შეარჩიე სტატიები, რომლებიც განსაკუთრებით დააინტერესებს ადამიანებს

1 მშვილდოსნების მსგავსად, რომლებიც გულმოდგინედ უმიზნებენ მიზანს, კრების მრავალ მაუწყებელსა და პიონერს შესანიშნავი წარმატებები აქვთ თავიანთ უბანზე ჟურნალებიდან „საგუშაგო კოშკი“ და „გამოიღვიძეთ!“ შერჩეული სტატიების გამოყენებაში ადამინების განსაკუთრებული ინტერესის მიპყრობით. ისინი განსაზღვრავენ, ვინ უფრო წაიკითხავდა ჟურნალებიდან გარკვეულ სტატიებს. როგორ აკეთებენ ამას?

2 ისინი ჯერ თავიდან ბოლომდე კითხულობენ ყოველ ნომერს. შემდეგ თავის თავს უსვამენ კითხვას, თუ რა კატეგორიის ადამიანს მოეწონებოდა თითოეული სტატია? შემდეგ კი ინახულებენ პიროვნებებს, რომლებსაც, შესაძლებელია, უფრო დააინტერესებთ ამ სტატიების წაკითხვა. როდესაც ფიქრობენ, რომ რომელიმე ნომერს დიდი გამოხმაურება მოჰყვება თავიანთ უბანზე, დამატებით შეკვეთას აკეთებენ.

³ ჩვენს ჟურნალებს პატივისცემით ეპყრობიან. ერთმა ჩვენი ჟურნალის გამომწერმა, რომელიც ნიგერიის პოპულარულ საერთაშორისო ჟურნალის რედაქციაში მუშაობს, ჟურნალის „გამოიღვიძეთ!“ შესახებ ასეთი რამ თქვა: „დიდი მადლობა, მსოფლიოში მკითხველთა ფართო წრისთვის განკუთვნილი საუკეთესო ჟურნალისთვის“. ჩვენი ჟურნალების მუდმივმა მკითხველმა აღნიშნა: „ჟურნალები ფასდაუდებელი სიბრძნის საოცარი მარგალიტებია! ამ ჟურნალებში ყოველთვის შემიძლია ვიპოვო საკითხები, რომლებიც მაინტერესებს“.

⁴ ჟურნალებში მოცემულია მთელი რიგი საკითხები: ბიბლიაზე, მსოფლიო მოვლენებზე, ოჯახურ სიძნელეებზე, საზოგადოებრივ პრობლემებზე, ისტორიაზე, მეცნიერებაზე, ცხოველთა და მცენარეთა სამყაროზე. უეჭველია, პიროვნება უფრო ხალისით კითხულობს იმას, რაც დაკავშირებულია მის საჭიროებებთან, ვითარებასთან და პროფესიასთან. რადგან ვესაუბრებით ბევრ პიროვნებას, რომლებსაც თავიანთი ინტერესები და პრობლემები აქვთ, იმ სტატიების შერჩევით, რომლებიც ადამიანებისთვის განსაკუთრებულ ინტერესს იწვევს, კარგ შედეგებს ვიმკით.

⁵ ყურადღება მივაქციოთ რა მოხდა, როდესაც ორმა იეჰოვას მოწმემ 1996 წლის 8 სექტემბრის ჟურნალი „გამოიღვიძეთ!“ შესთავაზა გაზეთის მიმომხილველს. მან დაწერა: «სანამ იმის თქმას მოვახერხებდი, რომ არ მაინტერესებდა, ერთ-ერთმა მათგანმა დაამატა: „აქ მოცემულია სტატია ამერიკელ ინდიელებზე. ვიცით, რომ თქვენ ბევრი დაგიწერიათ ამ საკითხთან დაკავშირებით“ ». მან აიღო ჟურნალი და საუზმის დროს წაიკითხა მასალა ინდიელების შესახებ. მოგვიანებით აღიარა, რომ „ეს სტატია ჩინებული იყო“ და „სინამდვილეს შეეფერებოდა“.

