დაიწყებ ბიბლიის შესწავლას ოქტომბერში?
1. რას ვთავაზობთ ოქტომბერში?
1 ოქტომბერში შესათავაზებელი ლიტერატურაა „საგუშაგო კოშკი“ და „გამოიღვიძეთ!“. კარგი იქნება, თუ ინტერესის აღსაძვრელად გამოვიყენებთ ტრაქტატს „გინდათ იცოდეთ სიმართლე?“ და შევეცდებით ბიბლიის შესწავლის დაწყებას. როგორ შეგვიძლია ამის გაკეთება განმეორებითი მონახულების დროს?
2. როგორ შეგვიძლია დავიწყოთ ბიბლიის შესწავლა ტრაქტატით „სიმართლე“ იმ ადამიანის განმეორებით მონახულების დროს, ვინც ჟურნალები დაიტოვა?
2 როგორ შევთავაზოთ ტრაქტატი? შეგვიძლია ვუთხრათ: «ჟურნალები, რომლებიც წინა შეხვედრაზე დაგიტოვეთ, აღძრავს ყველანაირი წარმოშობისა და მრწამსის ადამიანს, რომ ბიბლია გამოიკვლიოს [მობინადრეს მიაწოდე ტრაქტატი „სიმართლე“ და ყურადღება გაუმახვილე პირველ გვერდზე დასმულ კითხვებზე]. აქ დასმულია რამდენიმე საინტერესო შეკითხვა, რომლებზეც ბიბლია დამაკმაყოფილებელ პასუხებს სცემს. გაგჩენიათ ოდესმე მსგავსი კითხვები?». მობინადრის პასუხის მიღების შემდეგ ერთად განიხილეთ მის მიერ დასმულ კითხვაზე ამ ტრაქტატში მოცემული პასუხი და წაიკითხეთ იქ მოყვანილი მუხლებიდან ერთ-ერთი. შემდეგ აუხსენი, რომ ეს მხოლოდ ერთი მაგალითია იმისა, რასაც ბიბლია ასწავლის და მიეცი წიგნი „რას გვასწავლის ბიბლია?“. შემდეგ შეგიძლია მასთან ერთად განიხილო შესავალი აბზაცები იმ თავიდან, რომელსაც თვითონ აირჩევს სარჩევიდან, ან შენ თვითონ შესთავაზო ამ წიგნიდან მეტი ინფორმაცია კითხვაზე, რომელიც მას ტრაქტატიდან აინტერესებდა. შეგიძლია გამოიყენო ქვემოთ მოყვანილი მითითებები.
● სულერთია ღმერთისთვის ის, რაც ჩვენ გარშემო ხდება? (გვ. 9—11, აბზ. 6—10)
● მოეღება ოდესმე ბოლო ომებსა და ადამიანთა ტანჯვას? (გვ. 11, 12, აბზ. 12, 13)
● რა ხდება სიკვდილის შემდეგ? (გვ. 59, აბზ. 7—8)
● ვნახავთ ოდესმე ჩვენს გარდაცვლილ ახლობლებს? (გვ. 71, აბზ. 13—15)
● როგორ ვილოცოთ, ღვთისგან პასუხი რომ მივიღოთ? (გვ. 166, 167, აბზ. 5—8)
● რა სჭირდება ადამიანს ნამდვილი ბედნიერებისთვის? (გვ. 9, აბზ. 4, 5)
3. როგორ შეგვიძლია ვცვალოთ ჩვენი მიდგომა ვითარებიდან გამომდინარე?
3 თუ გარემოება ხელს არ გვიწყობს, რომ პირველივე განმეორებითი მონახულების დროს დავიწყოთ ბიბლიის შესწავლა წიგნით „რას გვასწავლის ბიბლია?“ ან ვაჩვენოთ, როგორ ტარდება ამ წიგნით შესწავლა, ყოველთვის შეგვიძლია შევუთანხმდეთ მობინადრეს კიდევ ერთ განმეორებით მონახულებაზე და დაწყებული საუბარი განვაგრძოთ. იქიდან გამომდინარე, თუ რამდენად აინტერესებს ადამიანს ტრაქტატში დასმულ კითხვებზე პასუხი, შეგვეძლო რამდენიმე შეხვედრის განმავლობაში რამდენიმე კითხვა განგვეხილა და შემდეგ შეგვეთავაზებინა წიგნი. ჩვენ შეგვიძლია ვისარგებლოთ ამ შესანიშნავი ტრაქტატით ოქტომბერში ბიბლიის შესწავლის დასაწყებად და დავეხმაროთ გულწრფელ ადამიანებს, ‘შეიცნონ ჭეშმარიტება’ (იოან. 8:31, 32).