მიაკითხე ყველას, ვინც თუნდაც მცირეოდენ ინტერესს ავლენს
1 ბევრი ჩვენგანი დღეს ჭეშმარიტებაშია, რადგან ოდესღაც ვიღაცამ ჩვენში სამეფოს ცნობისადმი ინტერესი შენიშნა და მოთმინებით გვაკითხავდა — შესაძლოა მრავალჯერაც — ჩვენი ინტერესის გასაღვივებლად. ჩვენც კეთილსინდისიერად უნდა მივაკითხოთ ყველას, ვინც თუნდაც მცირეოდენ ინტერესს ავლენს. ‘მოწაფეების მომზადების’ საქმეში ისიც შედის, რომ განმეორებით მივაკითხოთ ადამიანებს (მათ. 28:19, 20).
2 დააკვირდი, ავლენს თუ არა მოსაუბრე ინტერესს: თუნდაც ადამიანმა უარი თქვას ლიტერატურაზე, მისი სახის გამომეტყველებამ, ხმის ტონმა და სიტყვებმა შეიძლება მიგახვედროს, რომ მას მცირეოდენი ინტერესი მაინც აქვს სამეფოს ცნობისადმი. ამიტომ ამ ადამიანს შეიძლება განმეორებით მივაკითხოთ. ერთი ძმა ხუთი კვირის განმავლობაში აკითხავდა მამაკაცს, რომელიც არ იღებდა ლიტერატურას. როდესაც ძმამ ამ მამაკაცს მეექვსედ მიაკითხა, მან გამოართვა ლიტერატურა, ბოლოს კი ბიბლიის შესწავლაც დაიწყო.
3 თუ ადამიანში შეამჩნევ ინტერესს, მალევე მიაკითხე მას. არ მისცე „ბოროტს“ იმის საშუალება, რომ მოსტაცოს, რაც მის გულში ჩაითესა (მათ. 13:19). თუ დაჰპირდი, რომ მიაკითხავ, ყველანაირად ეცადე, შეასრულო სიტყვა და დათქმულ დროს მიხვიდე (მათ. 5:37).
4 ქუჩაში ქადაგება: ცდილობ, გააღვივო ინტერესი იმ ადამიანში, ვისაც ქუჩაში ან არაფორმალური ქადაგებისას ხვდები? საუბრის დასასრულს შეგეძლო გეთქვა: „სასიამოვნო იყო თქვენთან საუბარი. სად შეიძლება გნახოთ, რომ კვლავ ვისაუბროთ მსგავს საკითხებზე?“ სიტუაციიდან გამომდინარე, ზოგმა მაუწყებელმა შეიძლება დაინტერესებულ ადამიანს თავისი ტელეფონის ნომერი დაუტოვოს და, თუ შესაძლებელია, მასაც გამოართვას. თუ ხალხი გხედავს, რომ ხშირად ერთსა და იმავე ტერიტორიაზე ქადაგებ, მათ შეიძლება გაუადვილდეთ თავიანთი ტელეფონის ნომრის ან მისამართის მოცემა. ასეც რომ არ მოიქცნენ, მაინც შეგიძლია ეცადო მათი ინტერესის გაღვივებას, როდესაც მათ ქუჩაში კვლავ შეხვდები.
5 დიდ სიხარულს გვანიჭებს იმის დანახვა, თუ როგორ ხარობს მცენარე, რომელსაც ვრწყავთ და ვუვლით. ასევე გვახარებს განმეორებითი მონახულებების გაკეთება და ის, რომ ადამიანებს ვეხმარებით, სულიერად წინ წაიწიონ (1 კორ. 3:6). მიზნად დაისახე, მიაკითხო ყველას, ვინც თუნდაც მცირეოდენ ინტერესს ავლენს.