სამეფო დარბაზების მშენებლობა — წმინდა მსახურების მნიშვნელოვანი ნაწილი

¹ 2005 კალენდარული წლის განმავლობაში საქართველოში აშენდა 4 ახალი სტანდარტული სამეფო დარბაზი და 3 შენობა სამეფო დარბაზად გადაკეთდა. ჩვენ გულწრფელად ვაფასებთ სამეფო დარბაზების მშენებლობის განყოფილების წარმომადგენლების, სამშენებლო ჯგუფის წევრებისა და სხვა მოხალისეთა შრომას. მართალია, უკვე ბევრი რამ გაკეთდა, მაგრამ კიდევ მრავალი სამეფო დარბაზია ასაშენებელი. როგორ შეგვიძლია ჩვენი წვლილი შევიტანოთ ამ მნიშვნელოვან საქმეში, რაც წმინდა მსახურების ნაწილია? (გამოცხ. 7:15).

² გამოავლინე მზადყოფნის სული: თუ მონათლული მაუწყებელი ხარ, შეგიძლია მოხალისედ იმსახურო სამეფო დარბაზების მშენებლობის ჯგუფში. ამისათვის საჭიროა, შეავსო განცხადება სამეფო დარბაზის მშენებლობაზე მსახურებისთვის (A-25) (ფსალმ. 109:3). ყველა მოხალისე გულმოდგინედ უნდა მსახურობდეს და თანამშრომლობის სულს ავლენდეს (ფსალმ. 132:1). მშენებლობაში წვლილის შეტანა იმ შემთხვევაშიც შეგიძლია, თუ არ გაქვს რაიმე ხელობა. გარდა ამისა, შეიძლება დაეუფლო რაიმე ხელობას, რაც მომავალში მეტი დახმარების გაწევის საშუალებას მოგცემს.

³ თუ თავად ვერ ახერხებ მოხალისედ მსახურებას, შეგიძლია სხვები წაახალისო ამ საქმეში მონაწილეობისკენ. ასევე შეგიძლია კრების დავალებების შესრულებაში შეენაცვლო მათ, ვინც სამეფო დარბაზების მშენებლობაზე მსახურობს. როცა კრების ზოგი წევრი სამშენებლო პროექტებში მონაწილეობს, უხუცესების მხრიდან საჭიროა წინასწარი დაგეგმვა, რათა კრებაში ყველაფერი სათანადოდ შესრულდეს. უდავოა, რომ იეჰოვას სიამოვნებს, როდესაც ერთმანეთის მხარდამხარ ვშრომობთ სამეფოს ინტერესების წინ წასაწევად (ებრ. 13:16).

⁴ გაამხნევე სხვები: თაყვანისმცემლობის ადგილების მშენებლობა დიდ დროსა და გარჯას მოითხოვს. ბუნებრივია, მათ, ვისაც მიიწვევენ სამშენებლო პროექტებზე დასახმარებლად, დროდადრო შეიძლება მოუწიოთ თავიანთი კრებიდან შორს ყოფნა. ამიტომ უნდა შევაქოთ და გავამხნევოთ მოხალისეები, რომლებიც ასეთ მსხვერპლს იღებენ ამ „საჭირო საქმისთვის“ (საქ. 6:3; რომ. 14:19).

⁵ იყავი გაწონასწორებული: ღვთის სამეფოს შესახებ ქადაგება ჩვენი ძირითადი თეოკრატიული საქმიანობაა (მარ. 13:10). ამიტომ სამეფო დარბაზების მშენებლობის ჯგუფები ცდილობენ ისე დაგეგმონ პროექტები, რომ მოხალისეებს არ მოუწიოთ თავიანთი კრებების დატოვება, თუ ამის აუცილებლობა არ არის. მოხალისეებიც ცდილობენ, გაწონასწორებულები იყვნენ თავიანთი პასუხისმგებლობების შესრულებისას. ისინი თავად ზრუნავენ იმაზე, რომ კრებაში მათი არყოფნის დროს დავალებები სხვებმა შეასრულონ.

⁶ პავლე მოციქულმა თქვა, რომ კრების წევრები ერთობლივად მსახურობენ, რათა ‘გაიზარდონ და საკუთარი თავი აღაშენონ სიყვარულში’ (ეფეს. 4:16). იეჰოვასა და ჭეშმარიტი თაყვანისმცემლობის სიყვარული აღგვძრავს, ერთობლივად დავუჭიროთ მხარი სასიხარულო ცნობის ქადაგებასა და სამეფო დარბაზების მშენებლობას.

[სასწავლო კითხვები]

1. რა გაკეთდა დღემდე სამეფო დარბაზების მშენებლობის საქმეში და რა საჭიროება არსებობს ამ მხრივ?

2. როგორ შეგვიძლია უშუალოდ დავუჭიროთ მხარი სამეფო დარბაზების მშენებლობას?

3. კიდევ როგორ შეგვიძლია სამეფო დარბაზების მშენებლობის მხარდაჭერა?

4. როგორ შეგვიძლია მხარი დავუჭიროთ მათ, ვინც სამეფო დარბაზების მშენებლობაზე მსახურობს?

5. როგორ შეუძლიათ მოხალისეებს გაწონასწორებულობის გამოვლენა?

6. რას ვაღწევთ, როცა კრებაში ერთობლივად ვშრომობთ ჭეშმარიტი თაყვანისმცემლობის წინ წასაწევად?