გამოიყენე თვალსაჩინო საშუალებები სწავლების დროს

¹ ძველ დროში იეჰოვა თავისი მსახურებისთვის მნიშვნელოვანი ინფორმაციის გადასაცემად დროდადრო თვალსაჩინოებებსა და ხილვებს იყენებდა. დაფიქრდი იეჰოვას ზეციერი ეტლის შესახებ ეზეკიელის ხილვაზე (ეზეკ. 1:1—28). წარმოიდგინე, რას იგრძნობდა დანიელი, როდესაც წინასწარმეტყველურ ხილვაში ნახა, როგორ შეცვლიდნენ ერთმანეთს მსოფლიო მპყრობელები (დან. 7:1—15, 28). რას იტყოდი იოანესთვის „ნიშნებით“ წარდგენილი ამაღელვებელი გამოცხადების შესახებ, რაც „უფლის დღის“ განმავლობაში მოსახდენ მოვლენებს ეხებოდა (გამოცხ. 1:1, 10). იეჰოვა თავის ხილვებში ცოცხალ ფერებსა და აქტიურ მოქმედებებს იყენებდა და ამგვარად ასწავლიდა თავის მსახურებს, რაც მათ გონებაზე წარუშლელ კვალს ტოვებდა.

² თუ გვინდა სხვებს ბიბლიური ჭეშმარიტება ისე ავუხსნათ, რომ ამან მათზე გავლენა მოახდინოს და მალევე არ დაავიწყდეთ, შეგვიძლია სასწავლებლად ჩვენი ორგანიზაციის მიერ გამოშვებული ვიდეოფილმები გამოვიყენოთ. ეს ვიდეოფილმები შეიცავს თემათა ფართო სპექტრს და ნდობას ავითარებს ბიბლიის, იეჰოვას ორგანიზაციისა და იმ პრინციპებისადმი, რომლებიც ქრისტიანულ ცხოვრებას უწყობს ხელს. განვიხილოთ რამდენიმე საშუალება იმისა, თუ როგორ შეგვიძლია გამოვიყენოთ ჩვენი ორგანიზაციის მიერ გამოშვებული ვიდეოფილმები სასწავლებლად. ქვემოთ ჩამოთვლილია ვიდეოფილმები, რომელთა გამოყენებაც შესაძლებელია.

³ მსახურებაში: გსურს ბიბლიის შემსწავლელს საერთაშორისო ქრისტიანული საძმოს შესახებ მოუყვე? ანახვე მას ვიდეოკასეტა „ორგანიზაცია სახელწოდებით იეჰოვას მოწმეები“. ათხოვე მას კასეტა, რომ შესწავლის წინ ნახოს ან ერთად ნახეთ ის მომდევნო შესწავლამდე. შემდეგ იმსჯელეთ გასამეორებელი კითხვების დახმარებით, რომლებიც მოცემულია 2000 წლის ოქტომბრის „ჩვენს სამეფო მსახურებაში“.

⁴ ახალგაზრდებო, თქვენ შეგიძლიათ მოელაპარაკოთ მასწავლებელს, რომ შესაძლებლობა მოგცეთ, სასწავლებელში სხვებსაც აჩვენოთ დოკუმენტური ვიდეოფილმები სათაურით „იეჰოვას მოწმეების სიმტკიცე ნაცისტური თავდასხმის პირისპირ“ ან „ერთგულნი განსაცდელის დროს — იეჰოვას მოწმეები საბჭოთა კავშირში“. შესთავაზე, რომ კლასთან მსჯელობისთვის კითხვებს მოამზადებ. ეს კითხვები ­მოცემულია 2001 წლის ივნისისა და 2003 წლის თებერვლის „ჩვენს სამეფო მსახურებაში“.

⁵ ოჯახსა და მეგობრებთან: მშობლებო, გაიხსენეთ, რამდენი ხანი გავიდა მას შემდეგ, რაც თქვენმა შვილებმა ნახეს ვიდეოფილმი „ახალგაზრდების შეკითხვები — როგორ შევიძინო ნამდვილი მეგობრები?“ შემდეგ ოჯახურ შესწავლაზე ის კვლავაც შეგეძლოთ გეჩვენებინათ შვილებისთვის. კითხვები, რომლებიც მოცემულია 2004 წლის სექტემბრის „ჩვენს სამეფო მსახურებაში“ (რუს.), დაგეხმარებათ, რომ განხილვა სახალისო და გულწრფელი იყოს.

⁶ გყავს კრებაში მეგობრები, რომელთა სახლში დაპატიჟებაც გსურს? ვიდეოფილმის „ბიბლია — ზუსტი ისტორია, სანდო წინასწარმეტყველება“ ერთად ნახვით საღამო უფრო სასიამოვნო გახდება, განსაკუთრებით, თუ ნანახზე მსჯელობისთვის გამოიყენებთ 2000 წლის დეკემბრის „ჩვენს სამეფო მსახურებაში“ (რუს.) დაბეჭდილ კითხვებს.

⁷ სხვა შესაძლებლობები: კიდევ რა საშუალებების გამოძებნა შეგიძლია, რათა რუსულ ენაზე გამოშვებული 13 სხვადასხვა ვიდეოკასეტა უფრო ეფექტურად გამოიყენო? შეგიძლია ერთი ან ორი მათგანი განმეორებითი მონახულებისას აჩვენო მათ, ვისაც რეგულარულად აკითხავ, რათა სულიერ ზრდაში დაეხმარო? შეგიძლია ადგილობრივ ინვალიდთა და მოხუცებულთა თავშესაფარში შესთავაზო ამ ვიდეოკასეტების ჩვენება? შესაძლებელია, ამ ვიდეოფილმებმა პატივისცემით განაწყოს შენი ურწმუნო ნათესავები, მეზობლები და თანამშრომლები? ჩვენი ორგანიზაციის მიერ გამოშვებული ვიდეოკასეტები შთამბეჭდავი, შემეცნებითი და ეფექტური თვალსაჩინო საშუალებებია. გამოიყენე ისინი სწავლების დროს.

[სასწავლო კითხვები]

1. როგორ იყენებდა ძველ დროში იეჰოვა თვალსაჩინო საშუალებებს, რათა თავისი მსახურებისთვის ესწავლებინა, და როგორი იყო შედეგი?

2. რა თვალსაჩინო საშუალებების გამოყენება შეგვიძლია სხვებისთვის ბიბლიური ჭეშმარიტების სასწავლებლად?

3. რის გამოყენება შეგიძლია ბიბლიის შემსწავლელისთვის ორგანიზაციის გასაცნობად?

4. რა სასწავლო საშუალებების გამოყენება შეუძლიათ ქრისტიან ახალგაზრდებს სასწავლებელში?

5. რა საშუალების გამოყენება შეუძლიათ მშობლებს ოჯახურ შესწავლაზე?

6. როგორ შეიძლება მეგობრებთან ერთად სასიამოვნო დროის გატარება?

7. კიდევ რა შესაძლებლობების გამონახვა შეიძლება ვიდეოკასეტების გამოსაყენებლად?