იეჰოვა ეხმარება მათ, ვინც მასზეა მინდობილი
1 ბევრი ფულს, ძალაუფლებასა და ადმიანურ შესაძლებლობებს უყურებს როგორც წარმატების საწინდარს (ფსალმ. 11:5; 32:16, 17; 48:7). მაგრამ ისინი, ვისაც ეშინია იეჰოვასი და ენდობა მას, დარწმუნებულები არიან ბიბლიურ აღთქმაში, რომ იეჰოვა მათი „შემწე და ფარია“ (ფსალმ. 113:19). მოდი განვიხილოთ ორი მხარე, თუ რა სფეროში გვჭირდება იეჰოვასადმი ნდობის გამოვლენა.
2 ქრისტიანულ მსახურებაში. როდესაც კრებაში ვღებულობთ დავალებას ან ვქადაგებთ, უნდა მივენდოთ ჩვენს ღმერთს. დაფიქრდი იესოს მაგალითზე. თუმცა ის ღვთის ძე იყო, არ ეყრდნობოდა საკუთარ სიბრძნეს ან შესაძლებლობებს, ის მთლიანად ზეციერ მამაზე იყო მინდობილი (იოან. 12:49; 14:10). ჩვენ რამდენად უფრო მეტად უნდა მივენდოთ ზეციერ მამას! (იგავ. 3:5—7). მხოლოდ იეჰოვას მხარდაჭერით შევძლებთ, თავმდაბლურად გამოვავლინოთ ძალისხმევა და პატივი მივაგოთ მას, აგრეთვე დავეხმაროთ სხვებს (ფსალმ. 126:1, 2).
3 იეჰოვასადმი ნდობას ვავლენთ, როდესაც ლოცვით მივმართავთ მას ხელმძღვანელობისა და სულიწმიდის დახმარებისთვის (ფსალმ. 104:4; ლუკ. 11:13). გარდა ამისა, მისადმი ნდობას იმით ვავლენთ, რომ სწავლებას მის სიტყვაზე, ბიბლიაზე, ვაფუძნებთ. ღვთის ცნობა ადამიანების გულებამდე აღწევს და ცვლის მათ ცხოვრებას (ებრ. 4:12). იეჰოვას განვადიდებთ მსახურებაში ‘მის მიერ მონიჭებულ ძალაზე’ დანდობით (1 პეტ. 4:11).
4 პრობლემების წინაშე. ჩვენ აგრეთვე გვესაჭიროება ვეძიოთ იეჰოვას დახმარება, როდესაც ზეგავლენის ან პრობლემების წინაშე ვიმყოფებით (ფსალმ. 45:2). მაგალითად, დამსაქმებელს შეიძლება არ სურს, მოგცეს დრო კონგრესზე დასასწრებად ან შეიძლება ოჯახში ხვდები სიძნელეებს. ჩვენ ვავლენთ ნდობას იეჰოვასადმი გულმოდგინე ლოცვით და იმ მითითებების გამოყენებით, რომლებსაც ის თავისი სიტყვისა და ორგანიზაციის მეშვეობით გვაძლევს (ფსალმ. 61:9; 118:143, 173). ასეთი მოქმედებით იეჰოვას მსახურები თავიანთ თავზე მის მიერ გამოწვდენილ დახმარების ხელს გრძნობენ (ფსალმ. 36:5; 117:13, 16).
5 იეჰოვა თავად გვარწმუნებს: „კურთხეულია კაცი, რომელიც უფალზეა დანდობილი, უფალი იქნება მისი დასაყრდენი“ (იერ. 17:7). დაე გამოვავლინოთ იეჰოვასადმი ნდობა ყველაფერში, რასაც კი ვაკეთებთ! (ფსალმ. 145:5).