შეხსენებები გახსენების საღამოსთვის

უხუცესებმა ყურადღება უნდა მიაქციონ გახსენების საღამოსთან დაკავშირებულ შემდეგ მითითებებს:

◼ სიმბოლოები მზის ჩასვლამდე არ უნდა ჩამოატაროთ.

◼ მზად უნდა გქონდეთ სათანადო პური და ღვინო (იხილე 2003 წლის 15 თებერვლის „საგუშაგო კოშკი“, გვერდები 14, 15).

◼ შესაფერისი მაგიდა, გადასაფარებელი, თეფშები და ჭიქები დარბაზში წინასწარ უნდა მიიტანოთ და თავის ადგილზე დააწყოთ.

◼ სამეფო დარბაზი ან შეხვედრისთვის განკუთვნილი სხვა ადგილი წინასწარ კარგად უნდა დასუფთავდეს.

◼ მომწესრიგებლები და ის ძმები, რომლებიც სიმბოლოებს ჩამოატარებენ, წინასწარ უნდა აირჩიოთ და მიუთითოთ, თუ ვინ რას გააკეთებს. შეახსენეთ, ისე ჩაიცვან, რომ ამ საღამოს შესაფერისად გამოიყურებოდნენ.

◼ ორგანიზება უნდა გაუწიოთ ყოველი დავრდომილი ცხებულის მომსახურებას, რომლებიც ვერ ახერხებენ დასწრებას.

◼ თუ ერთი სამეფო დარბაზის გამოყენებას რამდენიმე კრება აპირებს, წინასწარ უნდა მიიღოთ ზომები, რომ შემოსასვლელი ან ვესტიბიული, ტროტუარები და ავტოსადგომები არ გადაიტვირთოს.

◼ თუ გახსენების საღამოს ჩასატარებლად სამეფო დარბაზის ნაცვლად სხვა რომელიმე ადგილის გამოყენებას აპირებთ, წინასწარ შეამოწმეთ, სათანადოდ მუშაობს თუ არა ხმის გამაძლიერებელი სისტემა, რათა მომხსენებლის ხმა ყველას კარგად ესმოდეს.