სპეციალური კამპანია ახალი ბროშურის გასავრცელებლად
1 დღეს ბევრს აღელვებს მსოფლიოში არსებული მდგომარეობა, მაგრამ ცოტამ თუ იცის, რატომ არის მსოფლიო ასეთ სავალალო მდგომარეობაში, როგორი მომავალი ელით და რა უნდა გააკეთონ, რომ გადარჩნენ მოახლოებული სამსჯავროს დროს (ეზეკ. 9:4). იმისათვის, რომ ყველამ გაიგოს, რამდენად მნიშვნელოვან დროში ვცხოვრობთ, 18 ოქტომბრიდან, ორშაბათიდან, 14 ნოემბრის, კვირის, ჩათვლით მოეწყობა სპეციალური კამპანია, რომლის დროსაც გავავრცელებთ ახალ ბროშურას „იფხიზლეთ!“
2 ბროშურის შეთავაზება შეიძლება კარდაკარ მსახურებისა და განმეორებითი მონახულებების დროს, ასევე მაშინ, როდესაც ვქადაგებთ არაფორმალურად ან საქმიან ტერიტორიებზე. თუმცა ეს არ ნიშნავს იმას, რომ ბროშურა „იფხიზლეთ!“ ნებისმიერ შემხვედრს მივცეთ. ბროშურა მხოლოდ მას უნდა შევთავაზოთ, ვინც გულწრფელად დაინტერესდება იმით, თუ რას ამბობს ბიბლია მსოფლიოში მიმდინარე მოვლენებთან დაკავშირებით. მათ, ვინც ნაკლებ ინტერესს გამოავლენს ჩვენი ცნობისადმი, ბროშურის ნაცვლად შეიძლება შევთავაზოთ ტრაქტატი.
3 პიროვნების დასაინტერესებლად შეგიძლია თქვა:
◼ „დღეს ბევრი შეწუხებულია ფართოდ გავრცელებული სერიოზული პრობლემებითა და თავზარდამცემი მოვლენებით. [მოიყვანე შემთხვევა, რომელიც ცნობილია ადგილობრივი მცხოვრებლებისთვის] იცოდით, რომ ასეთი მოვლენები ნაწინასწარმეტყველები იყო ბიბლიაში? [გიპასუხოს. შემდეგ ბიბლიიდან წაუკითხე მუხლი, რომელიც მიესადაგება შენ მიერ მოყვანილ შემთხვევას; მაგალითად მათე 24:3, 7, 8; ლუკა 21:7, 10, 11 ან 2 ტიმოთე 3:1—5] ბიბლიაში ნათქვამია, რომ ძალიან მნიშვნელოვან დროში ვცხოვრობთ; ის ასევე გვეუბნება, თუ რა ელის მომავალში კაცობრიობას. გსურთ უფრო მეტის გაგება? [გიპასუხოს. თუ გულწრფელ ინტერესს გამოავლენს, შესთავაზე ბროშურა] ბროშურის მიღება შეგიძლიათ ყოველგვარი საფასურის გარეშე. მაგრამ, თუ სურვილი გაქვთ, ჩვენი მსოფლიო საქმიანობის მხარდასაჭერად გაიღოთ მცირე შესაწირავი, სიამოვნებით ავიღებდით მას“.
4 ან შეიძლება ეფექტური აღმოჩნდეს შემდეგი შეთავაზება:
◼ „დღეს ბევრი დამწუხრებულია მსოფლიოში მიმდინარე შემზარავი მოვლენებით ან იმ ტრაგედიის გამო, რაც პირადად შეეხოთ. ბევრს აინტერესებს, რატომ არ ერევა ღმერთი ადამიანთა საქმეებში და რატომ არ უღებს ბოლოს ყოველივე ამას. ბიბლია გვარწმუნებს, რომ ღმერთი მალე გაათავისუფლებს კაცობრიობას უბედურებებისგან. ყურადღება მიაქციეთ, რას გააკეთებს ღმერთი კაცობრიობისთვის. [წაუკითხე ფსალმუნები 36:10, 11] გსურთ უფრო მეტის გაგება?“ დაასრულე პირველი შეთავაზების ბოლოს მოცემული სიტყვებით.
5 ჩაიწერე იმ პიროვნების სახელი და ზუსტი მისამართი, რომელმაც აიღო ბროშურა, რათა განმეორებით მოინახულო ინტერესის გასაღვივებლად. რჩევები იმასთან დაკავშირებით, თუ როგორ შეიძლება ამის გაკეთება, მოცემული იქნება 2004 წლის ნოემბრის „ჩვენს სამეფო მსახურებაში“. თუ პიროვნება პირველივე მონახულებისას გულწრფელ ინტერესს გამოავლენს, შეეცადე, დაუყონებლივ დაიწყო მასთან ბიბლიის შესწავლა ბროშურით „იფხიზლეთ!“ ან სხვა პუბლიკაციით, მაგალითად ბროშურით „რას მოითხოვს“.
6 ახალ ბროშურებს მიიღებთ იმ სამსახურებრივი შეხვედრის ბოლოს, რომელზეც ეს სტატია განიხილება. კარგი იქნება, რომ მაუწყებლებმა და პიონერებმა თავიდან იმდენი ბროშურა აიღონ, რამდენის გავრცელებასაც მოახერხებენ ამ კამპანიის დაწყებიდან რამდენიმე დღეში. დაე იეჰოვამ აკურთხოს ეს განსაკუთრებული საქმიანობა, რომელიც განადიდებს მის სახელს და სარგებლობას მოუტანს გულწრფელ ადამიანებს (ფსალმ. 89:17).