სიახლე სამეფო დარბაზის ბიბლიოთეკებთან დაკავშირებით

უკვე მრავალი წელია, რაც მთელ მსოფლიოში კრებები სარგებლობენ სამეფო დარბაზების ბიბლიოთეკებით, რომლებიც წარსულში თეოკრატიული სამსახურის სკოლის ბიბლიოთეკის სახელწოდებით იყო ცნობილი. აქამდე, თითოეულ კრებას საკუთარი ბიბლიოთეკა უნდა ჰქონოდა. ბოლო დროს, სულ უფრო ხშირად, ერთ სამეფო დარბაზს ერთზე მეტი კრება იყენებს, რომელთაგანაც ზოგი უცხოენოვანია. ამიტომ უფრო უკეთესი უნდა იყოს, თუკი ერთ სამეფო დარბაზში თითოეული ენობრივი ჯგუფისთვის ერთი მდიდარი ბიბლიოთეკა იქნება, რომელსაც რეგულარულად განაახლებენ. იმ სამეფო დარბაზებში, სადაც ერთზე მეტი აუდიტორიაა, ყოველ აუდიტორიაში უნდა იყოს ერთი ბიბლიოთეკა თითოეული ენობრივი ჯგუფისთვის.

ვიმედოვნებთ, რომ ასეთი სიახლე დაზოგავს ადგილს და ხარჯებსაც შეამცირებს. უფრო მეტიც, რამდენიმე ბიბლიოთეკის გაერთიანების შედეგი უფრო უკეთესი ბიბლიოთეკა იქნება. ბიბლიოთეკების გაერთიანების შემდეგ დარჩენილი ზედმეტი წიგნები შეგიძლიათ შეინახოთ. ისინი შეიძლება მომავალში გამოგადგეთ, მაგალითად, ახალი სამეფო დარბაზის აშენების შემთხვევაში. ზოგისთვის შეიძლება ძალიან დამხმარე აღმოჩნდეს, თუ სამეფო დარბაზის ბიბლიოთეკაში იქნება კომპიუტერი და «„საგუშაგო კოშკის“ ბიბლიოთეკა» კომპაქტ-დისკზე.

თითოეული სამეფო დარბაზის ბიბლიოთეკაში ერთ-ერთი ძმა, სასურველია თეოკრატიული სამსახურის სკოლის ზედამხედველი, იმსახურებს, როგორც ბიბლიოთეკარი. მან ბიბლიოთეკას თანდათანობით უნდა დაუმატოს სათანადო ლიტერატურა და აკურატულად აღნიშნოს თითოეული პუბლიკაციის თავფურცელზე, რომ ის სამეფო დარბაზის ბიბლიოთეკის საკუთრებაა. აგრეთვე მან წელიწადში ერთხელ მაინც უნდა გადაამოწმოს ბიბლიოთეკა, დაკარგული ხომ არ არის რომელიმე პუბლიკაცია და შეამოწმოს, რა მდგომარეობაშია წიგნები. ასეთი ბიბლიოთეკების ლიტერატურა არ უნდა გაიტანონ სამეფო დარბაზის გარეთ.

სამეფო დარბაზის ბიბლიოთეკა ძალიან ფასეულია ყველა ჩვენგანისთვის. ამიტომ, მოდი გავუფრთხილდეთ მას და გამოვიყენოთ ის ღვთის შესახებ ცოდნის მისაღებად (იგავ. 2:5).