კრების შეხვედრების ახალი განრიგი

1, 2. რა ცვლილებები მოხდება კრების შეხვედრებთან დაკავშირებით 2009 წლის იანვრიდან?

¹ მთელ მსოფლიოში მცხოვრებმა იეჰოვას მოწმეებმა 2008 წლის 21 აპრილით დაწყებულ კვირაში მოისმინეს შემდეგი განცხადება: «2009 წლის 1 იანვრიდან დაწყებული, წიგნის შესწავლა ჩატარდება თეოკრატიული მსახურების სკოლასთან და სამსახურებრივ შეხვედრასთან ერთად. „წიგნის შესწავლის“ ახალი სახელწოდება იქნება „კრების ბიბლიის შესწავლა“».

² კრების შეხვედრების ყოველკვირეული განრიგი: კრების შეხვედრის სრული ხანგრძლივობა, სიმღერებისა და ორივე ლოცვის ჩათვლით იქნება 1 საათი და 45 წუთი. შეხვედრა დაიწყება სიმღერითა და ლოცვით (5 წთ.), რის შემდეგაც ჩატარდება კრების ბიბლიის შესწავლა (25 წთ.). ამას მოჰყვება თეოკრატიული მსახურების სკოლა (30 წთ.). შემდეგ იქნება მეორე სიმღერა (5 წთ.), რომელიც გახსნის სამსახურებრივ შეხვედრას (35 წთ.). ბოლოს კრება დამთავრდება სიმღერითა და ლოცვით (5 წთ.). შეხვედრებისთვის მომზადება რომ გაგიადვილდეთ „ჩვენს სამეფო მსახურებაში“ ყოველთვე დაიბეჭდება კრების ბიბლიის შესწავლის, თეოკრატიული მსახურების სკოლისა და სამსახურებრივი შეხვედრის გეგმა.

3. როგორ ჩატარდება კრების ბიბლიის შესწავლა?

³ კრების ბიბლიის შესწავლა: ეს შეხვედრა ისეთივე სახით ჩატარდება, როგორც „საგუშაგო კოშკის“ შესწავლა. განხილვის დასაწყისში საჭირო არ არის წინა კვირის მასალის მიმოხილვა. შეხვედრა ძალიან მოკლე შესავლით უნდა დაიწყოს. ეს შესაძლებლობას მისცემს ყველას, რომ მოკლე კომენტარები გააკეთონ. თავმჯდომარე ზედამხედველი იზრუნებს იმაზე, რომ ყოველკვირა სხვადასხვა უხუცესმა ჩაატაროს კრების ბიბლიის შესწავლა.

4. რა ცვლილებები შევა სამსახურებრივი შეხვედრის პროგრამაში?

⁴ სამსახურებრივი შეხვედრა: სამსახურებრივი შეხვედრა ისეთივე სახით ჩატარდება, როგორც ახლაა, ოღონდ დავალებებს უფრო მოკლე დრო დაეთმობა. განცხადებებისთვის ხუთი წუთი იქნება გამოყოფილი. ეს დრო საკმარისი იქნება ძირითადი განცხადებების გასაკეთებლად და ფილიალიდან მიღებული ზოგიერთი წერილის წასაკითხად. საჭირო აღარ იქნება ისეთი განცხადებების საჯაროდ გაკეთება, რაც ეხება სამქადაგებლო მსახურებას, დარბაზის დალაგებას და კრების საფინანსო ანგარიშებს; აგრეთვე, აღარ წაიკითხება სტანდარტული წერილები. ეს ყოველივე გამოკრული იქნება საინფორმაციო დაფაზე. ძმებმა კარგად უნდა მოამზადონ დავალებები და გაითვალისწინონ ყველა ის მითითება, რაც მათ დავალებას ეხება; ისინი დავალებებით გამოსვლისას განსაზღვრულ დროში უნდა ჩაეტიონ.

5. როგორ ჩატარდება კრების შეხვედრები სარაიონო ზედამხედველის მონახულების კვირაში?

⁵ სარაიონო ზედამხედველის მონახულება: სარაიონო ზედამხედველის მონახულების განრიგი არ შეიცვლება. სამშაბათს თეოკრატიული მსახურების სკოლა და სამსახურებრივი შეხვედრა დაიწყება სიმღერით. შემდეგ სარაიონო ზედამხედველი გამოვა 30-წუთიანი მოხსენებით. მონახულების კვირაში კრების ბიბლიის შესწავლა სხვა დღეს ჩატარდება, ისევე როგორც დღესაა. ეს შეხვედრა სიმღერით დაიწყება. ამ შეხვედრის შემდეგ იქნება სარაიონო ზედამხედველის მოხსენება და პროგრამა ჩვეულებრივ დამთავრდება სიმღერითა და ლოცვით.

6. რა შედის ჯგუფის ზედამხედველის პასუხისმგებლობაში?

⁶ სამქადაგებლო მსახურების შეხვედრა: უხუცესთა საბჭო დანიშნავს ჯგუფების ზედამხედველებს, რომ მათ ორგანიზება გაუწიონ ჯგუფების სამქადაგებლო მსახურებაში გასვლას და ყოველმხრივ იზრუნონ ჯგუფის თითოეულ წევრზე. თუ საჭიროების შემთხვევაში მომსახურე შეასრულებს ამ პასუხისმგებლობას, ის დაინიშნება როგორც „ჯგუფის მსახური“.

7. რა მიზანს ემსახურება კრების შეხვედრების ახალი განრიგი?

⁷ როგორც დავინახეთ, კრების შეხვედრების ახალი განრიგი შესაძლებლობას მოგვცემს, გავმხნევდეთ და იეჰოვასთან ურთიერთობა განვიმტკიცოთ. ეს შეხვედრები მოგვამზადებს, რომ ეფექტური მქადაგებლები და მასწავლებლები ვიყოთ და მსახურებაში უფრო მეტი ნაყოფი გამოვიღოთ (ეფეს. 4:13, 14; 2 ტიმ. 3:17).

8. რა მხრივ იქნება წინასწარ მომზადება სასარგებლო როგორც ჩვენთვის, ისე სხვებისთვის?

⁸ თითოეული შეხვედრისთვის წინასწარ მომზადება დაგვეხმარება, შეხვედრის დროს ყურადღება მთავარ აზრებზე გავამახვილოთ. ამ შეხვედრებზე ყველას მოგვეცემა შესაძლებლობა, კომენტარები გავაკეთოთ და, ასეთი სახით, ერთმანეთს გამამხნევებელი აზრები გავუზიაროთ (რომ. 1:11, 12; ებრ. 10:24). ჩვენი მიზანი უნდა იყოს, რომ ჭეშმარიტების სიტყვის სწორად გადაცემით ‘ყველასთვის ცხადი გავხადოთ ჩვენი წარმატება’ (1 ტიმ. 4:15; 2 ტიმ. 2:15).

9. რა გვაქვს გადაწყვეტილი და რატომ?

⁹ ჩვენ გვიხარია, რომ კრების შეხვედრებთან დაკავშირებით ასეთი მნიშვნელოვანი ცვლილება მოხდა. მოდი, კვლავაც მივყვეთ „ერთგული და გონიერი მონის“ ხელმძღვანელობას და ახლო ურთიერთობა შევინარჩუნოთ ჩვენს დიდებულ მწყემსთან, რომელიც მოახლოებული „დიდი გასაჭირისთვის“ გვამზადებს (მათ. 24:21, 45; ებრ. 13:20, 21; გამოცხ. 7:14).