ყველაზე მნიშვნელოვანი საქმე
1. რისი გაღება გვიწევს მსახურებისთვის?
1 რატომ მოგვიწოდებენ ყოველთვის, რომ ჩვენი დრო, ენერგია და სახსრები მსახურებას მივუძღვნათ? იმიტომ, რომ ქადაგებაზე მნიშვნელოვანი საქმე არაფერია! იმაზე დაფიქრება, თუ რა მიიღწევა ქადაგებით, აღგვძრავს, რომ ეს განუმეორებელი საქმე მთელი გულმოდგინებით შევასრულოთ (საქ. 20:24).
2. როგორ განვადიდებთ იეჰოვას სახელს ქადაგებით?
2 იეჰოვას სახელის განდიდება: ქადაგებისას ყურადღებას ვამახვილებთ იეჰოვას სამეფოზე, რომლის მეფეც იესო ქრისტეა. ეს სამეფო დედამიწაზე არსებულ ყველა მთავრობას შეცვლის და ადამიანთა ყველა პრობლემას ბოლოს მოუღებს (მათ. 6:9, 10). იეჰოვა ერთადერთია, ვისაც შეუძლია დაგვიხსნას ავადმყოფობისა და სიკვდილისგან (ეს. 25:8; 33:24). ჩვენ ღვთის სახელით ვიწოდებით, ამიტომ როცა სხვები დაინახავენ ჩვენს კარგ საქციელსა და გულმოდგინებას, მათ შეიძლება ღმერთი განადიდონ (1 პეტ. 2:12). ჩვენთვის დიდი ბედნიერებაა, რომ უზენაესი უფლის, იეჰოვას სახელი ვამცნოთ მთელ დედამიწას (ფსალმ. 83:18).
3. რა კურთხევებს იღებენ ისინი, ვინც დადებითად ეხმაურებიან სამეფოს შესახებ ცნობას?
3 ადამიანთა გადარჩენა: იეჰოვას „არ სურს, რომ ვინმე დაიღუპოს, არამედ სურს, რომ ყველამ მოინანიოს“ (2 პეტ. 3:9). მაგრამ ხალხი ვერ გაიგებს, რა არის იეჰოვასთვის მისაღები და რა მიუღებელი, თუ ამის შესახებ მათ არავინ ასწავლის (იონ. 4:11; რომ. 10:13—15). ვინც დადებითად ეხმაურება სასიხარულო ცნობას, მათი ცხოვრება უკეთესობისკენ იცვლება, რადგან ტოვებენ საზიანო ჩვევებს (მიქ. 4:1—4). უფრო მეტიც, მათ მარადიული ცხოვრების შესაძლებლობა ეძლევათ. აქტიური ქადაგებითა და სწავლებით ვიხსნით როგორც საკუთარ თავს, ისე მსმენელებს (1 ტიმ. 4:16). ჩვენთვის მართლაც დიდი პატივია, რომ შეგვიძლია ამ დიდებულ საქმეში მივიღოთ მონაწილეობა!
4. რატომ უნდა ვიყოთ აქტიურად ჩაბმულნი სამეფოს შესახებ ცნობის ქადაგებისა და მოწაფეების მომზადების საქმეში?
4 მალე დიდი გასაჭირი მოულოდნელად მოუღებს ბოლოს უსამართლო ქვეყნიერებას. ვინც იეჰოვას მხარეს იქნება, გადარჩება. ამიტომ ქადაგება და მოწაფეების მომზადება ყველაზე გადაუდებელი, მნიშვნელოვანი და სასარგებლო საქმეა, რაც დღეს სრულდება. ჩვენ გვსურს, რომ ეს საქმე ყოველთვის პირველ ადგილზე იდგეს ჩვენს ცხოვრებაში (მათ. 6:33).