როგორ გამოვიყენოთ ბლანკი „გთხოვთ მოინახულოთ“ (S-43)

ეს ბლანკი მაუწყებელმა მაშინ უნდა შეავსოს, როდესაც შეხვდება ადამიანს, რომელიც ინტერესს გამოავლენს, და რომელიც მისი კრების ტერიტორიაზე არ ცხოვრობს ან უცხო ენაზე ლაპარაკობს. წარსულში ამ ბლანკს ნებისმიერ შემთხვევაში ვავსებდით, მიუხედავად იმისა, ავლენდა უცხო ენაზე მოლაპარაკე ინტერესს თუ არა. მაგრამ ახლა ეს ბლანკი უნდა შევავსოთ მხოლოდ იმ შემთხვევაში, თუ მოსაუბრე ინტერესს ავლენს. გამონაკლისს წარმოადგენს, თუ ვხვდებით ყრუ-მუნჯს. ამ დროს მაინც ვავსებთ ბლანკს S-43-ს, მიუხედავად იმისა, ავლენს ყრუ-მუნჯი ინტერესს თუ არა.

შევსებული ბლანკი უნდა მივცეთ კრების მდივანს. თუ მან იცის, რომელ კრებას ეხება ეს, მდივანი პირდაპირ გადაუგზავნის ბლანკს ამ კრების უხუცესებს, რომ მათ იზრუნონ მასზე, ვინც ინტერესი გამოავლინა. თუ არ იცის, რომელ კრებას უნდა გაუგზავნოს, ის ამ ბლანკს ფილიალში გაგზავნის.

თუ უცხო ენაზე მოლაპარაკე თქვენი კრების ტერიტორიაზე ცხოვრობს, განმეორებით მოინახულეთ ისინი მანამ, სანამ მას თავის ენაზე მოლაპარაკე კრების მაუწყებელი არ მიაკითხავს (იხილეთ 2009 წლის ნოემბრის „ჩვენი სამეფო მსახურება“, გვ. 4).