შეხვედრებზე რეგულარულად დასწრება უმთავრესია
1 ქრისტიანული ოჯახები დიდ მნიშვნელობას ანიჭებენ კრების შეხვედრებზე რეგულარულად დასწრებას. მაგრამ დღევანდელი ცხოვრების რიტმი ამ მხრივ სირთულეებს გვიქმნის. ხომ არ გართმევთ საოჯახო საქმეები, სამსახური ან სკოლის დავალებები ღვთის თაყვანისცემისთვის გამოყოფილ დროს? თუ ყოველივეს იეჰოვას თვალსაზრისით შევხედავთ, შევძლებთ იმის განსაზღვრას, თუ რა არის უმთავრესი (1 მეფ. 24:7; 26:11).
2 შაბათს შეშის შეგროვებით ერთმა ისრაელმა მამაკაცმა განზრახ უგულებელყო იეჰოვას თვალსაზრისი. შეიძლება ის ფიქრობდა, რომ ამით ოჯახზე ზრუნავდა; ან თვლიდა, რომ ეს უმნიშვნელო საკითხი იყო. გამოტანილი განაჩენით იეჰოვა გვანახებს, რომ ყოფითი საქმეებით დაკავება ღვთის თაყვანისმცემლობისთვის გამოყოფილ დროს სერიოზული საკითხია (რიცხ. 15:32—36).
3 გადალახე სიძნელეები. ბევრს ნამდვილი ბრძოლა უწევს, რომ სამსახურმა ხელი არ შეუშალოს კრებებზე დასწრებაში. ზოგიერთი ახერხებს სირთულეების გადალახვას უფროსთან მოლაპარაკებით, თანამშრომელთან თავისი ცვლის გაცვლით, უფრო ხელსაყრელი სამუშაოს მოძებნით ან ცხოვრების გამარტივებით. რა თქმა უნდა, ჭეშმარიტი თაყვანისმცემლობისთვის გაღებული ასეთი მსხვერპლით ღმერთს ვასიამოვნებთ (ებრ. 13:16).
4 სიძნელეების მიზეზი შეიძლება სკოლის დავალებებიც იყოს. „დავალებებს კრებამდე ვაკეთებ. რასაც ვერ ვასწრებ, კრების შემდეგ ვაგრძელებ“, — თქვა ერთმა სკოლის მოსწავლემ. თუ კრების დღეს ყველა დავალების გაკეთებას ბავშვი ვერ ასწრებს, ზოგიერთი მშობელი მასწავლებლებს უხსნის, რომ ქრისტიანულ შეხვედრებზე დასწრება მათ ოჯახში უმთავრესია.
5 თანამშრომლობის სული და კარგი დაგეგმვა იმის საწინდარია, რომ დროულად დაამთავროთ საოჯახო საქმეები და მოემზადოთ კრების შეხვედრებზე მთელი ოჯახით დასასწრებად (იგავ. 20:18). პატარებსაც კი შეგიძლიათ ასწავლოთ, რომ დანიშნული დროისთვის თვითონ ჩაიცვან და გაემზადონ შეხვედრებზე წასასვლელად. პირადი მაგალითით მშობლებს შეუძლიათ ჩაუნერგონ ბავშვებს, რომ კრებებზე დასწრება მნიშვნელოვანია (იგავ. 20:7).
6 ქვეყნიერების მხრიდან ზეწოლა უფრო და უფრო იზრდება, ამიტომაც მნიშვნელოვანია ქრისტიანულ შეხვედრებზე რეგულარული დასწრება. დაე კვლავაც იეჰოვას თვალსაზრისით ვუყუროთ ყველაფერს და შეხვედრებზე რეგულარულ დასწრებას უმთავრესი ადგილი დავუთმოთ (ებრ. 10:24, 25).