დროული სულიერი საზრდო
1. როგორ სრულდება დღეს ეზეკიელის 36:29?
1 „მოვუხმობ ხორბალს, გავამრავლებ მას და აღარ მოვავლენ თქვენზე შიმშილს“, — ამბობს უზენაესი უფალი, იეჰოვა (ეზეკ. 36:29). ეს წინასწარმეტყველური სიტყვები ღვთის დღევანდელ ხალხს ეხება. სიმბოლურად რომ ვთქვათ, იეჰოვას სასიცოცხლოდ მნიშვნელოვანი ხორბალი უხვად მოჰყავს თავისი ხალხისთვის. ეს ნათლად ჩანს საოლქო კონგრესებზე, რომლებზეც დროულ სულიერ საზრდოს ვღებულობთ.
2. როგორ იყენებს იეჰოვა საოლქო კონგრესებს, რომ დროულად მივიღოთ სულიერი საზრდო?
2 კოლუმბუსში, ოჰაიოს შტატში, 1931 წელს ჩატარებულ კონგრესზე იეჰოვამ თავის მსახურებს მისცა მითითება, რომ მიეღოთ ახალი სახელი — იეჰოვას მოწმეები (ეს. 43:10—12). 1935 წელს ზუსტად იქნა განსაზღვრული გამოცხადების 7:9—17-ში მოხსენიებული უამრავი ხალხი. 1942 წელს ძმა ნორი გამოვიდა საჯარო მოხსენებით „მშვიდობა — გასტანს დიდხანს?“ ამ მოხსენებამ ბიძგი მისცა მსოფლიო სამქადაგებლო მსახურებას და „საგუშაგო კოშკის“ ბიბლიური სკოლა „გალაადის“ ჩამოყალიბებას. თუმცა ზოგიერთი კონგრესი განსაკუთრებით დაუვიწყარია, თითოეული კონგრესი შეგვიძლია შევადაროთ მდიდარ მაგიდას, რომელზეც უხვადაა ნოყიერი, დროული სულიერი საზრდო (ფსალმ. 22:5; მათ. 24:45).
3. რა უნდა გავაკეთოთ, რომ კარგად ვიკვებოთ სულიერ ნადიმზე, რომელიც საოლქო კონგრესებზე გვაქვს?
3 რამდენად კარგად იკვებები? შეიძლება უხვად იყოს საკვები ჩვენ გარშემო და მაინც ცუდად ვიკვებოთ, თუ გულზე ხელდაკრეფილნი ვიჯდებით (იგავ. 26:15). იგივე შეიძლება ითქვას სულიერ კვებაზე. ზოგ კონგრესზე შეინიშნება, რომ ბევრი ტყუილად დადის აქეთ-იქით ან სხვებთან საუბრობს პროგრამის მსვლელობის დროს. გამამხნევებელი ურთიერთობა მნიშვნელოვანი მხარეა კონგრესზე, მაგრამ საამისო დრო პროგრამის დაწყებამდე და მისი დამთავრების შემდეგაა (ეკლ. 3:1, 7). თუ არ ვსხედვართ ადგილზე, რომ ყურადღებით მოვისმინოთ, შეიძლება გამოგვრჩეს მნიშვნელოვანი აზრები. კონგრესზე პასუხისმგებელ ზედამხედველებს და სხვა დანიშნულ ძმებს შეიძლება ხანდახან მოუწიოთ კონგრესის ორგანიზებასთან დაკავშირებულ საკითხებზე საუბარი პროგრამის მსვლელობის დროს. სხვაგვარად კი, მათ მაგალითი უნდა მისცენ სხვებს და ყურადღებით უნდა უსმენდნენ პროგრამას. არც ერთმა ჩვენგანმა არ უნდა გამოვტოვოთ რაიმე ჩვენთვის მომზადებული სულიერი საზრდოდან (1 კორ. 10:12; ფილ. 2:12).
4. როგორ შეგვიძლია გამოვავლინოთ მადლიერება იმ უხვი საზრდოსთვის, რომელსაც იეჰოვა გვაძლევს?
4 ძალიან გვახარებს, რომ იეჰოვა გვაძლევს მდიდარ სულიერ საზრდოს, რომელსაც ვერ შეედრება ცრუ ქრისტიანული სწავლებები! (ეს. 65:13, 14). ჩვენ შეგვიძლია ‘ვიყოთ მადლიერნი’ იმით, რომ კონგრესებს შევხედოთ როგორც იეჰოვასგან განსწავლის საშუალებას (კოლ. 3:15). კონცენტრირება მოახდინე მოხსენებაზე და არა მომხსენებელზე. მოხსენება მიიღე იმ თვალსაზრისით, რომ ის მოდის „დიდებული მოძღვრისგან“ (ეს. 30:20, 21, აქ; 54:13). დიდი ყურადღებით მოისმინე. მოკლედ ჩაიწერე მთავარი აზრები. იმ საღამოსვე გაიმეორე პროგრამის მნიშვნელოვანი აზრები. ცხოვრებაში გამოიყენე ნასწავლი.
5. სიხარულის რა მიზეზებს გვაძლევს საოლქო კონგრესები?
5 არმაგედონამდე ჩატარებული ყოველი კონგრესი — იქნება ეს ლტოლვილთა ბანაკში, ომისგან გაპარტახებულ ქვეყანაში თუ დიდ მშვიდობიან ადგილზე — სატანაზე გამარჯვებას ნიშნავს! როგორც გაერთიანებული საძმო, ძალიან ვაფასებთ საოლქო კონგრესებზე ერთად შეკრების შესაძლებლობას (ეზეკ. 36:38). დარწმუნებულები ვართ, რომ იეჰოვა კიდევ ერთხელ სიყვარულით მოგვცემს დროულ საზრდოს (ლუკ. 12:42).
[ჩარჩო 4 გვერდზე]
გამოავლინე მადლიერება იეჰოვას სუფრისადმი
◼ ყურადღებით უსმინე
◼ ჩაიწერე მთავარი აზრები
◼ საღამოობით გაიმეორე პროგრამის მნიშვნელოვანი აზრები
◼ ნასწავლი ცხოვრებაში გამოიყენე