიგნი — „მარადიულ სიცოცხლემდე მიმყვანი შემეცნება“. ორივე ყურადღებას ამახვილებს კრებასთან ურთიერთობის აუცილებლობაზე. ბროშურის — „რას მოითხოვს“ — მე-5 გაკვეთილის ბოლოში ნათქვამია: «საჭიროა, განაგრძო შესწავლა იეჰოვას შესახებ და დაემორჩილო მის მოთხოვნებს. იეჰოვას მოწმეების ადგილობრივ „სამეფო დარბაზებში“ შეხვედრებზე დასწრება დაგეხმარება ამაში». წიგნი „შემეცნება“ მრავალჯერ მოუწოდებს შემსწავლელებს, დაესწრონ შეხვედრებს. მე-5 თავის 22-ე აბზაცი განაგრძობს ამ მოწვევას: «იეჰოვას მოწმეები. . . გულთბილად მოგიწოდებენ, შენც მიიღო მონაწილეობა მათთან ერთად ღვთისადმი „სულითა და ჭეშმარიტებით“ თაყვანისცემაში (იოანე 4:24)». მე-12 თავის მე-16 აბზაცში ნათქვამია: „რაც უფრო გააგრძელებ შესწავლას და ჩვევად გაიხდი, დაესწრო იეჰოვას მოწმეთა შეხვედრებს, შენი რწმენა მით უფრო გაძლიერდება“. მე-16 თავის მე-20 აბზაცი ამბობს: „ჩვევად გაიხადე იეჰოვას მოწმეების შეხვედრებზე დასწრება, — შემდეგ უმატებს, — ეს დაგეხმარება, გაიგო და შემდეგ ცხოვრებაში გამოიყენო ღვთის შემეცნება, რაც ბედნიერებას მოგიტანს. მსოფლიო ქრისტიანული საძმოს ნაწილად ყოფნა დაგეხმარება, ახლოს იყო იეჰოვასთან“. მე-17 თავი საფუძვლიანად განიხილავს, თუ როგორ პოულობს პიროვნება ჭეშმარიტ უსაფრთხოებას ღვთის ხალხს შორის. ჩვენი პასუხისმგებლობაა, ყურადღება გავამახვილოთ მასალის ამ ნაწილებზე, ვინაიდან სხვებს ვასწავლით.
8 ბროშურა — „იეჰოვას მოწმეები გაერთიანებულად ასრულებენ ღვთის ნებას მთელ მსოფლიოში“ (რუს.) — შესანიშნავი საშუალებაა, რომელიც გამოიცა, რათა გააცნოს ადამიანებს იეჰოვას ერთადერთი ხილული ორგანიზაცია, რომელსაც დღეს იყენებს თავისი ნების შესასრულებლად. დეტალური ინფორმაცია, რომელსაც ის შეიცავს ჩვენი მსახურების, შეხვედრებისა და ორგანიზაციის შესახებ, მკითხველს გაამხნევებს, შემოგვიერთდეს ღვთისადმი თაყვანისმცემლობაში. როცა ბიბლიის შესწავლა ჩამოყალიბდება, რეკომენდირებულია შემსწავლელისთვის ამ ბროშურის ერთი ეგზემპლარის მიცემა, რათა თვითონ წაიკითხოს. არ არის საჭირო, რომ ეს ბროშურა მას შეასწავლო, როგორც ამას ადრე ვაკეთებდით.
9 საზოგადოების მიერ გამოცემული ვიდეოფილმები შესანიშნავი საშუალებაა შემსწავლელების ყურადღების ჩვენი სახელით წოდებული ორგანიზაციისკენ მისამართად. კარგი იქნებოდა, ენახათ: 1) „ახალი ქვეყნიერების საზოგადოება მოქმედებაში“, 1954 წლის კინოფილმის განხილვა, რომელიც მოიცავს მშვიდ, მიზანდასახულობისა და სიყვარულის სულს, რომლითაც იეჰოვას ორგანიზაცია ფუნქციონირებს; 2) „ღვთიური სწავლებით გაერთიანებულნი“, რომელიც გადმოსცემს მშვიდობიან ერთიანობას, რომელიც ვლინდება ჩვენს საერთაშორისო კონგრესებზე აღმოსავლეთ ევროპაში, სამხრეთ ამერიკაში, აფრიკასა და აზიაში; 3) „დედამიწის კიდით კიდემდე“, რომელიც აღნიშნავს საგუშაგო კოშკის ბიბლიური სკოლა გალაადის 50-ე წლისთავს და აჩვენებს მისიონერების ნაყოფს მსოფლიო მასშტაბით ქადაგების საქმეში; 4) იეჰოვას მოწმეების სიმტკიცე ნაცისტური თავდასხმის წინააღმდეგ“, რომელიც მოგვითხრობს მოწმეების გამბედაობისა და გამარჯვების ამაღელვებელ ისტორიას მათი სასტიკი დევნისას ჰიტლერის დროს; და, რასაკვირველია, 5) „იეჰოვას მოწმეები — ორგანიზაცია ამ სახელწოდებით“.
