ახალგაზრდებო, მტკიცე საფუძველი ჩაუყარეთ თქვენს მომავალს
1. რატომ სჭირდებათ ახალგაზრდა ქრისტიანებს ძლიერი რწმენის განვითარება?
1 რას თვლი ყველაზე მნიშვნელოვნად? რაზე ფიქრობ უფრო მეტად? შენი ძირითადი საზრუნავი წარმავალი წუთისოფელია თუ ის, რასაც ღმერთი მომავალში გვპირდება? (მათ. 6:24, 31—33; ლუკ. 8:14). როგორც მოსესა და აბრაამის მაგალითებიდან ვხედავთ, ძლიერი რწმენაა საჭირო, ნდობა რომ გვქონდეს ღვთის აღთქმებისადმი (ებრ. 11:8—10, 24—26). როგორ შეძლებ ასეთი რწმენის განვითარებას და შენი მომავლისთვის „მტკიცე საფუძვლის“ ჩაყრას? (1 ტიმ. 6:19).
2. რას ვსწავლობთ იოშიას მაგალითიდან?
2 ეძიე იეჰოვა. თუ ოჯახთან ერთად რეგულარულად ხარ დაკავებული სულიერი საქმეებით, ეს საქებარია. მაგრამ ნუ დაასკვნი, რომ ასეთი საქმიანობა ავტომატურად გაგიძლიერებს რწმენას. „ღვთისშემეცნება“ რომ მოიპოვო, პირადად უნდა ეძიო იეჰოვა (იგავ. 2:3—5, სსგ; 1 ნეშტ. 28:9). ახალგაზრდა მეფე იოშია ასე იქცეოდა. მიუხედავად იმისა, რომ ის არ იზრდებოდა სულიერი განვითარებისთვის საჭირო ხელსაყრელ გარემოში, მან„დაუწყო ძიება დავითის, მამამისის, ღმერთს“, როდესაც ის 15 წლის იყო (2 ნეშტ. 34:3).
3. როგორ შეუძლიათ დღეს ახალგაზრდა ქრისტიანებს იეჰოვას ძიება?
3 როგორ შეგიძლია იეჰოვას ძიება? საგულდაგულოდ გამოიკვლიე, რაც გწამს და პირადად დარწმუნდი, რომ ეს ჭეშმარიტებაა (რომ. 12:2, აქ). მაგალითად, შეგიძლია ახსნა, რას ამბობს ბიბლია სისხლთან დაკავშირებით ან დაამტკიცო, რომ ღვთის სამეფომ მმართველობა ზეცაში 1914 წელს დაიწყო? „ჭეშმარიტების [საფუძვლიანი] შემეცნება“ მნიშვნელოვანია იმისათვის, რომ მტკიცე საფუძველი ჩაუყარო მომავალს (1 ტიმ. 2:3, 4).
4. როგორ შეუძლია მოუნათლავ მაუწყებელს ცხადი გახადოს წარმატება მსახურებაში?
4 ღვთის ძიებამ იოშიას კარგი შედეგები მოუტანა. სანამ 20 წლის გახდებოდა, ის მამაცურად მოიქცა და ქვეყანა ცრუ თაყვანისმცემლობისაგან გაწმინდა (2 ნეშტ. 34:3—7). ამის მსგავსად, შენი სულიერი წინსვლა ცხადი გახდება შენი საქმეებით (1 ტიმ. 4:15). თუ მოუნათლავი მაუწყებელი ხარ, ეცადე გაუმჯობესდე მსახურებაში. არ დაკმაყოფილდე მხოლოდ ლიტერატურის შეთავაზებით. მიზნად დაისახე, გამოიყენო ბიბლია, ესაუბრო ხალხს და ინტერესი გაუღვივო ჭეშმარიტებას მოწყურებულ ადამიანებს (რომ. 12:7). ეს დაგეხმარება იმაში, რომ სულიერად გაიზარდო.
5. რა შესაძლებლობები ეძლევა მონათლულ ქრისტიანებს მსახურების გასაფართოებლად?
5 მიეცი იეჰოვას საუკეთესო. როდესაც იეჰოვას თავს უძღვნი და ნათლობით სახალხოდ ადასტურებ ამას, ღვთის დანიშნული მსახური ხდები (2 კორ. 3:5, 6). ეს სრული დროით მსახურების შესაძლებლობას გაძლევს. იქნება ეს პიონერული, ბეთელის, მისიონერული თუ საერთაშორისო მსახურება. მსახურების გაფართოების სხვა საშუალებებია უცხო ენის შესწავლა ან მსახურება იქ, სადაც მეტი საჭიროებაა.
6. როგორ შეგვიძლია ყველა ჩვენგანს მომავლისთვის მტკიცე საფუძვლის ჩაყრა?
6 რა თქმა უნდა, ყველას არა აქვს იმის შესაძლებლობა, რომ მონაწილეობა მიიღოს მსახურების ამ შესანიშნავ სფეროებში, მაგრამ თითოეულს შეგვიძლია, საუკეთესო გავიღოთ იეჰოვასთვის (მათ. 22:37). როგორიც უნდა იყოს შენი მდგომარეობა, იეჰოვას მსახურებას მთავარი ადგილი დაუთმე შენს ცხოვრებაში (ფსალმ. 15:5). ამგვარად, მტკიცე საფუძველს ჩაუყრი შენს მომავალს.