ქადაგება სულიერად გვაძლიერებს
1. რა კურთხევები მოაქვს ჩვენთვის სამქადაგებლო საქმიანობას?
1 მსახურებაში აქტიური მონაწილეობა სულიერად გვაძლიერებს და მეტ სიხარულს გვანიჭებს. ცხადია, უმთავრესად იმიტომ ვქადაგებთ, რომ ვასიამოვნოთ იეჰოვას. მაგრამ, როდესაც ვასრულებთ იეჰოვას მითითებას და ‘ვქადაგებთ სიტყვას’, ამას ჩვენთვის მრავალმხრივ მოაქვს კურთხევები (2 ტიმ. 4:2; ეს. 48:17, 18). როგორ შეიძლება გაგვაძლიეროს ქადაგებამ და უფრო მეტი სიხარული მოგვიტანოს?
2. რა მხრივ გვაძლიერებს მსახურება?
2 ქადაგება გვაძლიერებს და კურთხევები მოაქვს: ქადაგება გვეხმარება, რომ სამეფოს კურთხევებზე უფრო ვიფიქროთ, ვიდრე დღევანდელ გასაჭირზე (2 კორ. 4:18). სხვებისთვის ბიბლიური სწავლებების ახსნა იეჰოვასადმი რწმენას გვიმტკიცებს და ჭეშმარიტებისადმი მადლიერებას გვიღრმავებს (ეს. 65:13, 14). როდესაც დაინტერესებულებს სულიერ ზრდაში ვეხმარებით, რათა არ იყვნენ „ქვეყნიერების ნაწილი“, ეს ჩვენც გვაძლიერებს და გვეხმარება, ქვეყნიერებისგან გამოცალკევებულნი დავრჩეთ (იოან. 17:14, 16; რომ. 12:2).
3. როგორ გვეხმარება სამქადაგებლო მსახურება ქრისტიანული თვისებების გამომუშავებაში?
3 მსახურებაში მონაწილეობა ქრისტიანული თვისებების გამომუშავებაში გვეხმარება. მაგალითად, როცა ვცდილობთ, „ყველასთვის ყველაფერი გავხდეთ“, თავმდაბლობას ვივითარებთ (1 კორ. 9:19—23). როდესაც ‘უმწყემსო ცხვარივით გასავათებულ და დაფანტულ’ ხალხს ვესაუბრებით, ეს თანაგრძნობასა და სიბრალულს გვასწავლის (მათ. 9:36). ჩვენ აგრეთვე მოთმინებას ვსწავლობთ, როცა გულგრილობისა და წინააღმდეგობის მიუხედავად განვაგრძობთ ქადაგებას. ჩვენი სიხარული იზრდება, როცა სხვების დასახმარებლად ძალ-ღონეს არ ვიშურებთ (საქ. 20:35).
4. რას განიცდით მსახურების დროს?
4 მართლაც დიდი კურთხევაა მსახურებაში მონაწილეობა, რაც განადიდებს მას, ვინც ჩვენს თაყვანისცემას იმსახურებს! ქადაგება გვაძლიერებს და უხვი კურთხევები მოაქვს, როცა ყველანაირად ვცდილობთ, ‘საფუძვლიანად დავამოწმოთ სასიხარულო ცნობა’ (საქ. 20:24).