ასწავლე თავმდაბლებს ღვთის გზით სიარული

1 პირველ საუკუნეში ქრისტეს მოწაფეებზე ლაპარაკობდნენ, რომ ისინი ღვთის ‘გზით’ დადიოდნენ (საქ. 9:2). ჭეშმარიტი ქრისტიანობა ადამიანის ცხოვრების ნებისმიერ სფეროზე ისახება (იგავ. 3:5, 6). როდესაც ბიბლიის შესწავლებს ვატარებთ, საჭიროა უფრო მეტის გაკეთება, ვიდრე მხოლოდ საფუძვლიანი ცოდნის გადაცემა. ჩვენ უნდა დავეხმაროთ ბიბლიის შემსწავლელებს, იარონ იეჰოვას გზით (ფსალმ. 24:8, 9).

² დაეხმარე, განავითარონ სიყვარული: არასრულყოფილი ადამიანისთვის მართლაც არ არის ადვილი, რომ ღვთის ნების შესაბამისად იფიქროს, ისაუბროს და მოიქცეს (რომ. 7:21—23; ეფეს. 4:22—24). მაგრამ ღვთისა და მისი ძისადმი სიყვარული თავმდაბლებს აღძრავს, სირთულეებს გაუმკლავდნენ (იოან. 14:15; 1 იოან. 5:3). როგორ შეგვიძლია დავეხმაროთ ბიბლიის შემსწავლელს სიყვარულის განვითარებაში?

³ დაეხმარე შემსწავლელს იეჰოვას გაცნობაში. ერთმა ძმამ აღნიშნა: „ადამიანი ვერ შეიყვარებს იმას, ვისაც არ იცნობს. ასე რომ, დასაწყისში შემსწავლელებს ბიბლიაში ვაჩვენებ ღვთის სახელს და ყოველთვის ვცდილობ, ყურადღება გავამახვილო იეჰოვას თვისებებზე“. ამის საუკეთესო მაგალითს იესო გვაძლევს (იოან. 1:14; 14:9). წიგნიდან „რას გვასწავლის ბიბლია?“ ყოველი თავის დასასრულს გამოიყენე გასამეორებელი ჩარჩო, რაც დაეხმარება შემსწავლელს, დაფიქრდეს ღვთისა და მისი ძის საოცარ თვისებებზე.

⁴ ასწავლე პირადი მაგალითით: როგორც მასწავლებლები და მეგზურები, ჩვენი საქმეებით ვაჩვენებთ სხვებს, თუ რას ნიშნავს ღვთის გზით სიარული (1 კორ. 11:1). მაგალითად, ბიბლიის მრავალი შემსწავლელისთვის რთულია, უცხო პიროვნებასთან მივიდეს და თავისი რწმენის შესახებ ესაუბროს. ამიტომ მოთმინების გამოვლენითა და გამოცდილების გაზიარებით დავეხმარებით მათ, განავითარონ სიყვარული, რწმენა და გამბედაობა, რაც საჭიროა სამქადაგებლო საქმიანობისა და მოწაფეების მომზადებისთვის (2 კორ. 4:13; 1 თეს. 2:2). როცა შემსწავლელი პირველ ნაბიჯს დგამს სამქადაგებლო მსახურებაში, დახმარებას გავუწევთ, თუ თან გავყვებით.

⁵ შემსწავლელს პირადი მაგალითით დაანახვებ, თუ როგორ მოიქცეს ქრისტიანული ცხოვრების სხვა მნიშვნელოვან მხარეებში. როდესაც ინახულებ ავადმყოფს, ან ყველას გულთბილად ესალმები ქრისტიანულ შეხვედრებზე, შემსწავლელები ხედავენ შენ მიერ გამოვლენილ სიყვარულს (იოან. 15:12). როცა მონაწილეობ სამეფო დარბაზების დასუფთავებაში ან ავლენ დახმარების სულს, ამით შემსწავლელს აჩვენებ, თავად როგორ დაეხმაროს სხვებს (იოან. 13:12—15). როდესაც ის ხედავს, რომ უბრალო ცხოვრებას მისდევ, მისთვის ნათელი ხდება, თუ რას ნიშნავს „უპირველესად ეძებეთ სამეფო“ (მათ. 6:33).

⁶ ღვთის სიტყვის სწავლება და მოწაფეების მომზადება დიდ ძალისხმევას მოითხოვს. მაგრამ სასიხარულოა იმის დანახვა, რომ თავმდაბლები „ჭეშმარიტებაში დადიან“ (3 იოან. 4).

[სასწავლო კითხვები]

1. რა იგულისხმება მოწაფეების მომზადებაში?

2. რა აღძრავს ბიბლიის შემსწავლელს, შეასრულოს ღვთის ნება?

3. როგორ შეგვიძლია დავეხმაროთ შემსწავლელს, განავითაროს იეჰოვასა და იესოსადმი სიყვარული?

4. ა) რატომ არის რთული შემსწავლელთათვის სამქადაგებლო მსახურებაში მონაწილეობა? ბ) როგორ შეგვიძლია დავეხმაროთ მათ, მონაწილეობა მიიღონ მსახურებაში?

5. როგორ დაეხმარები პირადი მაგალითით შემსწავლელს, დაინახოს, თუ რა იგულისხმება ღვთის მითითებებში?

6. რა შედეგები მოჰყვება იმას, როცა თავმდაბლებს ვეხმარებით, ემსახურონ იეჰოვას?