გამომაცოცხლებელი მუსიკა

¹ სიმღერა და მუსიკა ჩვენი თაყვანისმცემლობის მნიშვნელოვანი ნაწილია. ძველ ისრაელში ასაფი და მისი ძმები მღეროდნენ: „ადიდეთ უფალი . . , უმღერეთ მას, უგალობეთ მას, ილაპარაკეთ ყველა მის სასწაულზე“ (1 ნეშტ. 16:8, 9). დღეს, ყოველკვირეულ შეხვედრებზე ვუმღერთ იეჰოვას (ეფეს. 5:19). რა შესანიშნავი შესაძლებლობა გვეძლევა, რომ ხოტბას ვასხამთ მის სახელს! (ფსალმ. 68:31).

² „სამეფოს მელოდიების“ მოსმენასაც, ორკესტრის შესრულებით, შეუძლია ჩვენი გონება აავსოს სულიერი ფიქრებით. „როდესაც მელოდიებს ვუსმენ, გონებაში ჩამესმის სიმღერის სიტყვები — ამბობს ერთი და. — რა დიდებული საშუალებაა, გახსოვდეს იეჰოვა და ფიქრობდე მასზე, როდესაც მუსიკას უსმენ!“ (ფილ. 4:8).

³ როდის შეგვიძლია მათი მოსმენა. „სამეფოს მელოდიების“ სახლში მოსმენა ქმნის თბილ, სულიერ ატმოსფეროს, რაც ხელს უწყობს ოჯახში მშვიდობას. «ძალიან ხშირად ვუსმენთ ამ მუსიკას სახლში თუ მანქანაში და არასოდეს ვიღლებით მათი მრავალფეროვნებით — წერდა ერთი ოჯახი. — ხშირად „სამეფოს მელოდიები“ მშვიდ განწყობილებას გვიქმნის, როდესაც ვემზადებით ქრისტიანულ შეხვედრებზე წასასვლელად ან კონგრესზე მივემგზავრებით». ერთმა დამ თქვა: „მათი მოსმენა კარგ ხასიათზე მაყენებს, როდესაც საოჯახო საქმეებს ვაკეთებ — ვინ იფიქრებდა, რომ ხალისით დავაუთოებდი სარეცხს? მელოდიების მოსმენას მაშინ ვგეგმავ, როდესაც დანაღვლიანებული ვარ. ისინი გამამხნევებელ ეფექტს ახდენენ! . .  ყველა სიმღერა სიხარულის გვგვრის“. არის თქვენს ცხოვრებაში სიტუაციები, როდესაც ასეთი გამომაცოცხლებელი მუსიკა დადებითად მოქმედებს თქვენზე?

⁴ დღეს ბევრი მუსიკალური პროდუქცია წუთისოფლის სულს ირეკლავს. მშობლებს შეუძლიათ თავიანთ შვილებს დახვეწილი მუსიკალური გემოვნება განუვითარონ. ამისთვის კარგი საშუალება „სამეფოს მელოდიების“ გამოყენებაა. მრავალი — ბიბლიის შემსწავლელი თუ ბიბლიით დაინტერესებული — დიდი სიამოვნებით მოუსმენდა ამ მშვენიერ სიმღერებს, რომლებიც განადიდებს იეჰოვას და სულიერ სიმხნევეს მატებს ადამიანს (ფსალმ. 46:2, 3, 7, 8).