10 შეხვედრებთან დაკავშირებით დაისახე პროგრესული მიზნები. შემსწავლელებს უნდა აუხსნა, რომ ორივეს გესაჭიროებათ მასწავლებელი, რაც შემოთავაზებულია ბიბლიის საშინაო შესწავლითა და საერთო განხილვებით, რომელიც კრების შეხვედრებზე ხდება (იოან. 6:45). ახალმა პიროვნებამ თანაბარი წინსვლა უნდა გააკეთოს როგორც ბიბლიის, ისე ორგანიზაციის სტრუქტურის გაგებაში. ამის მისაღწევად შეხვედრებზე დასწრების არავითარი შემცვლელი არ არსებობს (ებრ. 10:23–25). პიროვნების შეხვედრებზე მიწვევა დაუყოვნებლივ დაიწყე. ზოგი ახლად დაინტერესებული იწყებს შეხვედრებზე დასწრებას ბიბლიის საშინაო შესწავლის რეგულარულ დაწყებამდეც კი. რასაკვირველია, სათანადო მაგალითის დატოვება გვსურს რეგულარული დასწრებით (ლუკ. 6:40; ფილ. 3:17).
11 საკმარისი ინფორმაცია გაუზიარე კრების შეხვედრებისა და იმის შესახებ, თუ როგორ ტარდება ისინი, რათა თავისუფლად იგრძნოს თავი პირველ შეხვედრაზე დასწრებისას. რადგან ზოგი პიროვნება თავისუფლად ვერ გრძნობს თავს, როცა ახალ ადგილზე პირველად მიდის, შეიძლება სასარგებლო იყოს, თუ შემსწავლელთან ერთად იქნები სამეფო დარბაზში, როცა პირველ შეხვედრას დაესწრება. თუ მასთან ერთად იქნები კრების წევრებთან შეხვედრისას, დაძაბულად არ იგრძნობს თავს. უწინარეს ყოვლისა, კარგი მასპინძელი იყავი შენი სტუმრისთვის, სასიამოვნოდ და თავისუფლად აგრძნობინე თავი (მათ. 7:12; ფილ. 2:1–4).
12 გაამხნევე შემსწავლელი, დაესწროს სპეციალურ ერთდღიან, სარაიონო და საოლქო კონგრესებს პირველივე შესაძლებლობისას. შეგეძლო შეგეთავაზებინა, ერთად წასულიყავით.
13 აღავსე გულწრფელი მადლიერებით. „ორგანიზებული ვართ ჩვენი მსახურების შესასრულებლად“ (რუს.) 92-ე გვერდზე ხსნის: „თუ შენი პირადი მადლიერება იეჰოვას ორგანიზაციისადმი აირეკლება შენს საუბრებში დაინტერესებულებთან, მათ გაუადვილდებათ უფრო მეტად აღივსონ მადლიერებით, რაც აღძრავს, უფრო და უფრო გაეცნონ იეჰოვას“. შენი ადგილობრივი კრების შესახებ ყოველთვის დადებითად ისაუბრე, ნურასოდეს ისაუბრებ უარყოფითად (ფსალმ. 83:11; 132:1, 3ბ). ბიბლიის შესწავლის დროს წარმოთქმულ ლოცვებში მოიხსენიე კრება და იმის აუცილებლობა, რომ რეგულარულად ჰქონდეს შემსწავლელს ურთიერთობა მასთან (ეფეს. 1:15–17).
14 ჩვენ, უეჭველია, გვსურს, რომ გაიზარდოს ახლების გულწრფელი მადლიერება გამომაცოცხლებელი მეგობრობისა და სულიერი უსაფრთხოების მიმართ, რასაც ღვთის ხალხს შორის ვპოულობთ (1 ტიმ. 3:15; 1 პეტ. 2:17; 5:9). როგორც იეჰოვას მოწმეებმა, მოდი შეძლებისდაგვარად ყველაფერი ვიღონოთ, რომ ღვთის სიტყვის შემსწავლელების ყურადღება ჩვენი სახელით წოდებული ორგანიზაციისკენ მივმართოთ.
[ჩანართი 3 გვერდზე]
ორგანიზაციის პირადად ხილვის შემდეგ შემსწავლელები უფრო სწრაფად აღწევენ სულიერ წარმატებებს.
[ჩანართი 4 გვერდზე]
ნუ დააყოვნებ შემსწავლელების მიწვევას შეხვედრებზე დასასწრებად.