გიცდიათ ამ მეთოდის გამოყენება?

თუ ბიბლიის შესწავლას ატარებ, ჰკითხე შემსწავლელს, ხომ არ სურდა მის რომელიმე მეგობარს, ნათესავს ან ნაცნობს იმის გაგება, რას ასწავლის ბიბლია? ხშირად ამ კითხვის დასმის შემდეგ შემსწავლელი რამდენიმე ადამიანს ასახელებს. შემსწავლელის ნებართვით შეგიძლია მოიხსენიო იგი, როდესაც ასეთ ადამიანებს ბიბლიის შესწავლას შესთავაზებ. შეგიძლია უთხრა: „[შემსწავლელის სახელი] სიამოვნებით სწავლობს ბიბლიას და ფიქრობს, რომ თქვენთვისაც სარგებლობის მომტანი იქნებოდა ბიბლიის უფასო შესწავლა“. შემდეგ წიგნის „რას გვასწავლის ბიბლია?“ გამოყენებით მოკლედ აჩვენე, როგორ ტარდება შესწავლა.

თუ შემსწავლელი კარგ სულიერ წინსვლას აკეთებს, შეგიძლია ის აღძრა, მეგობრებს ან ოჯახის წევრებს, რომლებიც შესაძლოა დაინტერესდნენ, აღუწეროს, როგორ ტარდება შესწავლა. მას შეეძლო სხვები დაეპატიჟებინა და ეჩვენებინა, თავად როგორ სწავლობს ბიბლიას. თუ ეს საკმარისი არ იქნება, მას შეეძლო თავისი ნაცნობი შენთან შეეხვედრებინა, რათა აჩვენო, როგორ ატარებთ შესწავლას. ამგვარად მოქმედება შემსწავლელს აღძრავს, ბიბლიური ცოდნა სხვებს გაუზიაროს.

იმ დაინტერესებულებმაც, რომლებთანაც რეგულარულად დადიხარ მონახულებაზე, მაგრამ ჯერ არ სწავლობენ ბიბლიას, შეიძლება გითხრან, თუ მათ ნაცნობთაგან ვინ არის დაინტერესებული ბიბლიით. როდესაც ასეთ ადამიანს შესთავაზებ წიგნს „რას გვასწავლის ბიბლია?“ შეგიძლია უთხრა: „ხომ არ იცნობთ ისეთ ვინმეს, ვისაც ენდომებოდა ამ პუბლიკაციის პირადი ეგზემპლარი?“

ჩვენ გვესმის, თუ რა დროში ვცხოვრობთ; ამიტომ გვსურს ნებისმიერი შესაძლებლობა გამოვიყენოთ, რათა ხალხს სასიხარულო ცნობის მოსმენაში დავეხმაროთ. გიცდიათ აღნიშნული მეთოდის გამოყენება?