„გამოიღვიძეთის!“ სექტემბრის სპეციალური ნომერი
1 ჩიტების გალობა და მზის ჩასვლა გულგრილს არავის ტოვებს. მაგრამ, ბევრი არ ათვითცნობიერებს, რომ ეს ყოველივე მოსიყვარულე ზეციერმა მამამ შექმნა. ჩვენ გვაქვს შესანიშნავი შესაძლებლობა ვისაუბროთ იეჰოვას შემოქმედებაზე „გამოიღვიძეთის!“ სპეციალური ნომრის გავრცელებისას (ეს. 40:28; 43:10). სექტემბრის ნომერი მთლიანად ეთმობა თემას: „არსებობს შემოქმედი?“.
2 უბანზე. თუ შესაძლებელია, დაგეგმე კრებასთან ერთად კარდაკარ მსახურება ყოველ შაბათს. ჟურნალის ეს სპეციალური გამოშვება კვირის სხვა დღეებშიც შესთავაზე. ამ ნომრით განსაკუთრებით დაინტერესდებიან: მასწავლებლები და ყველა, ვინც განათლების სფეროში მუშაობს. ამიტომ სპეციალურად დაგეგმეთ მათი მონახულება თქვენს ტერიტორიაზე.
3 თუ მოსაუბრე ინტერესს ავლენს, წამოჭერი კითხვა, რომელსაც პასუხს შემდეგ მონახულებაზე გასცემ. მაგალითად, შეგეძლო გეკითხა, რატომ უშვებს მოსიყვარულე შემოქმედი ამდენ ტანჯვას. განმეორებითი მონახულებისას კი აჩვენე პირველი ან მეთერთმეტე თავი წიგნიდან: „რას გვასწავლის ბიბლია“. ან წამოჭერი კითხვა შემოქმედის განზრახვაზე დედამიწასთან დაკავშირებით და განმეორებითი მონახულებისას განიხილე მე-3 თავი.
4 სკოლაში. თუ სკოლის მოსწავლე ხარ, აჩუქე „გამოიღვიძეთის!“ ეს სპეციალური ნომერი შენს მასწავლებლებსა და თანაკლასელებს. თუ მერხზე დადებ ამ ჟურნალს, სხვებს შეიძლება კითხვები დაებადოთ ჩვენი მრწამსის შესახებ. შესაძლოა, მოგეცეს შესაძლებლობა ამ ინფორმაციის გამოყენებით საკლასო განხილვისას ან თავისუფალი თემის დაწერისას დაიცვა შენი რწმენა. ამ ნომრის რუბრიკაში „ახალგაზრდების შეკითხვები“ მოცემულია სტატია სათაურით: „როგორ ვაჩვენო, რომ მწამს შემოქმედების?“
5 იეჰოვა იმსახურებს ჩვენგან პატივსა და დიდებას, ვინაიდან ის შემოქმედია (გამოცხ. 4:11). ჩვენ პატივს მივაგებთ შემოქმედს და სხვებსაც დავეხმარებით სექტემბრის „გამოიღვიძეთის!“ დიდი ენთუზიაზმით გავრცელებით.