⁶ რა აინტერესებთ შენს უბანზე ადამიანებს? ბოლო თვეების ჟურნალებში რა ნახე ისეთი, რაც შეიძლება მოეწონოთ შენს უბანზე გამყიდველებს და სხვადასხვა პროფესიის ადამიანებს ან შენს მეზობლებს, თანამშრომლებს და კლასელებს? განსაკუთრებით რა იქნებოდა საინტერესო ადვოკატებისთვის, პედაგოგებისთვის, ოჯახისა და განათლების საკითხში კონსულტანტებისთვის, ახალგაზრდების მრჩეველებისთვის, სოციალური უზრუნველყოფის თანამშრომლებსა და ექიმებისთვის? თითოეულ გამოცემაზე ყურადღებით დაფიქრება მაშინ მოგცემს ჭეშმარიტების გავრცელების შესანიშნავ შესაძლებლობას, თუ იფიქრებ მათზე, ვისაც უქადაგებ.

⁷ როდესაც ხვდები პიროვნებას, რომელიც განსაკუთრებულ ინტერესს ავლენს ჟურნალების „საგუშაგო კოშკი“ და „გამოიღვიძეთ!“ გარკვეული სტატიების მიმართ და რომელიც იღებს ჟურნალს, შეგიძლია უთხრა: „როდესაც შემდეგ ნომერში ისეთი სტატია იქნება, რომელზეც ვიფიქრებ რომ ასევე დაგაინტერესებთ სიამოვნებით მოგიტანთ“. ეს პიროვნება ჩართე ჟურნალების მარშრუტში და მოინახულე დროდადრო ბოლო ჟურნალების დასატოვებლად. ეს განმეორებითი მონახულების დანიშვნასავითაა იმ პიროვნებასთან, ვინც განსაკუთრებული ინტერესი გამოავლინა ჩვენს ჟურნალებში მოცემულ გარკვეული სტატიების მიმართ.

⁸ მიზნად დაისახე სულიერ საკითხებზე საუბარი. რამდენიმე წლის წინ მხოლოდ კარიერით დაინტერესებულმა ერთმა მამაკაცმა მიიღო ჟურნალი „გამოიღვიძეთ!“, რომელშიც მოცემული იყო მისთვის საინტერესო თემა. მაგრამ ამ მამაკაცმა წაიკითხა აგრეთვე ზემოხსენებულ ნომერთან ერთად დატოვებული ჟურნალი „საგუშაგო კოშკი“. მასში მოცემულმა სტატიამ, უბიძგა, შეემოწმებინა თავისი რწმენა სამების შესახებ, რომელიც მთელი სიცოცხლის მანძილზე ჰქონდა. ექვსი თვის შემდეგ ის მოინათლა! ამიტომ ნუ იყოყმანებ, რომ სულიერ საკითხებზე ისაუბრო ჩვენი ჟურნალების მკითხველებთან. შეგიძლია წარუდგინო ბროშურა „რას მოითხოვს ღმერთი ჩვენგან?“ და შესთავაზო, რომ ყოველთვის, როცა განმეორებით მოინახულებ ახალი ჟურნალების დასატოვებლად, სულ რამდენიმე წუთში განიხილოთ თითო გაკვეთილი.

⁹ ყურადღებით გადაწყვიტე, ვისთვის იქნებოდა საუკეთესო მიმდინარე ჟურნალების „საგუშაგო კოშკი“ და „გამოიღვიძეთ!“ მიცემა იმ პიროვნებებიდან, რომლებსაც განმეორებით ინახულებ ან რომლებიც შენთან ერთად მუშაობენ. შემდეგ ეცადე მიხვიდე მათთან. დაუკავშირდი რამდენსაც შეძლებ ამ ძვირფასი ჟურნალებით. და ნურასდროს დაივიწყებ, რომ, როცა ცდილობ დაეხმარო მეტ ადამიანს, წაიკითხონ ჩვენი ჟურნალები, ‘წყალს ატან შენ პურს’. დროთა განმავლობაში წარმატებას მიაღწევ მომავალი თანაქრისტიანების პოვნით (ეკლ. 11:1, 6).