ბიბლიის შესწავლების შესათავაზებლად განკუთვნილი დღე
1 იანვრიდან მოყოლებული ყოველთვე ყველა კრებაში ერთი შაბათი ან კვირა ბიბლიის შესწავლების შეთავაზებას დაეთმობა. შესაძლოა ეს იყოს თვის პირველი შაბათი ან კვირა იმის გათვალისწინებით, თუ რომელი დღე იქნება კრებისთვის ყველაზე ხელსაყრელი. თუ ამ დღეს მობინადრე უარს იტყვის შესწავლის დაწყებაზე, მაუწყებელს შეუძლია მაინც შესთავაზოს წიგნი „რას გვასწავლის ბიბლია?“ ან უახლესი ჟურნალები. უხუცესებმა და მომსახურეებმა ამ დღეს მაქსიმალურად უნდა მიიღონ მონაწილეობა მსახურებაში და უნდა დაეხმარონ მაუწყებლებს ბიბლიის შესწავლების დაწყებაში.
2 კრების სამსახურებრივი კომიტეტი გადაწყვეტს, რომელ შაბათს ან კვირას დაუთმობენ ბიბლიის შესწავლის შეთავაზებას. ამასთან დაკავშირებით, დროდადრო ძმები შეახსენებენ მაუწყებლებს, წინასწარ მოემზადონ ამ დღისთვის, რათა მთელი ძალისხმევა მოახმარონ შესწავლის დაწყებას კარდაკარ მსახურებისას თუ განმეორებითი მონახულებისას.
3 მომზადება: ბიბლიის შესწავლის დასაწყებად რჩევები მოცემულია 2006 წლის იანვრის „ჩვენი სამეფო მსახურების“ დანართსა და წიგნში „მსჯელობა“, გვერდი 10. ზოგმა შეიძლება გამოიყენოს ტრაქტატი „გინდათ იცოდეთ სიმართლე?“ 2007 წლის აგვისტოს „ჩვენი სამეფო მსახურების“ მე-3 გვერდზე მოცემულია პრაქტიკული რჩევები, თუ როგორ დავიწყოთ ბიბლიის შესწავლები მათთან, ვისაც ჟურნალები დავუტოვეთ. უხუცესები და მომსახურეები ჩაატარებენ მოკლე, 10—15 წუთიან სამქადაგებლო მსახურების შეხვედრას. ამ შეხვედრაზე განიხილება ბიბლიის შესწავლის დასაწყებად ერთი-ორი პრაქტიკული რჩევა ან წარმოდგენილი იქნება ინსცენირება.
4 ცხადია, ყველა არ მოისურვებს ბიბლიის შესწავლას. ზოგმა შეიძლება დაიწყოს შესწავლა, მაგრამ მერე შეწყვიტოს. ბუნებრივია, ეს არ გვაძლევს იმის მიზეზს, რომ უარი ვთქვათ სხვებისთვის ბიბლიის შესწავლის შეთავაზებაზე, რადგან თვითონ იეჰოვა იზიდავს ცხვრისმაგვარ ადამიანებს თავის ორგანიზაციაში (იოან. 6:44). ჩვენი პასუხისმგებლობა მხოლოდ ჭეშმარიტების მარცვლის დათესვა როდია, ჩვენ უნდა მოვრწყათ კიდეც, რომ ფესვები გაიდგას. ამაში გულმართალ ადამიანებთან ბიბლიის შესწავლის ჩატარება იგულისხმება. თუ ასე მოვიქცევით, ღვთის თანამშრომელნი ვიქნებით, რაც დიდი პატივია (1 კორ. 3:9).